1 Timoteo 1:16 - Tüpä Ñe'ëngagwer

¹⁶ Sese Tüpä che paraɨsuereko, che rese rane Jesucristo reko mbegwe tuprɨsa mboyekwa agwä. Egwë e'i che rekokwer upe ambuae ava seroya agwä, ipɨpe sui osupitɨra tekovesa apɨre'ɨ̇ va'e yuvɨreko.

Tũpa Ñehengagüer

¹⁶ Sese Tũpa che paraɨsuereco che rese rane Jesucristo reco mbegüe tuprɨsa mboyecua ãgua. Ẽgüe ehi che recocuer upe ambuae ava seroya ãgua. Ipɨpe sui osupitɨra tecovesa apɨrẽhɨ vahe yuvɨreco.

1 Timoteo 1:16 Iomraidhean Croise

San Lucas 15:10

Amombe'u aipo supiete iyavei oime avei torɨvetesa Tüpä rembigwai ɨva pendar re'ɨi upe ñepëi ava yangaipa gwasu va'e osekuñaröse gwekokwerai.”

San Lucas 23:43

Jesús omboyevɨ chupe: –Supiete ko pɨpe ereikora tekwa apɨre'ɨ̇ va'esave che rupi.

San Lucas 7:47

Sese aipo a'e ndeu ko angaipa gwasu vɨreko va'e kuña oipɨsɨ ite ñeröisa, esepia vɨreko ite poroaɨsusa tuvicha va'e che rese; akoi ava upe nañeröisa tuprɨi va'e, a'e ndoporoaɨsu tuprɨi avei.

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 6:40

Esepia che Ru remimbotar oipota opakatu ava oma'e va'erä Tüpä Ra'ɨrɨ rese iyavei vɨroya itera, vɨreko va'erä tekovesa apɨre'ɨ̇ yuvɨreko; supiete ambogwerayevɨra arɨ ipa va'e pɨpe kuri.

San Juan 6:54

Akoi o'u va'e che retekwer iyavei oɨ'u va'e che ruvɨ, a'e vɨrekora tekovesa apɨre'ɨ̇; iyavei che ambogwerayevɨra arɨ ipa va'e pɨpe kuri.

Romanos 15:4

Supiete opakatu omombe'u va'e araka'e Ikwachiaprɨ pɨpe, a'e ikwachiasa yande mbo'e agwä.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

1 Corintios 7:25

Akoi kuña nomenda vɨtei va'e yuvɨreko, a'e chupe narä ndarekoi Yar suindar che ñe'ë agwä; che rumo amondora che pɨ'a ñemoñetasa yuvɨreko chupe, esepia yande Yar che paraɨsuerekosa pɨpe ite imboyeroyaprɨ aiko.

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

Efesios 1:12

Iyavei a'e oipota ite yande yaiko va'erä yɨpɨndar Cristo rupi, a'ese avei yamboeteira seko porañetesa gwasu.

Efesios 1:6

Sese yande yasapukaira Tüpä upe iporoaɨsusa porañete va'e rese yepi, a'e ipɨpe ni'ä yande rovasa Gwa'ɨrɨ gwembiaɨsu sui.

Efesios 2:7

Ko oyapo opakatu imboyekwa pɨrä kuri katu narä, iporovasasa iporoaɨsusa avei tuvicha va'e yandeu Cristo Jesús rese yeroya agwä.

2 Tesalonicenses 1:10

akoi ouse a'e arɨ pɨpe, yande Yar imboeteisara opakatu seroyasar pa'üve; ipa'üve peikora, esepia peroya ite oromombe'u va'e peü.

1 Timoteo 1:13

yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

1 San Pedro 3:20

a'e ava Noé rekosendar ndiporeroyai va'e yuvɨreko araka'e. Tüpä osärö gweko mbegwesa pɨpe sekokwer moigätu agwä viña Noé oyapo vɨteseve ɨarusu oiko, a'e ipɨpe oñepɨsɨrö mbosapɨ ova tëi yuvɨreko amarusu sui.

2 San Pedro 3:15

Tapeikwa ko yande Yar seko mbegwe yandeu yande pɨsɨrö agwä. Egwë e'i avei yande rembiaɨsu Pablo ikwachia oyeupe Tüpä ombou va'e mba'ekwasa pɨpe peü.

2 San Pedro 3:9

Esepia yande Yar ndiaraka'ei ete oñe'ë mboavɨye agwä, inungar amove ava, aipo e'i yuvɨreko viña, a'e rumo avɨye eteprɨ gweko mbegwesa pɨpe yandeu, esepia ndoipotai ñepëi yepe yande kañɨ tëi agwä; a'e rumo oipota opakatu tuprɨ ite yande rekokwer ñekuñarö agwä.