1 Tesalonicenses 5:6 - Tüpä Ñe'ëngagwer

⁶ sese ndayaikoi chira ko ambuae yuvɨroke tëi va'e nungar; iyakatu rumo yande yayemopoäse yande pɨ'añemoñeta tuprɨsa pɨpe.

Tũpa Ñehengagüer

⁶ Evocoiyase ndayaicoi chira co ambuae yuvɨroque tẽi vahe nungar pɨhañemoñetasa pɨpe; iyacatu rumo yande yayemopoase yande pɨhañemoñeta tuprɨsa pɨpe.

1 Tesalonicenses 5:6 Iomraidhean Croise

San Mateo 13:25

opakatu yuvɨroke seve rumo, oyepota ñepëi yamotare'ɨ̇sar, oñotɨ̇ ka'a naporäi va'e trigo pa'ü rupi, ipare osoño ichui.

San Mateo 24:42

“Pema'emo'ä peyese yepi esepia ndapeikwai mba'e arɨ pɨpe che pe Yar ayevɨra.

San Mateo 25:13

“Pe evokoiyase pema'emo'ära peyese–aipo e'i iri Jesús–, esepia ni'ä ndapeikwai ete mba'e arɨ pɨpe che ayevɨra vitu.”

San Mateo 25:5

Kuña mevɨ ndoyepota apɨ'aise rumo, a'ese opakatu sopesɨi tëi yuvɨreko, koiye opaño ite yuvɨroke ichui.

San Mateo 26:38

A'e rumo aipo e'i chupe: –Che ayandu ite kurïtëi vɨ'are'ɨ̇sa manosa resendar. Pepɨtapa rane ko'ave, iyavei pema'emo'ära yeruresa pɨpe ndapekei chira che rupive.

San Marcos 13:37

Che aipo a'e peü, opakatu upe avei: ¡Pema'emo'äño itera yepi!”

San Lucas 12:37

Saɨsuprɨ yuvɨrekoira mbigwai gwerekwar osärö tuprɨ va'e. Amombe'u tuprɨra aipo peü imboakwasar ae oyemboyerera imbogwapɨ karusa rendave omondo va'erä mimoi ito'u.

San Lucas 12:39

Peyapɨsaka tuprɨ ko rese: akoi oɨ yar oikwase imonda va'e yepota agwä viña, a'ese opɨtara imonda va'e rärö gwëtä pɨpe sui mba'e renose e'ɨ̇ agwä viña.

San Lucas 21:36

Sese peyemoigätura, peyerurera arɨ yakatu rupi, pesë va'erä opakatu ko mba'e-mba'e tëi oime va'e sui peyemboyekwa va'erä Tüpä Ra'ɨrɨ rovai.”

San Lucas 22:46

Aipo e'i: –¿Ma'erä vo opaño peke? Peñarapü'a, peyerure katu pe vɨapi e'ɨ̇ agwä mba'e tëi pɨpe.

Los Hechos 20:31

Pema'emo'ä tuprɨ peyese: pema'endu'a akoi opomboarakwa tuprɨse mbosapɨ aravɨter rupi, arɨ iyavei pɨ̇tü opombo'e che yase'osa pɨpe pe rereko.”

1 Corintios 15:34

Pe pɨ'añemoñeta tuprɨ iri katu, peyemboangaipa uka iri eme avei, esepia amove pe pa'ü pendar oime ndoikwai va'e ite Tüpä yuvɨreko. Che aipo a'e peü toyuvɨnochi che ñe'ë osenduse yuvɨreko viya.

1 Corintios 16:13

Pema'emo'ä peyese, peyemovɨräkwä avei Jesús rese pe yeroyasa pɨpe, peñemosaño katu pe kwaita upe, peikoveño itera Tüpä pirätäsa pɨpe.

Efesios 2:3

Yɨpɨndar opakatu yande avei yagwata, yande remimbotar rupi tëi yande rekokwerai pɨpe, yande pi'añemoñeta raisa rupi tëi avei yayapo mba'e. Sese Tüpä ñemoɨrösa yaipɨsɨra opakatu ambuae ava rupive avei.

Efesios 5:14

esepia ko tesapesa, omboyekwa tuprɨ opakatu mba'e rekokwer yandeu. Sese aipo e'i: “Peyemopoäse pe oke va'e nungar; peyepepɨ omano va'e pa'ü sui, esepia Cristo nde rekokwer resapera.”

