1 Tesalonicenses 4:6 - Tüpä Ñe'ëngagwer

⁶ Tipo eme avei oyapo va'e ko nungar angaipa yande rɨvrɨ reko momarä agwä tëi, esepia Tüpä omondora oñemoɨrösa ipirätä va'e evokoi nungar ava upe, evokoi ni'ä yɨpɨsuive oromombe'u va'e peü.

Tũpa Ñehengagüer

⁶ Tipo eme avei oyapo vahe co nungar angaipa yande rɨvrɨ reco momara ãgua tẽi. Esepia, Tũpa omondora oñemoɨrosa ipĩrata vahe evocoi nungar ava upe. Evocoi niha yɨpɨsuive oromombehu vahe pẽu.

1 Tesalonicenses 4:6 Iomraidhean Croise

San Marcos 10:19

Ereikwa ni'ä Tüpä porokwaita: ‘Ndereporoyukai chira, nandeagwasai chira, nandemondai chira, nanderemiräi chira ambuae ava rese, ndereporombopai chira, eremboyeroyara nde ru, nde sɨ avei.’

San Lucas 12:5

Che rumo amombe'ura peü uma sui pesɨkɨyera: pesɨkɨyera akoi oikatu va'e sui peyuka pare a'e oikatu ite pemondo agwä tata gwasusave. A'e ichui ete pesɨkɨyera.”

San Lucas 16:28

a'eve areko poyandepo tuprɨ che rɨvrɨ, tomombe'u mba'e naporäi va'e chupe, yugweru e'ɨ̇ agwä ko'ave iyavei ko tekokwer mba'e tëisave.’

Romanos 1:18

Supiete ni'ä Tüpä omboyekwa itera oñemoɨrösa ɨva sui opakatu ava vɨroyasare'ɨ̇ upe, ndasekoporäi va'e upe avei, mba'e gwembiapoai sui ndoikwa uka potai va'e ko ñe'ësa supiete va'e ambuae ava upe yuvɨreko.

Romanos 12:19

Che rɨvrɨ eta, ani pe ae pemboyevɨ mba'e tëi pɨpe pe reko momaräsar, peseyaño Tüpä upe a'e oikwara chupe; esepia Ikwachiaprɨ pɨpe aipo e'i: “Che aikwara ava mba'e tëi aposar upe; che amboepɨra e'i yande Yar.”

Romanos 13:4

esepia a'e Tüpä rembigwai mba'e tuprɨ apo agwä sekoi. Akoi mba'e tëi yayapose rumo, yasɨkɨyera ichui; esepia a'ese mborerekwar yande nupaño itera yuvɨreko, a'e ni'ä Tüpä remimbotar rupi ete ikwaita ava mba'e tëi aposar nupa agwä yuvɨreko.

2 Corintios 7:11

Pe vɨ'are'ɨ̇sa rumo Tüpä porokwaita rupi ete egwë e'i, ¡pesepia ru kurïtëi ko mba'e sembiapokwer! Oyapo ite mba'e che repɨsa pɨpe; omoñemoɨrö ombosɨkɨye avei. Ipare rumo che repia pota ite yuvɨreko, che rese gwekate'ɨ̇sa pɨpe oporonupa yuvɨreko. Ko opakatu mba'e imboyekwaprɨ nda'ei pe pɨ'a rupi egwë e'i yuvɨreko.

Gálatas 5:21

Iyavei ambuae ava mba'e pota raisa rese ñemoɨrösa, savaɨposa, yembopieta tëisa iyavei ambuae mba'e ko nungar tuprɨ aposa. Peikwa katu, esepia evokoi nungar mba'e aposar ndoyuvɨroikei chietera Tüpä mborerekwasave kuri.

Efesios 4:17

Ko rese aipo a'e peü, iyavei opokwai yande Yar rer pɨpe: ndapeiko iri chira inungar ava ndoikwai va'e Tüpä yuvɨreko, a'e yuvɨrekoi va'e opɨ'añemoñeta raisa pɨpe tëi

Efesios 4:28

Akoi imondarai va'e, timonda iri eme, toyapo mboravɨkɨ avɨye va'e ava iparaɨsu va'e pɨtɨ̇vɨï agwä.

Efesios 5:6

Ndapeyembopa ukai chira evokoi nungar ñe'ësa tekokwer egwë e'i tëi va'e upe, esepia evokoi nungar mba'e apo pɨpe sui ou Tüpä ñemoɨrösa ava seroyasare'ɨ̇ upe.

1 Tesalonicenses 2:11

Peikwa ni'ä, inungar mbɨa gwa'ɨrɨ upe, egwë oro'e pe mongere'ɨ̇, pe mbovɨ'asa avei ñepëi-pëi opakatu,

2 Tesalonicenses 1:8

A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

Hebreos 13:4

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.

Hebreos 2:6

Oime rumo Ikwachiaprɨ pɨpe omombe'u tuprɨ va'e: “¿Mba'e vo ava yuvɨrekoi? ¿Mba'e vo yuvɨrekoi ava ɨvɨ pɨpendar? ¿Ma'erä nde ma'endu'a ava tëi rese, iyavei eresärö?

Santiago 2:6

pe rumo seroɨrösa pɨpe pemochi ava iparaɨsu va'e. ¿Nda'ei vo mba'e yar marä-marä tëi pe rereko yuvɨreko yepi, a'e avei ni'ä pe mbotɨrɨrɨ mborerekwar rovai pe reraso yuvɨreko?

Santiago 5:4

Peyapɨsaka, akoi oipo'o va'e mba'e peü narä yuvɨreko, chupe ndapemboepɨi ete, sese säse tëi yuvɨreko a'e rumo yande Yar ipirätä va'e, ɨvate katu va'e oikwa.