1 Tesalonicenses 2:16 - Tüpä Ñe'ëngagwer

¹⁶ esepia akoi oroñe'ë potase ava nda'ei va'e judío upe iñepɨsɨrö agwä rese, a'e rumo ndoipotai yuvɨreko oreu. Ipɨpe sui oyemboangaipa katu yuvɨreko. Kurïtëi rumo Tüpä ñemoɨrösa ipirätä va'e ou i'arɨve yuvɨreko.

Tũpa Ñehengagüer

¹⁶ Esepia, acoi oroñehe potase ava ndahei vahe judío upe iñepɨsɨro ãgua rese, ahe rumo ndoipotai yuvɨreco oreu. Ipɨpe sui oyemboangaipa catu yuvɨreco. Cũritei rumo Tũpa ñemoɨrosa ipĩrata vahe ou iharɨve yuvɨreco cute.

1 Tesalonicenses 2:16 Iomraidhean Croise

San Mateo 12:45

Evokoiyase oso ñuvɨrïo ova karugwar naporäi katu va'e monu'ä oyesui, iyavei opakatu tuprɨ yuvɨroike ava avɨterve, a'e opɨta mba'e tëi katu yɨpɨndar va'e sui. Egwë e'i tuprɨ aveira yuvɨreko ava kurïtëindar ndiporeroyai va'e.”

San Mateo 23:32

¡Pemboavɨye rane, araka'endar pe ramoi omboɨpɨ va'e yapo yuvɨreko!”

San Mateo 24:14

Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

San Mateo 24:6

Pesendura ñe'ësa vavasa resendar ko'ave iyavei ambuae rupi; ndapeyembosɨkɨyei chira rumo ichui, esepia egwë e'i rane itera ni'ä; nde'i vɨtei chietera rumo arɨ kañɨsa.

San Mateo 3:12

Gweru sɨpe opove ipare omoatɨröra trigo iyavei oipe'ara i'ɨgwer sui. Oyapokatura trigo sɨru pɨpe, i'ɨgwer rumo opara osapɨ tata ndopai va'e apɨre'ɨ̇ va'esave.”

San Marcos 16:16

Akoi vɨroya va'e, iyavei oñeapirämo va'e, a'e oñepɨsɨröra; akoi ndovɨroyai va'e rumo, a'e imokañɨpɨ̇ra tëi yuvɨrekoira.

Los Hechos 13:45

Judío eta osepiase ava re'ɨi yuvɨreko, oñemoɨrö iteanga ichui omboɨpɨ oñe'ë marä-marä tëi Pablo upe yuvɨreko.

Los Hechos 13:50

Judío eta rumo oñe'ë yuvɨrekoi va'e kuña seko katuprɨ va'e rese mbɨa seko ɨvate katu va'e tekwa pɨpendar rese avei, ipare omboɨpɨ oñe'ë Pablo iyavei Bernabé mose agwä gwekwa sui yamotare'ɨ̇save yuvɨreko.

Los Hechos 14:19

A'ese oime oyepota va'e judío Antioquía sui Iconio sui avei, oipɨ'añemoñeta rerova ava re'ɨi yuvɨreko; evokoiyase oyapi-yapi ita pɨpe Pablo yuvɨreko, a'e yayuka ite revo e'i yuvɨreko viña sese ombotɨrɨ seraso tekwa popɨve yuvɨreko.

Los Hechos 14:2

Judío ndovɨroyai va'e rumo oipɨ'añemoñeta rerova yuvɨreko ava nda'ei va'e judío Jesús reroyasar amotare'ɨ̇ save.

Los Hechos 14:5

Evokoiyase oime judío iyavei nda'ei va'e judío oyemoñeta mborerekwar rese marä-marä tëi sereko agwä yuvɨreko iyavei yapi-yapi agwä ita pɨpe.

Los Hechos 17:13

Judío Tesalónica pendar rumo oyandu yuvɨreko Pablo porombo'esa Tüpä ñe'ëngagwer rese iyavei Berea ve, sese yuvɨraso a'eve ava mboaɨvu gwasu yuvɨreko.

