1 San Juan 4:12 - Tüpä Ñe'ëngagwer

¹² Ndipoi ete ava osepia va'e Tüpä; yayeaɨsuse rumo Tüpä sekoi yande rese, iporoaɨsusa evokoiyase oime ite yande rese.

Tũpa Ñehengagüer

¹² Ndipoi eté ava osepia vahe Tũpa. Yayeaɨsuse rumo, Tũpa secoi yande rese. Iporoaɨsusa evocoiyase oime ité yande rese.

1 San Juan 4:12 Iomraidhean Croise

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

1 Corintios 13:13

Ko oime mbosapɨ mba'e ndopai va'erä a'e: Tüpä rese yande yeroyasa, mba'e yande remiarö ɨvave oime va'e iyavei yande yeaɨsusa; ko imombosapɨsa rumo avɨye katu va'e ite ambuae sui yandeu, a'e yeaɨsusa yepi.

1 Timoteo 1:17

¡Sese yamondo imboeteisa apɨre'ɨ̇ yande Rerekwar ɨvate katu ndopai va'e upe a'e nomanoi va'e, ndayasepiai va'e, a'e ñepëi va'e Tüpä! Amén.

1 Timoteo 6:16

A'eño ite sekoi tesapesa apɨre'ɨ̇ ndopai va'e, ndipoi oyemboya va'e sese; ndipoi ete ambuae ava osepia va'e. ¡Egwë te'i, imboeteiprɨ tasekoi opakatu opirätäsa apɨre'ɨ̇ va'e rese! Amén.

Hebreos 11:27

Tüpä rese oyeroya pɨpe avei osë ɨvɨ Egipto sui osɨkɨye e'ɨ̇sa pɨpe mborerekwar gwasu rorɨe'ɨ̇se; oyemovɨräkwäño ite oyese mba'e apo agwä, avɨye osepia va'e ite Tüpä akoi ndoyekwai va'e.

1 San Juan 2:5

Akoi yamboavɨyese iñe'ëngagwer, a'ese supiete yasaɨsu Tüpä, ipɨpe sui yaikwa yande reko tuprɨ Jesucristo rese.

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

1 San Juan 4:16

Egwë ya'e ikwa, seroya tuprɨ agwä ko Tüpä yande raɨsusa. Tüpä ni'ä yeaɨsusa, akoi vɨreko va'e oporoaɨsusa, sekoi Tüpä rese, Tüpä avei sekoi sese.

1 San Juan 4:20

Amove ava aipo e'i tëi: “Che asaɨsu Tüpä”, a'e ramoseve rumo vɨroɨrö omboetasa Tüpä reroyasar, evokoiyase a'e semirä tëi va'e. Esepia akoi ndosaɨsui va'e omboetasa Tüpä reroyasar sepiase, ndoikatui Tüpä ndayasepiai va'e raɨsu agwä.

1 San Juan 4:6

Yande rumo Tüpä suindar yaiko. Akoi oikwa va'e Tüpä oyapɨsaka yande ñe'ë rese yuvɨreko, akoi nda'ei va'e Tüpä ra'ɨrɨ, a'e yande ñe'ë ndosendu potai yuvɨreko. Sese yande yaikwara vɨreko va'e Espíritu supiete va'e, yaikwa aveira vɨreko va'e espíritu oporombopa tëi va'e.