1 San Juan 4:11 - Tüpä Ñe'ëngagwer

¹¹ Che rɨvrɨ eta, che rembiaɨsu, egwë e'i Tüpä yande raɨsu, evokoiyase egwë ya'e aveira yande yayeaɨsu ñepëi-pëi yepi.

Tũpa Ñehengagüer

¹¹ Che rɨvɨreta, che rembiaɨsu, ẽgüe ehi Tũpa yande raɨsu. Evocoiyase ẽgüe yahe aveira yande yayeaɨsu ñepei-pei yepi.

1 San Juan 4:11 Iomraidhean Croise

San Lucas 10:37

Moisés porokwaita rese oporombo'e va'e omboyevɨ chupe: –Akoi mbɨa oiparaɨsuereko va'e. Jesús aipo e'i chupe: –Egwë ere tuprɨ aveira nde evokoi nungar mba'e apo.

San Juan 13:34

Ko amondo porokwaita ipɨasu va'e peü: Peyeaɨsu va'erä ñepëi-pëi peiko. Inungar che opoaɨsu pe rereko yepi.

Efesios 4:31

Pepoi pɨ'a vɨräkwäsa sui, mba'e potaraisa sui, ñemoɨrösa sui, pe räse aisa sui, peñe'ë raisa sui, opakatu ambuae mba'e-mba'e tëi sui avei.

Colosenses 3:13

Egwë peyera peñemosa oyeupe, peñeröi aveira opakatu oyeupe akoi pe pa'ü pendar oñemoɨröse peü. Inungar yande Yar ombou ñeröisa yandeu, pe avei egwë peyera ambuae ava upe.

1 San Juan 2:7

Che rɨvrɨ eta, ndaikwachiai mborokwaita ambuae ipɨasu va'e peü: a'e mborokwaita pereko va'e yɨpɨsuive ite. Ko porokwaita araka'endar pesendu va'e peiko.

1 San Juan 3:11

Ko ni'ä ñe'ësa pesendu va'e yɨpɨsuive: yayeaɨsura ñepëi-pëi yaiko.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.

2 San Juan 1:5

Iyavei che rɨvrɨ eta, che rembiaɨsu, tayayeaɨsu katu ñepëi-pëi. Ko aikwachia va'e nda'ei porokwaita ipɨasu va'e, a'e ni'ä akoi yɨpɨndar Ikwachiaprɨ peü.