1 Timoteo 1:14 - Tüpä Ñe'ëngagwer

¹⁴ Egwë e'i yande Yar ombou katu oporovasasa che rese, iyavei ombou che oyese yeroya agwä iyavei che poroaɨsu agwä Cristo Jesús rese che rekosa pɨpe.

Tũpa Ñehengagüer

¹⁴ Ẽgüe ehi yande Yar ombou catu oporovasasa che rese iyavei ombou che oyese yeroya ãgua iyavei che poroaɨsu ãgua Jesucristo rese che recosa pɨpe.

1 Timoteo 1:14 Iomraidhean Croise

San Mateo 20:9

Akoi yuvɨroike va'e ka'arumi katuse oporavɨkɨ va'e yuvɨreko chupe, ipare a'e oyakatu ñepëi-pëi arɨ rupindar oipɨsɨ gwarepochi yuvɨreko.

Los Hechos 15:11

Ko rumo, yaroyase yande Yar Jesús yande pɨsɨröra oporoaɨsusa pɨpe, inungar ko ava nda'ei va'e judío yuvɨrekoi.

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

1 Corintios 15:10

Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

1 Corintios 3:10

Che aiko oɨ aposar esepia Tüpä oyapo uka oɨ vɨräkwäsa cheu, ambuae evokoiyase omopü'a i'arɨve. Ñepëi-pëi peiko va'e peikwa tuprɨra imopü'a,

2 Corintios 4:15

Ko opakatu mba'e tëi oime va'e oreu, peü mba'e avɨye agwä rese, tovɨreko katu Tüpä porovasasa yuvɨreko ore yapave; ipɨpe sui, avɨye ndeu te'i seta katu ava Tüpä upe imboeteisave yuvɨreko.

2 Corintios 8:9

Peikwa ni'ä pe yande Yar Jesucristo poroaɨsusa, yepe a'e mba'e yar sekoi viña, opa rumo oseya omba'e pe rekokwer rese, iparaɨsu pɨpe sui ni'ä pe ɨva pendar mba'e pereko.

Gálatas 1:13

Pe ni'ä pesendu yɨpɨndar che rekokwer resendar, che mu judío yembo'esa rupi agwata vɨtese vichiko, che rekoai pɨpe tëi aseka-seka katu Tüpä rembiporavo Jesús reroyasar momarä agwä.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

1 Timoteo 2:15

Kuña rumo oñepɨsɨröra okwaita mboavɨyesa pɨpe Cristo reroyasa pɨpe, poroaɨsusa gweko maräne'ɨ̇sa pɨpe avei.

1 Timoteo 4:12

Tipo eme ava nde reroɨrö va'e chi'ïvä'e katu nde reko rese; nde rumo ereiko tuprɨra Tüpä reroyasar rovake. Eñe'ë Tüpä reroyasave nde reko tuprɨsa pɨpe. Esaɨsu tuprɨ nde yeroyasave nde rekokwer maräne'ɨ̇ pɨpe.

1 Timoteo 6:11

Nde rumo, Tüpä rese ereiko va'e, eyepepɨ opakatu ko nungar mba'e naporäi va'e sui. Eiko nde reko ɨ̇visa pɨpe, ndema'endu'año ite Tüpä rese, eroya esaɨsu, eñemosa avei eiko nde reko mbegwesave.

2 Timoteo 1:13

Ko porombo'esa amondo va'e ndeu supi ñoite eregwatara, iyavei ereikoño itera Tüpä reroyasa pɨpe, poroaɨsusa yareko va'e rese avei avɨye Cristo Jesús upe.

2 Timoteo 2:22

Eyepepɨ mbɨa chi'ïvä'e pɨ'añemoñeta raisa sui, emo'ɨ̇vi tuprɨño nde rekokwer sereko. Eyeroyaño Tüpä rese, esaɨsu katu avei ava eiko nde reko tuprɨ pɨpe, inungar yande Yar reroyasar oyapo opɨ'añemoñeta tuprɨsa pɨpe yuvɨreko.

Tito 2:2

Ko ava otɨ̇arö katu va'e toñearö tuprɨ, imboyeroyaprɨ toyuvɨrekoi; toñearö tuprɨ avei gwekokwer pɨpe, oporaɨsusa opirätäsa pɨpe oipɨsɨ mba'e tasɨ va'e.

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Juan 4:10

Nda'ei yande rane yasaɨsu Tüpä, a'e rane rumo yande raɨsu iyavei ombou Gwa'ɨrɨ imano agwä yande angaipa repɨrä, a'e ni'ä poroaɨsusa supiete va'e.

Apocalipsis 22:21

Yande Yar Jesucristo taperovasa opakatu.