Efesios 6:18

Peyerure katu: Espíritu pirätäsa pɨpe arɨ yakatu rupi Tüpä upe opakatu yeruresa pɨpe. Pema'emo'ä katuño pe yeruresa pɨpe, peyerureño avei opakatu ava Tüpä reroyasar rese yepi.

Filipenses 4:5

Pemboyekwa katu ava upe pe reko mbegwesa. Esepia köimi ete yande Yar yevɨ iri agwä yandeu.

Colosenses 4:2

Iyavei peyerure katu arɨ rupi pe ma'emo'äsa pɨpe, avɨye ndeu peyera Tüpä upe.

1 Tesalonicenses 4:13

Che rɨvrɨ eta, ore oroipota peikwa va'erä manosa rekokwer, sese ndapeikoi chira pe vɨ'are'ɨ̇sa pɨpe inungar ambuae ava ndoyeroyai va'e Tüpä rese yuvɨreko.

1 Tesalonicenses 5:10

Esepia Jesucristo omano yande rekokwer repɨrä, oyese yande rereko agwä opakatu yande rekove vɨtese, yamanose avei.

1 Tesalonicenses 5:8

yande rumo yaiko va'e Tüpä poroesapesa pɨpe, evokoiyase yareko tuprɨra yande pɨ'a ñemoñetasa yande reko tuprɨ agwä yepi. Yayoepɨra yande yeroyasa pɨpe, poroaɨsusa pɨpe aveino, iyavei inungar akoi sundao vɨreko oakä ndɨru gwarepochi apoprɨ yuvɨreko oakä repɨ agwä, yande avei tayareko yande remiarö yande ñepɨsɨrö agwä

1 Timoteo 2:15

Kuña rumo oñepɨsɨröra okwaita mboavɨyesa pɨpe Cristo reroyasa pɨpe, poroaɨsusa gweko maräne'ɨ̇sa pɨpe avei.

1 Timoteo 2:9

Iyavei kuña toyemonde tuprɨño turukwarño tëi pɨpe yuvɨreko, anichira rumo oakä moporañeteisa pɨpe yuvɨrekoi; tomondo eme avei mba'e sendɨ va'e inungar oro oyese yuvɨreko, iyavei turukwar sepɨrusu va'e tomonde eme yuvɨreko.

1 Timoteo 3:11

Iyavei sembireko yuvɨrekoira oporomboeteisa pɨpe, nima'echiröi chira, osärö tuprɨra gwekokwer yuvɨreko, imboyeroyaprɨ aveira opakatu mba'e rese yuvɨreko.

1 Timoteo 3:2

Sese akoi vɨreko va'e okwaita Tüpä reroyasar rärö agwä, a'e sekoi tuprɨra mba'e avɨye va'e pɨpe yepi. Ipɨpe ava noñe'ëi chira yamotare'ɨ̇save, iyavei omendara ñepëi kuña reseño ite. Toñearö tuprɨ avei yuvɨreko toyapo mba'e supiete va'e, tiporomboetei tuprɨ, iyavei omoingera oyepɨri ava oyepota va'e gwëtäve; oikwa aveira ava mbo'e tuprɨ agwä;

2 Timoteo 4:5

Nde rumo ererekoveñora nde arakwa tuprɨsa, eñemosaño mba'e naporäi va'e upe, nde'añeko katu ñe'ësa pɨsɨrösa resendar mombe'u agwä, emboavɨye tuprɨ avei opakatu nde poravɨkɨsa.

Tito 2:12

Ko poroaɨsusa Tüpä suindar yande mbo'e mba'e-mba'e tëi sui yande rekuñarö agwä iyavei yande remimbotar sui tëi, iyavei yande reraso ko tenonde kotɨ yande rekokwer ñearö tuprɨ pɨpe, yande reko ɨ̇vi agwä iyavei yande reraso tekokwer avɨye va'e pɨpe yaiko va'ëra,

Tito 2:6

Emongere'ɨ̇ avei chi'ïvä'e kwer mba'e apo tuprɨ agwä

1 San Pedro 1:13

Sese pe pɨ'añemoñeta tuprɨsa pɨpe pema'emo'ä peyese Tüpä porovasasa peü ombou va'erä rese pe yeroya katu agwä akoi Jesucristo oyevɨse kuri.

1 San Pedro 4:7

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 3:2

Peyemopoäse katu peiko iyavei pemongere'ɨ̇ katu akoi vɨroya vɨte va'e, esepia oyepepɨpa pota ite yuvɨreko viña, supiete mba'e pe rembiapo che Ru Tüpä rovake, nda'ei supi tuprɨ va'e.