1 San Juan 5:14 - Tüpä Ñe'ëngagwer

¹⁴ Yande rumo yayeroya Tüpä rese, esepia yaporanduse mba'e rese Tüpä remimbotar rupi, evokoiyase a'e osendu yande ñe'ë.

Tũpa Ñehengagüer

¹⁴ Yande rumo yayeroya co rese: yaporanduse mbahe rese Tũpa remimbotar rupi chupe, ahese ahe yande ñehe osendu.

1 San Juan 5:14 Iomraidhean Croise

San Mateo 21:22

Akoi peyerurese mba'e pe porandusa rese Tüpä upe seroyasa pɨpe, a'ese peipɨsɨra mba'e avɨye va'e.

San Juan 11:42

Che aikwa ite eresenduse che ñe'ë yepi, che rumo añe'ë yepi ava rekokwer rese oime va'erä mba'e avɨye va'e ko'a pendar upe narä, vɨroya va'erä avei yuvɨreko nde che mbouse eve.

San Juan 14:13

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko.

San Juan 15:7

Akoi supiete peikose che rese, iyavei ndaperesaraise che porombo'esa sui, peporanduse rumo mba'e pe remimbotar rese a'e imondosaño itera peü.

San Juan 16:24

Kurïtëi rumo, ndapeporandu vɨtei ete mba'e rese che rer pɨpe; peporandu katu a'ese peipɨsɨra, ipɨpe sui peikora torɨvetesa avɨye va'e pɨpe.”

San Juan 9:31

Ore oroikwa tuprɨ ite Tüpä ndosendui ete ava angaipa viyar ñe'ë; ava omboeteisar iyavei vɨroyasar ñe'ë gweraño ni'ä osendu.

Efesios 3:12

Iyavei Cristo reroyasa pɨpe suiño ite yaikatura yayemboya Tüpä rese yande sɨkɨye e'ɨ̇sa pɨpe.

Hebreos 10:35

Sese pemokañɨ tëi eme Tüpä rese pe yeroyasa, esepia evokoiya pe rekosa pɨpe omoime ukara mba'e tuprɨ peü kuri.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Santiago 4:3

akoi peporanduse rumo sese, ndapeipɨsɨi ete esepia peporandu rai tëi sese, peipota peyembovɨ'a agwä rese narä tëi.

Santiago 5:16

Sese pemombe'u pe angaipa peyeupe, peyerure avei peyese pe yembogwera uka agwä. Ava avɨye va'e oyerurese okere'ɨ̇save opakatu gwekokwer pɨpe, a'e iyeruresa ipirätä ite.

1 San Juan 2:28

Iyavei che ra'ɨreta peikoño ite Cristo rese, yareko va'erä yande yeroyasa sese, akoi ogweyɨse ɨva sui kuri, a'ese nañachi chietera sovai ichui.