1 Tesalonicenses 1:7 - Tüpä Ñe'ëngagwer

⁷ Evokoiya pe reko pɨpe pemboyekwa katu pe reko katuprɨsa Tüpä reroyasar Macedonia pendar upe, Acaya pendar upe avei.

Tũpa Ñehengagüer

⁷ Evocoya pe reco pɨpe pemboyecua catu pe reco catuprɨsa Tũpa reroyasar Macedonia pendar upe, Acaya pendar upe avei.

1 Tesalonicenses 1:7 Iomraidhean Croise

Los Hechos 1:13

Yuvɨroikese Jerusalén ve, oyeupipa okesa oɨ ɨvateve yuvɨreko. A'eve Pedro, Juan, Santiago, Andrés, Felipe, Tomás, Bartolomé, Mateo, Santiago a'e Alfeo ra'ɨrɨ, Simón a'e Zelote iyavei Judas, Santiago ra'ɨrɨ yuvɨrekoi.

Los Hechos 16:12

Ichui oroso ɨvɨ Filipos ve, a'e tekwa seroyaprɨ katu va'e ambuae tekwa sui, a'e ɨvɨ Macedonia rupindar Roma ɨgwar yemboerekwasa. A'eve movɨrö arɨ tëi oroiko.

Los Hechos 18:1

Koiye katu Pablo osë Atenas sui, oso Corinto ve.

Los Hechos 18:12

Galión mborerekwar chinise Acaya ve, a'ese judío eta oñemonu'ä Pablo amotare'ɨ̇save yuvɨreko; ichui vɨraso mborerekwar upe porandusa ɨvate katusave yuvɨreko

Los Hechos 19:21

Ko mba'e apo pare, Pablo ipɨ'añemoñeta oso va'erä Macedonia ve iyavei Acaya ve, egwë e'ira oyepota oso Jerusalén ve. Ko ipare Jerusalén suive tuprɨ asora Roma ve e'i opɨ'añemoñeta rereko.

Romanos 15:26

Esepia ɨvɨ Macedonia pendar iyavei Acaya pendar Jesús reroyasar, a'e omonu'ä gwarepochi yuvɨreko Jerusalén ve yande rɨvrɨ iparaɨsu va'e pɨtɨ̇vɨï agwä.

2 Corintios 1:1

Avɨrave, opakatu Jesús reroyasareta Corinto pendar peiko va'e, pe Tüpä reroyasar ɨvɨ Acaya rupindar avei, che Pablo Tüpä remimbotar rupi Jesucristo Jesús ñe'ë mombe'usar aiko, aikwachia che ñe'ë peü ko yande rɨvrɨ Timoteo avei omondo oma'endu'asa peü.

2 Corintios 9:2

esepia che aikwa pekere'ɨ̇ ite ipɨtɨ̇vɨï agwä. Evokoiyase che vɨ'aretesa pɨpe Macedonia ɨgwar Jesús reroyasar upe aipo a'e yepi, Acaya ɨgwar oyemoigätu voi ete ambuae Jesús reroyasareta pɨtɨ̇vɨï agwä ambuae aravɨter suive yuvɨreko, seta avei Macedonia ɨgwar ikere'ɨ̇ va'e pe pɨtɨ̇vɨï agwä yuvɨreko.

1 Tesalonicenses 1:8

Pe sui ete yande Yar ñe'ë opa ikwasa kurïtëi, nda'ei Macedonia rupiño Acaya rupi avei, opakatu rupi avei oikwa yuvɨreko, ikwasa avei peyeroyase Tüpä rese, sese ore ndoromombe'u iri chira pe rekokwer.

1 Tesalonicenses 4:10

Egwë peye ni'ä opakatu yande rɨvrɨ eta ko Macedonia rupindar raɨsu peiko. Ko katu peyapo che rɨvrɨ eta, pe mbouvicha katu pe poroaɨsusa sereko.

1 Timoteo 4:12

Tipo eme ava nde reroɨrö va'e chi'ïvä'e katu nde reko rese; nde rumo ereiko tuprɨra Tüpä reroyasar rovake. Eñe'ë Tüpä reroyasave nde reko tuprɨsa pɨpe. Esaɨsu tuprɨ nde yeroyasave nde rekokwer maräne'ɨ̇ pɨpe.

Tito 2:7

opakatu rese ite, emondo avei nde mba'e kwasa marä e'ira mba'e apo tuprɨ yuvɨreko. Erembo'e aveira mba'e apo tuprɨ, emoyekwa ndereko tuprɨsa iyavei nde poromboeteisa,

1 San Pedro 5:3

Ndapeikoi chira pe remiarö upe inungar mborerekwar gweko ɨvatesa pɨpe oporokwai pirätä va'e, pemboyekwara rumo pe rekokwer avɨye va'e chupe imbo'esa tuprɨ pɨpe.