1 San Juan 4:21 - Tüpä Ñe'ëngagwer

²¹ Jesucristo ombou ko porokwaita yandeu: akoi osaɨsu va'e Tüpä, tosaɨsu avei omboetasa yuvɨreko.

Tũpa Ñehengagüer

²¹ Jesucristo ombou co porocuaita yandeu: acoi osaɨsu vahe Tũpa, tosaɨsu avei omboetasa seroyasar yuvɨreco.

1 San Juan 4:21 Iomraidhean Croise

San Mateo 5:43

“Iyavei pesendu ñe'ësa aipo e'i va'e: ‘Esaɨsu nemu iyavei eresepia potai rene nde amotare'ɨ̇mbar.’

San Lucas 10:37

Moisés porokwaita rese oporombo'e va'e omboyevɨ chupe: –Akoi mbɨa oiparaɨsuereko va'e. Jesús aipo e'i chupe: –Egwë ere tuprɨ aveira nde evokoi nungar mba'e apo.

San Juan 15:12

Ko che porokwaita pɨpe aipo e'i: Peyeaɨsu katu ñepëi-pëi inungar che opoaɨsu pe rereko yepi.

Gálatas 5:14

Esepia ko opakatu porokwaita imboavɨyesa itera ñe'ësa aipo e'i va'e: “Esaɨsu ambuae ava nde yeaɨsu nungar.”

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

1 Tesalonicenses 4:9

Iyavei pe mboyekwa vɨtese peyeaɨsusa avɨye va'e, sese ndiya iri oroikwachia va'erä peü, esepia ni'ä Tüpä ite pe mbo'e pe yeaɨsu agwä opakatu.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 4:8

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

1 San Juan 2:7

Che rɨvrɨ eta, ndaikwachiai mborokwaita ambuae ipɨasu va'e peü: a'e mborokwaita pereko va'e yɨpɨsuive ite. Ko porokwaita araka'endar pesendu va'e peiko.

1 San Juan 3:11

Ko ni'ä ñe'ësa pesendu va'e yɨpɨsuive: yayeaɨsura ñepëi-pëi yaiko.

1 San Juan 3:14

Yande yaikwa ite opase ñañokwä yande ä kañɨ tëi agwer, kurïtëi rumo yasë evokoi nungar sui tekovesa apɨre'ɨ̇ va'e pɨpe yande reko agwä, esepia yande ni'ä yasaɨsu yande rɨvrɨ eta Tüpä rese yuvɨrekoi va'e. Akoi ndosaɨsui va'e rumo a'e i'ä okañɨ tëi vɨte ite yuvɨreko.

1 San Juan 3:18

Che ra'ɨreta, yande poroaɨsusa rumo nda'ei chira yande ñe'ë pɨpe tëi, iyakatu rumo yamboyekwara yande poropɨtɨ̇vɨïsa pɨpe.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 4:11

Che rɨvrɨ eta, che rembiaɨsu, egwë e'i Tüpä yande raɨsu, evokoiyase egwë ya'e aveira yande yayeaɨsu ñepëi-pëi yepi.