1 Tesalonicenses 3:5 - Tüpä Ñe'ëngagwer

⁵ Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

Tũpa Ñehengagüer

⁵ Evocoiyase che nañemosa irise, amondo Timoteo ‘¿yuvɨrecoiño ité pĩha Tũpa rese?’ che yapave. Che asɨquɨye, “Avɨyeteramo Caruguar omondora mbahe tẽi pɨpe yuvɨreco” ahe ‘ore poravɨquɨ agüer evocoiyase ocañɨ tẽira’ che hesave.

1 Tesalonicenses 3:5 Iomraidhean Croise

San Mateo 4:3

Evokoiyase karugwar oyemboya oso Jesús rese seko'ä agwä, aipo e'i chupe: –Tüpä Ra'ɨrɨ ite ereikose, eyaporu ko ita sui mboyape kurïtëi.

Los Hechos 15:36

Koiye Pablo aipo e'i Bernabé upe: –Yaso yasepia iri Jesús reroyasar opakatu tekwa rupi yande Yar ñe'ëngagwer yamombe'u va'ekwer, marä e'i pi'ä a'e yuvɨreko.

1 Corintios 7:5

Ndiyai peate'ɨ̇ oyeupe, oyoya rumo yayapo eme mba'e peyese peyeupe pe yerokɨ agwä Tüpä upe, a'e avɨyeño. Ndiyai rumo peyoeya pukura, avɨyeteramo ndapeñemosaï chira, ipɨpe sui avɨyeteramo Karugwar peätoi tiëtera.

2 Corintios 2:11

Ko sui Karugwar ndoikatui chietera yande mbopa agwä, esepia yande yaikwa tuprɨ ite iporombopasa.

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Gálatas 2:2

Esepia Tüpä omombe'u ite a'eve che so agwä. A'eve amombe'u ñe'ësa Poropɨsɨrösa resendar ava nda'ei va'e judío upe yuvɨreko. Amombe'u avei kokotɨ mborerekwar ikwaprɨ yuvɨrekoi va'e upe, mba'e che rembiapokwer oikwa tuprɨ va'erä mboravɨkɨ nda'ei che rembiapo egwë e'i tëi va'e.

Gálatas 4:11

¡Che ayembosɨkɨye pe rese, che porombo'esa revo egwë e'i tëi va'e ipa'üve yuvɨreko chupe a'e peü!

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Filipenses 2:16

peyemovɨräkwä katu ñe'ësa avɨye va'e tekovesa ombou va'e rese. Akoi ouse Cristo kuri avɨ'aretera pe rese, esepia pe rese che poravɨkɨsa egwë nde'i tëi va'erä.

Filipenses 2:19

Che ayeroya yande Yar Jesús rese, amondo pɨ'aivi va'erä Timoteo pe repia, a'e omboyevɨse ñe'ësa pe rekokwer resendar, a'ese che avɨ'aretera.

1 Tesalonicenses 2:1

Che rɨvrɨ eta, pe ni'ä peikwa oreso agwer pe pɨri nda'ei egwë e'i tëi va'e.

1 Tesalonicenses 3:6

Kurïtëi rumo Timoteo oyevɨ Tesalónica sui, gweru ñe'ësa avɨye va'e pe resendar oreu pe Tüpä reroyasa, pe poroaɨsusa resendar. Iyavei aipo pema'endu'asa ore rese pe poroaɨsusa pɨpe, iyavei pe ore repia pota tëi peye no, inungar ore pe repiasa pota tëi avei.