1 Tesalonicenses 4:4 - Tüpä Ñe'ëngagwer

⁴ iyavei peiko tuprɨ pe rembireko rese pe reko ɨ̇visa pɨpe Tüpä remimbotar rupi, iyavei pemboetei tuprɨra sereko yepi,

Tũpa Ñehengagüer

⁴ Iyavei peico tuprɨ pe rembireco rese pe reco ɨ̃visa pɨpe Tũpa remimbotar rupi, iyavei pemboetei tuprɨra sereco yepi.

1 Tesalonicenses 4:4 Iomraidhean Croise

Los Hechos 9:15

Yande Yar rumo aipo e'i chupe: “Eso, esepia aiporavo evokoi mbɨa che rekokwer rese oñe'ë va'erä ambuae tekwa pendar upe, iyavei serekwar ɨvate katu yuvɨrekoi va'e upe, Israel pendar upe avei.

Romanos 1:24

Sese Tüpä opoiño ichui toyapoño mba'e gwemimbotarai yuvɨreko e'i chupe, iyavei oyapo ite mba'e poromochisa gwasu oyeupe oyemboetei e'ɨ̇sa pɨpe yuvɨreko.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

Romanos 6:19

(Che amboyoya tekokwer mba'e ko ɨvɨ pɨpendar rese imombe'u peü, esepia yavai vɨte ite peü ko ñe'ësa rendukwa tuprɨ agwä.) Yɨpɨndar pe retekwer pereko mba'e tëi pɨpe mba'e naporäi va'e apo agwä, egwë peye avei kurïtëi pe rekokwer mondo mba'e tuprɨ apo agwä, ipɨpe sui peikora tekovesa maräne'ɨ̇ pɨpe.

1 Corintios 6:15

¿Ndapeikwai vo pe retekwer Cristo retekwer rese sekoise? ¿Ndiyai ete evokoiyase Cristo upendar yande rete mondo agwä kuña gwetekwer omondo-mondo tëi va'e upe? ¡Ani nda'ei ete supi!

1 Corintios 7:2

pe agwasa-gwasa tëi e'ɨ̇ agwä rumo, iyakatu perekoño itera pe rembireko ñepëi-pëi, kuña avei evokoiyase tovɨreko oyakatu omer yuvɨreko.

1 Corintios 7:9

Ndapeikatuise rumo pe ñemosa agwä, pemendaño, esepia avɨye katu itera pemenda poropotarai rägwer sui.

2 Corintios 4:7

Ko ñe'ësa yareko va'e yande retekwer rese, inungar mba'emoinda ñaɨ'u apoprɨ, imboyekwa pɨrä evokoi pirätäsa ou va'e Tüpä sui a'e nda'ei ore suindar tëi ou va'e.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

Hebreos 13:4

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.

1 San Pedro 3:7

Iyavei pe kuña mereta, pereko mbegwera pe rembireko upe. Pemboeteira sereko, esepia a'e nipirätä tuprɨi, iyavei Tüpä omboura gweko tuprɨsa pɨpe tekovesa apɨre'ɨ̇ va'e oyoya voi peü. Egwë peyese Tüpä osendu itera pe yeruresa.