1 San Juan 5:13 - Tüpä Ñe'ëngagwer

¹³ Ko aikwachia peü, peroya va'e Tüpä Ra'ɨrɨ, peikwa agwä pe supiete pereko tekovesa apɨre'ɨ̇.

Tũpa Ñehengagüer

¹³ Co aicuachía pẽu, pe pereco vahe Tũpa Rahɨr, peicua ãgua pe supi eté pereco tecovesa apɨrẽhɨ.

1 San Juan 5:13 Iomraidhean Croise

San Juan 1:12

Opakatu rumo akoi oipɨsɨ va'e seroyasave, a'e chupe omondo ñekuñarösa Tüpä Ra'ɨrɨ seko agwä yuvɨreko.

San Juan 2:23

Jesús sekoi vɨtese Jerusalén ve, Pascua pieta pɨpe, seta ite ava vɨroya va'e osepiase poromondɨisa sembiapo yuvɨreko.

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 21:24

Ko semimbo'e avei akoi omombe'u mba'e opakatu oikwa va'e, oikwachia avei sesendar. Yaikwa avei mba'e supi tuprɨ omombe'use.

San Juan 3:18

“Ava vɨroya va'e Tüpä Ra'ɨrɨ, nda'ei ete okañɨ tëi va'erä; akoi ava ndovɨroyai va'e rumo, oipɨsɨra kañɨsa yuvɨreko Tüpä Ra'ɨrɨ ñepëi va'e reroya e'ɨ̇sa pɨpe.

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

Los Hechos 3:16

Ko Jesús rer rese yeroya pɨpe ni'ä oipɨsɨ pirätäsa ko mbɨa ndogwatai va'ekwer opakatu pesepia va'e iyavei peikwa va'e. Jesús rese yeroyasa pɨpe ite ni'ä ko pe rembiepiave okwera tuprɨ.”

Los Hechos 4:12

Ndipoi ambuae ava sui poropɨsɨrösa, Jesús gweraño ite oikatu oporopɨsɨrö. Esepia Tüpä nomboui ambuae ava tëi ko ɨvɨ pɨpe yande pɨsɨrö agwä.

2 Corintios 5:1

Yaikwa ni'ä yande retekwer ndipokopɨi va'e, inungar oɨ ndipokopɨi va'e avei, ikwasa avei ni'ä ko oɨ opara imokañɨsa kuri, esepia Tüpä opa omoigätu ambuae oɨ ɨvave ndopai va'e yandeu, nda'ei a'e ava rembiapo tëi.

Gálatas 4:6

Esepia ta'ɨrɨ yaikose, Tüpä ombou Gwa'ɨrɨ Espíritu yande pɨ'a pɨpe; iyavei Espíritu aipo e'i: “¡Abbá! ¡Che Ru!”

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!

1 San Juan 1:4

Evokoiyase kurïtëi oroikwachia evokoi mba'e peü yande yembovɨ'arete katu agwä.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 2:21

Peikwa ni'ä ko mba'e supiete va'e, sese aikwachia ko peü, esepia peikwa ite evokoi nungar mba'e; peikwa avei mba'e nda'ei ou temirä sui tëi.

1 San Juan 2:25

Esepia Jesucristo aipo e'i: Perekora ko tekovesa apɨre'ɨ̇ va'e peyese.

1 San Juan 2:26

Sese ko ava pembopa pota va'e resendar aikwachia peü.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 4:9

Egwë e'i omboyekwa oporoaɨsusa yandeu. A'e ni'ä, ombou Gwa'ɨrɨ ñepëi va'e ko ɨvɨ pɨpe ichui yande rekove agwä.

1 San Juan 5:10

Akoi vɨroya va'e Tüpä Ra'ɨrɨ vɨreko ite semimombe'u opɨ'a pɨpe, akoi ndovɨroyai va'e rumo Tüpä, semiräñeteai va'e nungar tëi vɨreko, esepia ndovɨroyai Tüpä ñe'ë Ta'ɨrɨ resendar.

1 San Juan 5:11

Ko Tüpä remimombe'u, a'e ombou yandeu tekovesa apɨre'ɨ̇ va'e, iyavei ko tekovesa Ta'ɨrɨ rese sekoi.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.