1 San Juan 4:15 - Tüpä Ñe'ëngagwer

¹⁵ Akoi ava oikwa va'e Jesús Tüpä Ra'ɨrɨ sekoise, Tüpä rese ite sekoi, Tüpä evokoiyase sekoi sese.

Tũpa Ñehengagüer

¹⁵ Acoi ava “Jesús niha Tũpa Rahɨr” ehi vahe, ahe secoi eté Tũpa rese; Tũpa evocoiyase secoi sese.

1 San Juan 4:15 Iomraidhean Croise

San Mateo 10:32

“Akoi ava chekwa uka va'e opakatu ava rovake, che avei evokoiyase ko ava che rupindar sekoi a'era che Ru ɨva pendar upe;

San Lucas 12:8

“Amombe'ura aipo oimese ava che reroyasar opakatu ava rovake, iyavei ni'ä yande Yar Ra'ɨrɨ oyemombe'ura saɨsusa pɨpe opakatu mbigwai ɨva pendar Tüpä suindar rovai;

San Juan 6:56

Akoi o'u va'e che retekwer iyavei oɨ'u va'e che ruvɨ, a'e sekoi che rese ite, iyavei che aikove a'e sese.

Los Hechos 8:37

Felipe aipo e'i chupe: –Ereroyase nde pɨ'a pɨpe, a'ese ereikatura. Ipare a'e mbɨa omboyevɨ chupe: –Aroya ite Jesucristo Tüpä Ra'ɨrɨ sekoise.

Romanos 10:9

Supiete nde yuru pɨpe tëi ereikwase nde Yar Jesús, iyavei ereroyase nde pɨ'a pɨpe Tüpä ombogwerayevɨse, a'ese ereikora pɨsɨrösa pɨpe.

Filipenses 2:11

ichui toikwa opakatu Jesucristo yande Yar sekoise yande Ru Tüpä mboetei agwä.

1 San Juan 2:23

Akoi ava ndovɨroyai va'e Tüpä Ra'ɨrɨ, ndovɨroyai avei yande Ru Tüpä; akoi vɨroya va'e Tüpä Ra'ɨrɨ, vɨroya avei yande Ru Tüpä.

1 San Juan 2:24

Sese, yɨpɨsuive pesendu va'e ñe'ësa peyapokatu pe pɨ'a pɨpe; egwë peyese peiko tuprɨra Jesucristo rese, yande Ru Tüpä rese avei.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

1 San Juan 4:12

Ndipoi ete ava osepia va'e Tüpä; yayeaɨsuse rumo Tüpä sekoi yande rese, iporoaɨsusa evokoiyase oime ite yande rese.

1 San Juan 4:2

Ko rese peikwara ava Espíritu Tüpä suindar vɨreko va'e: Jesucristo ou opakatu gwete reseve e'ise, aipo e'i va'e vɨreko Espíritu Tüpä suindar ite.

1 San Juan 5:1

Opakatu vɨroya va'e Jesús Poropɨsɨrösar seko rese, a'e Tüpä ra'ɨrɨ ite yuvɨrekoi; iyavei osaɨsu va'e ava, osaɨsu avei ta'ɨrɨ yuvɨreko.

1 San Juan 5:5

Akoi oyeroya va'e Jesucristo Tüpä Ra'ɨrɨ sekosa rese, a'e oikatu ko ɨvɨ pɨpendar mba'e-mba'e tëi rekopɨ agwä yuvɨreko.

2 San Juan 1:7

Setavai ogwata ɨvɨ yakatu rupi oporombopa tëi va'e yuvɨreko, ndoikwai ete Jesucristo ouse ko ɨvɨ pɨpe ava supiete va'e nungar yuvɨreko. Akoi egwë e'i va'e, a'e oporombopa tëi va'e Jesucristo amotare'ɨ̇mbar yuvɨrekoi.