1 San Juan 5:11 - Tüpä Ñe'ëngagwer

¹¹ Ko Tüpä remimombe'u, a'e ombou yandeu tekovesa apɨre'ɨ̇ va'e, iyavei ko tekovesa Ta'ɨrɨ rese sekoi.

Tũpa Ñehengagüer

¹¹ Co Tũpa remimombehu: ahe ombou yandeu tecovesa apɨrẽhɨ vahe. Co tecovesa Tahɨr rese secoi.

1 San Juan 5:11 Iomraidhean Croise

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Juan 1:19

Ko ñe'ësa omombe'u va'e Juan, a'ese mborerekwar judío rekwa pendar oyokwai Jerusalén sui imondo pa'i eta iyavei levitas imboporandu agwä Juan upe ava pi'ä a'e sekoi oyapave.

San Juan 1:4

A'e ni'ä vɨreko tekovesa apɨre'ɨ̇ va'e oyese, iyavei a'e tekovesa tesapesa nungar sekoi opakatu ava upe.

San Juan 10:28

Che amondo avei tekovesa apɨre'ɨ̇, ipɨpe sui ndipoi chietera okañɨi va'e iyavei ndipoi chira serokwasar yuvɨreko che sui.

San Juan 12:50

Che aikwa ko cheundar porokwaita gweru tekovesa apɨre'ɨ̇ ava upe. Sese ni'ä, amombe'u che Ru chekwaisa.”

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 19:35

Ko asepia va'e ite amombe'u peü, pe seroya agwä; che aikwa ite sese amombe'u mba'e supiete va'e, egwë peye aveira pe seroya agwä.

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 4:36

Akoi oporavɨkɨ va'e mba'e monu'äsa rese a'e oipɨsɨra seprɨ, iyavei mba'e semimonu'äprɨ a'e imonu'äsa tekovesa apɨre'ɨ̇ upe narä, evokoiyase mba'e mitɨ̇ ñotɨ̇sar iyavei imonu'äsar rese oyoya oyembovɨ'a retera yuvɨreko.

San Juan 4:4

Ogwatasa rupi, osasara ɨvɨ Samaria oso.

San Juan 5:21

Esepia inungar che Ru ombogwerayevɨ omano va'e iyavei omondo tekovesa chupe. Egwë e'i avei Ta'ɨrɨ omondo tekovesa ava upe gwemimbotar rupi.

San Juan 5:26

Esepia inungar tuprɨ che Ru vɨreko tekovesa oyese, egwë e'i tuprɨ avei imbou Che areko va'erä tekovesa che yese,

San Juan 6:40

Esepia che Ru remimbotar oipota opakatu ava oma'e va'erä Tüpä Ra'ɨrɨ rese iyavei vɨroya itera, vɨreko va'erä tekovesa apɨre'ɨ̇ yuvɨreko; supiete ambogwerayevɨra arɨ ipa va'e pɨpe kuri.

San Juan 6:47

Supiete aipo a'e peü akoi che reroya va'e vɨrekora tekovesa apɨre'ɨ̇.

San Juan 6:68

Simón Pedro omboyevɨ chupe: –Che Yar, ¿ava upe vo oroso irira? Nde gweraño ite ni'ä erereko ñe'ësa tekovesa apɨre'ɨ̇ va'e.

Romanos 5:21

Evokoiyase inungar angaipa ipirätä yandeu yande mano agwä, egwë e'i avei Tüpä oporovasasa ipirätä va'e pɨpe yande reko mo'ɨ̇vi tuprɨ agwä iyavei ombou tekovesa apɨre'ɨ̇ yareko va'erä yande Yar Jesucristo rese.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

1 Timoteo 1:16

Sese Tüpä che paraɨsuereko, che rese rane Jesucristo reko mbegwe tuprɨsa mboyekwa agwä. Egwë e'i che rekokwer upe ambuae ava seroya agwä, ipɨpe sui osupitɨra tekovesa apɨre'ɨ̇ va'e yuvɨreko.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

1 San Juan 2:25

Esepia Jesucristo aipo e'i: Perekora ko tekovesa apɨre'ɨ̇ va'e peyese.

1 San Juan 4:10

Nda'ei yande rane yasaɨsu Tüpä, a'e rane rumo yande raɨsu iyavei ombou Gwa'ɨrɨ imano agwä yande angaipa repɨrä, a'e ni'ä poroaɨsusa supiete va'e.

1 San Juan 4:9

Egwë e'i omboyekwa oporoaɨsusa yandeu. A'e ni'ä, ombou Gwa'ɨrɨ ñepëi va'e ko ɨvɨ pɨpe ichui yande rekove agwä.

1 San Juan 5:10

Akoi vɨroya va'e Tüpä Ra'ɨrɨ vɨreko ite semimombe'u opɨ'a pɨpe, akoi ndovɨroyai va'e rumo Tüpä, semiräñeteai va'e nungar tëi vɨreko, esepia ndovɨroyai Tüpä ñe'ë Ta'ɨrɨ resendar.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

1 San Juan 5:7

Evokoiyase oime mbosapɨ imboyekwasar:

3 San Juan 1:12

Opakatu, Demetrio avɨye ite e'i yuvɨreko. A'e supiete aipo e'i; aipo avei ore oromombe'u. Nde ni'ä ereikwa ite ore oromombe'u mba'e supiete va'e.

San Judas 1:21

Peñearö tuprɨ Tüpä pe raɨsusa pɨpe pesärö vɨteño yande Yar Jesucristo, yande paraɨsuerekosa pɨpe, omboura tekovesa apɨre'ɨ̇ va'e yandeu.

Apocalipsis 1:2

a'e supiete omombe'u opakatu mba'e osepia va'ekwer iyavei omombe'u evokoi Tüpä ñe'ëngagwer akoi Jesucristo oikwa uka tuprɨ va'e mba'e supiete va'e.

Apocalipsis 22:1

Ipare mbigwai ɨva pendar omboyekwa ɨai tekovesa resendar cheu. Inungar ɨ tɨ̇pɨu va'e oyekwa tuprɨ mba'e ipɨpe, ipare osë ɨ Tüpä renda porañete va'e sui Ovesami a'e Cristo sekoi va'e renda sui avei.