1 Tesalonicenses 1:1 - Tüpä Ñe'ëngagwer

¹ Che Pablo, Silvano iyavei Timoteo, aikwachia ko che ñe'ë peü, ore rɨvrɨ eta, peñemonu'ä va'e Tüpä upe tekwa Tesalónica ve, yande Ru Tüpä, yande Yar Jesucristo rese peiko va'e. Taperovasa pe reko tuprɨ agwä yande Yar Tüpä.

Tũpa Ñehengagüer

¹ Che, Pablo, Silvano reseve iyavei Timoteo, aicuachía co che ñehe pẽu, ore rɨvɨreta, peñemonuha vahe Tũpa upe tecua Tesalónica ve, yande Ru Tũpa, yande Yar Jesucristo rese peico vahe. Tape rovasa pe reco tuprɨ ãgua yande Ru Tũpa, yande Yar Jesucristo avei.

1 Tesalonicenses 1:1 Iomraidhean Croise

Los Hechos 15:22

A'ese Jesús ñe'ë mombe'usar iyavei ava yarakwa katu va'e Jesús reroyasar avei, omondo pota opa'ü pendar Pablo iyavei Bernabé rupi Antioquía ve yuvɨreko. Oiporavo ñuvɨrïo mbɨa, a'e Judas Barsabás iyavei Silas, a'e imboyeroyaprɨ omboetasa pa'üve yuvɨreko.

Los Hechos 15:27

Oromondo Judas Silas avei peü: a'e teiete omombe'ura opakatu kwachiar pɨpendar peü yuvɨreko.

Los Hechos 15:40

Pablo rumo oiporavo Silas oyeupi icho agwä, Jesús reroyasar a'e pendar osovasa yuvɨreko yuvɨnosë agwä sui

Los Hechos 16:19

Evokoiyase kuñatäi rerekwar oyanduse ndoipɨsɨ uka iri chira gwarepochi yandeu e'i yuvɨreko, imboasɨpave oipɨsɨ Pablo iyavei Silas mborerekwar upe, okarusuve seraso yuvɨreko.

Los Hechos 16:25

A'e pɨ̇tü mbɨter rupi Pablo iyavei Silas oyerure osapukai avei Tüpä mboeteisave yuvɨreko, ambuae ava sokendaprɨ evokoiyase osenduño tëi yuvɨreko isapukai,

Los Hechos 16:29

Evokoiyase sokendaprɨ rärösar oporandu tataendɨ rese ichui oña oike, orɨrɨi osɨkɨyepave oñenopɨ'ä Pablo iyavei Silas rovai oso.

Los Hechos 17:11

Ko judío yuvɨrekoi va'e, a'e avɨye katu ava Tesalónica pendar sui, egwë e'i ipɨsɨ o'äpɨsɨ e'ɨ̇sa pɨpe ñe'ësa yuvɨreko, iyavei arɨ yakatu rupi oyembo'e ñe'ësa Ikwachiaprɨ rese supiete pi'ä oyapave yuvɨreko.

Los Hechos 18:5

Oyepotase rumo Silas iyavei Timoteo Macedonia sui yuvɨreko, a'ese Pablo oyemondo ite Jesús rekokwer mombe'u agwä judío eta upe, aipo e'i Jesús ni'ä sekoi Poropɨsɨrösar ite yepi.

Los Hechos 19:22

Evokoiyase omondo ñuvɨrïo opɨtɨ̇vɨïsar Macedonia ve, a'e Timoteo iyavei Erasto, a'e rumo opɨta vɨteño movɨrö arɨ tëi Asia ve oiko.

Los Hechos 20:4

Yuvɨraso supi Sópatro Berea pendar, Pirro ra'ɨrɨ; Aristarco iyavei Segundo Tesalónica pendar, Gayo Derbe pendar, Timoteo, Tíquico Trófimo avei Asia pendar.

2 Corintios 1:1

Avɨrave, opakatu Jesús reroyasareta Corinto pendar peiko va'e, pe Tüpä reroyasar ɨvɨ Acaya rupindar avei, che Pablo Tüpä remimbotar rupi Jesucristo Jesús ñe'ë mombe'usar aiko, aikwachia che ñe'ë peü ko yande rɨvrɨ Timoteo avei omondo oma'endu'asa peü.

2 Corintios 1:19

Esepia Tüpä Ra'ɨrɨ Jesucristo avei ñepëi reseve yayeroya va'e sese, a'e sekokwer ni'ä oromombe'u oroiko peü, che Silvano, Timoteo avei, nda'ei “avɨye va'e” iyavei “ani” a'e pɨpeve avei. Esepia Tüpä omondo Cristo upe opakatu mba'e “avɨye va'e”,

Gálatas 1:2

che Pablo, iyavei opakatu Jesús reroyasar yuvɨrekoi va'e reseve oromondo ore avɨravesa opakatu Jesús reroyasar Galacia ve peiko va'e upe.

Gálatas 1:22

Yande Yar Cristo reroyasar rumo oñemonu'ä va'e ɨvɨ Judea ve ndache kwai ete yuvɨreko.

Efesios 1:2

Yande Ru Tüpä iyavei yande Yar Jesucristo tombou oporovasasa pe reko tuprɨ agwä peü.

Filipenses 1:1

Che Pablo iyavei Timoteo oroiko Cristo Jesús rembigwai, aikwachia ko che ñe'ë peü, pe Tüpä upendar Cristo Jesús rese peiko va'e tekwa Filipos ve, Cristo Jesús reroyasar rärösar upe, seroyasar rese i'añeko va'e upe avei.

Colosenses 1:1

Che Pablo, Jesucristo ñe'ë mombe'usar aiko Tüpä remimbotar rupi, yande rɨvrɨ Timoteo reseve,

2 Tesalonicenses 1:1

Che Pablo, Silvano iyavei Timoteo reseve aikwachia ko ore avɨravesa peü, che rɨvrɨ eta peñemonu'ä va'e Tüpä upe tekwa Tesalónica ve, yande Ru Tüpä, yande Yar Jesucristo rese peiko va'e.

1 Timoteo 1:2

amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

2 Timoteo 1:2

amondo che avɨravesa ko kwachiar ndeu, che rembiaɨsu che ra'ɨrɨ nungar Timoteo. Yande Ru Tüpä iyavei yande Yar Cristo Jesús tombou oporovasasa, oporoparaɨsuerekosa nde reko tuprɨ agwä ndeu.

Hebreos 13:23

Peikwa yande rɨvrɨ Timoteo imosësa sokendasa sui, oyepota pɨ'aivise, arasora cheyeupi asose pe repia.

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!

1 San Juan 1:3

Oromombe'u ñe'ësa orosepia va'e orosendu va'e avei peü, ipɨpe sui peiko va'erä orerese, inungar ore oroiko yande Ru Tüpä rese, Ta'ɨrɨ Jesucristo rese avei.

San Judas 1:1

Che Judas, aiko Jesucristo rembigwai, Santiago rɨvrɨ. Che aikwachia ko che ñe'ë peü. Pe ni'ä yande Ru Tüpä rembiaɨsu semienoi peiko. Jesucristo ni'ä perärö opakatu mba'e-mba'e tëi sui.