1 Tesalonicenses 1:2 - Tüpä Ñe'ëngagwer

² Ore, avɨye ndeu oro'e arɨ rupi Tüpä upe opakatu pe rese yepi, iyavei ore ma'endu'a pe rese ore yeruresa pɨpe.

Tũpa Ñehengagüer

² Ore, “Avɨye ndeu” orohe arɨ rupi Tũpa upe opacatu pe rese yepi. Iyavei oremahenduha pe rese ore yeruresa pɨpe.

1 Tesalonicenses 1:2 Iomraidhean Croise

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

1 Corintios 1:4

Che avɨye ndeu a'eño ite Tüpä upe pe rekokwer rese, esepia ni'ä Cristo Jesús rer pɨpe peikose Tüpä pe rovasa pe rereko yepi.

Colosenses 1:3

Arɨ yakatu rupi oroyeruresa pɨpe perekokwer rese avɨye ndeu oro'e Tüpä, yande Yar Jesucristo Yesupa upe.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

1 Tesalonicenses 3:9

¿Marä ya'era pi'ä, avɨye ndeu yande'e tuprɨ agwä Tüpä upe, oro'e pe reko tuprɨsa rese, ore yembovɨ'a katusa pe rese aveino?

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

Filemón 1:4

Che ni'ä avɨye ndeu a'e yande Ru Tüpä upe che yeruresa pɨpe nde rese yepi,