1 San Juan 5:12 - Tüpä Ñe'ëngagwer

¹² Akoi oipɨsɨ va'e Tüpä Ra'ɨrɨ opɨ'a pɨpe, a'e vɨreko avei ko tekovesa; akoi ndoipɨsɨi va'e Tüpä Ra'ɨrɨ opɨ'a pɨpe, ndovɨrekoi ete tekovesa oyese.

Tũpa Ñehengagüer

¹² Acoi oipɨsɨ vahe Tũpa Rahɨr opɨha pɨpe, ahe vɨreco avei co tecovesa. Acoi ndoipɨsɨi vahe rumo, ndovɨrecoi eté tecovesa oyese.

1 San Juan 5:12 Iomraidhean Croise

San Marcos 16:16

Akoi vɨroya va'e, iyavei oñeapirämo va'e, a'e oñepɨsɨröra; akoi ndovɨroyai va'e rumo, a'e imokañɨpɨ̇ra tëi yuvɨrekoira.

San Juan 1:12

Opakatu rumo akoi oipɨsɨ va'e seroyasave, a'e chupe omondo ñekuñarösa Tüpä Ra'ɨrɨ seko agwä yuvɨreko.

San Juan 3:15

iyavei opakatu ava che reroyasar vɨrekora tekovesa apɨre'ɨ̇ yuvɨreko.”

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

2 San Juan 1:9

Oime ava oyepepɨño va'e Cristo porombo'esa sui, a'e Tüpä ndovɨrekoi opɨ'a pɨpe yuvɨreko; akoi oyapɨsaka tuprɨ va'e Cristo porombo'esa rese, a'e vɨreko Tüpä, Ta'ɨrɨ avei oyese.