1 San Juan 3:5 - Tüpä Ñe'ëngagwer

⁵ Pe rumo peikwa Jesucristo ou ko ɨvɨ pɨpe yande angaipagwer mokañɨ agwä, a'e ni'ä ndovɨrekoi ete angaipa oyese.

Tũpa Ñehengagüer

⁵ Pe rumo peicua Jesucristo ou co ɨvɨ pɨpe yande angaipagüer mocañɨ ãgua. Ahe niha ndovɨrecoi eté angaipa oyese.

1 San Juan 3:5 Iomraidhean Croise

San Mateo 1:21

María vɨrekose omembrɨ, pemondora serergwä Jesús. Esepia a'e oipɨsɨröra omu eta rekwa yangaipa sui.”

San Lucas 23:41

Yande rumo ko yande rembiapo sui tëi marä-marä tëi yande rereko yuvɨreko, esepia ni'ä yande yambo'epɨ ko mba'e yayapo va'e; ko mbɨa rumo ndoyapoi ete mba'e naporäi va'e oiko.

San Lucas 23:47

Evokoiyase Roma ɨgwar sundao rerekwar osepiase ko mba'e poromondɨisa, Tüpä mboeteisa pɨpe, aipo e'i: –Supiete ko mbɨa ndaseko maräi va'e.

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

San Juan 1:31

Che yɨpɨndar ndaikwai avei uma a'e sekoi; sese ni'ä aporoäpiramo ɨ pɨpe vichiko imboyekwa agwä tekwa Israel pendar upe.”

San Juan 14:30

Na ñe'ë atɨ iri chira mba'e rese peü, esepia ou ite oporokwai va'e ko ɨvɨ pɨpe. Yepe a'e ndovɨrekoi ete omborerekwasa ɨvate katu va'e che sui viña,

San Juan 8:46

¿Uma pi'ä pe pa'ü pendar oikwa che aikose angaipa pɨpe? Iyavei amombe'use mba'e supi tuprɨ va'e, ¿ma'erä vo evokoiyase ndache reroyai ete peye?

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

1 Timoteo 1:15

Iya peroya ko supiete va'e, che aipota avei opakatu oyapɨsakara yuvɨreko sese: Cristo Jesús ou ko ɨvɨ pɨpe ava yangaipa va'e pɨsɨrö agwä, che rumo yɨpɨndar aiko va'e ipa'üve.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 1:3

A'e ni'ä Tüpä rekokwer porañetesa sekoi, egwë e'i ete, a'e Tüpä rekokwer tuprɨ ite, a'e opakatu mba'e omovɨräkwä oñe'ë pirätäsa pɨpe. Yande angaipagwer sui yande moatɨrö pare oso, ogwapɨ Tüpä akato kotɨ öi ɨvave,

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.

Hebreos 7:26

Supiete Jesús pa'i ɨvate katu va'e sekoi, evokoi nungar ipane ite yandeu yɨpɨndar. A'e ndaseko maräi va'e, ndoyapoi va'e mba'e tëi gweko maräne'ɨ̇sa pɨpe, nda'oyoyai avei ava angaipa viyar rese, iyavei a'e ɨvate katu va'e ɨva pendar sui.

Hebreos 9:26

Egwë e'ise rumo viña, Cristo evokoiyase omanora ɨvɨ apo suive oiko viña. Kurïtëi rumo Cristo oyemboyekwa ko ipa arɨ rupi ñepëi reseve, apɨre'ɨ̇ va'erä vɨropove'ë agwä gwete Tüpä upe tokañɨpa angaipa oyapave.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

1 San Pedro 1:18

Esepia Tüpä pe pɨsɨrö araka'endar pe ramoi suindar arakwasa egwë e'i tëi va'e sui, peikwa tuprɨ ite ni'ä ko poropɨsɨrösa reprɨ nimboepɨsai ete mba'e okañɨ tëi va'erä pɨpe inungar oro, anise gwarepochi,

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.

1 San Pedro 2:22

Esepia Cristo ndoyapoi ete angaipa ndoporombopai va'e avei.

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

1 San Juan 1:2

Ko tekovesa oyemboyekwa va'e, orosepia iyavei a'e sekokwer oromombe'u, a'e tekovesa apɨre'ɨ̇ oromombe'u va'e peü, a'e Vu rese sekoi oyemboyekwa va'e oreu.

1 San Juan 1:7

Yaikose rumo tesapesa pɨpe inungar yande Ru Tüpä sekoi tesapesa, evokoiyase yaiko tuprɨra yande yeupe. Iyavei suvɨ yande moatɨrö opakatu angaipa sui.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 2:2

Jesucristo oyemondo manosa pɨpe oime va'erä ñeröisa yande angaipagwer mokañɨ agwä; nda'ei yande angaipagwer rese gweraño, opakatu ava ɨvɨ pɨpendar upe avei.

1 San Juan 2:29

Pe ni'ä peikwa Jesucristo seko ɨ̇vi va'e, peikwa avei opakatu oyapo va'e mba'e i'ɨ̇vi va'e, a'e Tüpä ra'ɨrɨ ite yuvɨrekoi.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,