1 Tesalonicenses 5:4 - Tüpä Ñe'ëngagwer

⁴ Pe rumo, ore rɨvrɨ eta, nda'ei pɨ̇tümimbisa pendar nungar peiko, evokoiyase oyepotase yande Yar arɨ, nda'ei chira imondarai va'e nungar pe resapɨ'a tëi ou.

Tũpa Ñehengagüer

⁴ Pe rumo, ore rɨvɨreta, ndahei pɨ̃tumimbisa pendar nungar peico. Evocoiyase oyepotase yande Yar arɨ, ndahei chira imonda rai vahe nungar pe resapɨha tẽi ou.

1 Tesalonicenses 5:4 Iomraidhean Croise

San Mateo 10:15

Supiete arɨ kañɨ oyepotase ko tekwa upe, ɨvate katura Tüpä ñemoɨrösa ava Sodoma, Gomorra ɨgwar upendar sui kuri.”

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

1 Tesalonicenses 5:2

Esepia peikwa tuprɨ ko yande Yar arɨ oyepotara imo'ä e'ɨ̇sa pɨpe, inungar akoi imondarai va'e oyepota pɨ̇tü pɨpe.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

1 San Juan 2:8

Iyavei ko aikwachia va'e mborokwaita peü ipɨasu va'e ite, a'e supiete tesapesa Cristo vɨreko va'e pereko va'e avei, esepia pɨ̇tümimbi va'e opara, tesapesa evokoiyase osesapera.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.