1 San Juan 3:8 - Tüpä Ñe'ëngagwer

⁸ akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

Tũpa Ñehengagüer

⁸ Acoi oyapo vahe angaipa, ahe Caruguar suindar. Esepia, Caruguar yɨpɨsuive ité oyapo angaipa. Sese ou Tũpa Rahɨr Caruguar rembiapo mocañɨpa ãgua.

1 San Juan 3:8 Iomraidhean Croise

San Mateo 12:28

Esepia che amboyepepɨse karugwar Tüpä Espíritu pirätäsa pɨpe, a'e omboyekwa ite Tüpä mborerekwasa ɨva pendar oyepota va'e peü narä.”

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Mateo 4:3

Evokoiyase karugwar oyemboya oso Jesús rese seko'ä agwä, aipo e'i chupe: –Tüpä Ra'ɨrɨ ite ereikose, eyaporu ko ita sui mboyape kurïtëi.

San Marcos 1:24

–¿Ma'erä vo ereyuño tëi ko'ave oreu, Jesús Nazaret pendar? ¿Ereyu vo ore mokañɨ agwä tëi? che orokwa ite, nde Tüpä suindar ndaseko maräi va'e ereiko.

San Lucas 10:18

Jesús aipo e'i chupe: Taa, asepia ni'ä Karugwar ovɨapise ɨva sui overa va'e nungar.

San Juan 12:31

Ko kurïtëi osupitɨ ite oime va'erä ñemoɨrösa ko ɨvɨ pɨpe, iyavei imombosara akoi oporokwai va'e ko ɨvɨ pɨpe sui.

San Juan 16:11

uma pi'ä oipɨsɨra Tüpä poromokañɨsa kuri: a'e akoi oporokwai va'e ko ɨvɨ pɨpe, a'e imondosa itera oiporara va'erä mba'e-mba'e tëi.”

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

Efesios 2:2

Ko ɨvɨ pɨpendar pɨ'a ñemoñetasa rupi tëi peiko iyavei ɨvate rupindar karugwar rerekwar porokwaita tëi avei peroya, a'e Tüpä reroyasare'ɨ̇ ombo'e va'e oiko.

Colosenses 2:15

Ipɨpe sui Tüpä opa omokañɨ mborerekwareta seko pirätäsa va'e, Cristo rekokwer sui osekopɨpa opakatu ava rembiepiave inungar vavasa pendar ipɨsɨprɨ serasoprɨ va'e yepi.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 2:14

Inungar ava vɨreko va'e gwa'ɨrɨ, oyoya so'o, suvɨ; egwë e'i avei Jesús vɨreko vo'o, vuvɨ yande nungar; omano pɨpe sui omokañɨ va'erä iporoyuka serai va'e pirätäsa; a'e karugwar.

Hebreos 9:26

Egwë e'ise rumo viña, Cristo evokoiyase omanora ɨvɨ apo suive oiko viña. Kurïtëi rumo Cristo oyemboyekwa ko ipa arɨ rupi ñepëi reseve, apɨre'ɨ̇ va'erä vɨropove'ë agwä gwete Tüpä upe tokañɨpa angaipa oyapave.

2 San Pedro 2:4

Esepia araka'e Tüpä niñeröi ete gwembigwai oyemboangaipa va'e upe, a'e opa ite omondo mba'e tëisave, egwë e'i seyapa pɨ̇tümimbisave inungar ñapɨ̇chimbrɨ karena pɨpe yapokatuprɨ yuvɨreko kañɨsave narä.

1 San Juan 1:2

Ko tekovesa oyemboyekwa va'e, orosepia iyavei a'e sekokwer oromombe'u, a'e tekovesa apɨre'ɨ̇ oromombe'u va'e peü, a'e Vu rese sekoi oyemboyekwa va'e oreu.

1 San Juan 3:10

Ikwaprɨ ite Tüpä ra'ɨrɨ, ikwaprɨ avei karugwar ra'ɨrɨ yuvɨrekoi va'e, esepia akoi ndoyapoi va'e mba'e tuprɨ iyavei ndosaɨsui va'e Tüpä reroyasar, a'e nda'ei ete Tüpä ra'ɨrɨ yuvɨrekoi.

1 San Juan 3:5

Pe rumo peikwa Jesucristo ou ko ɨvɨ pɨpe yande angaipagwer mokañɨ agwä, a'e ni'ä ndovɨrekoi ete angaipa oyese.

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.

San Judas 1:6

Iyavei mbigwai eta nomboavɨyei va'e okwaita, ipɨpe sui oseya oporavɨkɨsa teko katuprɨsa yuvɨreko, Tüpä rumo omombɨta pɨ̇tümimbi save ndopai va'e save arɨ kañɨse narä kuri.

Apocalipsis 20:10

Karugwar evokoiyase, ava mbopa-mbopa tëisar, a'e opa imombosa ɨpa azufre okai va'e pɨpe, a'eve akoi opa imombosa mba'e ɨpɨ vai Tüpä ñe'ë mombe'usar anga'u tëi va'e aveino. A'eve iparaɨsura pɨ̇tü, arɨ yuvɨreko apɨre'ɨ̇ va'erä.

Apocalipsis 20:15

a'eve opa imondosa akoi ndovɨrekoi va'e gwerer ikwachiaprɨ kwachiar tekovesa resendar pɨpe.