Los Hechos 19:9

Oime rumo, ndovɨroya potai va'e yuvɨreko, ipɨpe iñe'ë-ñe'ë tëiño ko Tekokwer Ipɨasu va'e mombe'usa rese yuvɨreko ava re'ɨi rovake. Evokoiyase Pablo oyepepɨ ichui, vɨnosepa oyeupi Jesús reroyasar yerokɨsa Tirano serer va'esave seraso. A'eve oñe'ë arɨ yakatu rupi,

Los Hechos 21:21

Eremombe'u avei opakatu judío upe yuvɨrekoi va'e ambuae tekwa rupi nde erembo'e Moisés porokwaita reroya e'ɨ̇ agwä, iyavei aipo ere pembocircuncida iri rene pe ra'ɨrɨ, iyavei peiko iri rene yande rekokwer araka'endar pɨpe.

Los Hechos 23:12

A'ere arayi'ive, oime judío ombogwai va'e Pablo yuka agwä, opɨta avei mba'e-mba'e tëi apo agwä yuvɨreko ndoyuvɨrokarui chira ndoyuvɨroɨ'ui chiaveira ndoyukaise yuvɨreko.

Los Hechos 24:9

Judío eta yuvɨrekoi va'e a'eve aipo e'i tuprɨ avei imombe'u yuvɨreko.

Los Hechos 25:2

A'eve oyepotase, pa'i eta rerekwar judío eta rerekwar avei omombe'u Pablo rekokwer yuvɨreko chupe.

Los Hechos 25:7

Oyepotase Pablo, a'ese judío yugweru Jerusalén sui oyemboya yuvɨreko sese iyavei omombe'u-mbe'u tëi Festo upe mba'e sembiapo yuvɨreko, ndoikatui ete rumo seroya uka agwä yuvɨreko.

Los Hechos 4:12

Ndipoi ambuae ava sui poropɨsɨrösa, Jesús gweraño ite oikatu oporopɨsɨrö. Esepia Tüpä nomboui ambuae ava tëi ko ɨvɨ pɨpe yande pɨsɨrö agwä.

Los Hechos 9:23

Seta arɨ pare, judío ombogwai yuka agwä Saulo yuvɨreko viña.

1 Corintios 10:33

Che opakatu che rembiapo pɨpe aipota ite mba'e tuprɨ apo agwä opakatu ava upe narä, nda'ei cheyeupeño mba'e tuprɨ aseka, ambuae ava upe avei mba'e tuprɨ aipota iñepɨsɨrö agwä yuvɨreko.

Gálatas 5:11

Che rɨvrɨ eta, iya yayembocircuncida yande reko katuprɨ agwä, a'e vɨtese Jesús reroyasar upe viña, a'ese revo ndipoi chira che amotare'ɨ̇sar judío pa'üve a'ese avei ndipoi chira ñe'ësa kurusu rese Cristo manosa resendar amotare'ɨ̇mbar ipa'üve viña.

Efesios 3:13

Sese anichira, ndapekere'ɨ̇ iri Cristo rupi pe gwata agwä, pe rekokwer rese che yemombaraɨsusa sui, iyakatu rumo che paraɨsusa pereko pe yembovɨ'a agwä.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

2 Tesalonicenses 2:10

Oyapora opakatu mba'e-mba'e tëi oporombopasa pɨpe ava okañɨ tëi va'erä upe, esepia evokoi ava ndosendu potai porombo'esa supiete va'e oñepɨsɨrö agwä yuvɨreko.

1 Timoteo 2:4

supiete a'e oipota opakatu ava ñepɨsɨrö iyavei ko porombo'esa supiete mba'ekwa tuprɨ agwä.

Hebreos 6:8

a'e ɨvɨ rese yu päve tëi oyesuse, a'e naporäi ete, evokoi nungar ava Tüpä poromokañɨsavrɨve tëi, sapɨpɨrä tëi avei yuvɨrekoira kuri.

Apocalipsis 22:11

Akoi ava mba'e tëi aposar toyapoño mba'e tëi, iyavei akoi ava sekorai va'e taseko raiño ite; akoi ava seko tuprɨ va'e rumo, a'e toyapoño mba'e tuprɨ oiko, iyavei akoi ava Tüpä rese sekoi va'e, a'e tasekoi tuprɨño avei sese.”