1 San Juan 3:4 - Tüpä Ñe'ëngagwer

⁴ Opakatu ava oyemboangaipa va'e, a'e oyapo ite mba'e naporäi va'e; esepia angaipa mba'e-mba'e tëi aposar ite yepi.

Tũpa Ñehengagüer

⁴ Opacatu ava oyemboangaipa vahe, ahe oyavɨ Tũpa porocuaita. Esepia, angaipa Tũpa porocuaita mboavɨyeẽhɨsa yepi.

1 San Juan 3:4 Iomraidhean Croise

San Mateo 5:19

Akoi, ndovɨroyai va'e ñepëi Moisés porokwaita, seko ɨvɨ kotɨ katu va'e, nombo'ei avei ava iporeroya agwä, a'e evokoiyase ɨvɨ kotɨ katu va'e aveira Tüpä mborerekwasave yuvɨrekoi. Akoi vɨroya va'e rumo Tüpä porokwaita yuvɨreko iyavei oporombo'e va'e sese, a'e evokoiyase Tüpä osekomboɨvate katura omborerekwasave kuri.”

Los Hechos 23:3

A'ese Pablo omboyevɨ chupe: –¡Tüpä nde nupara, nde inungar ava oñe'ë ñotëi va'e tekokwer rese yepi! Nde ni'ä eregwapɨ ëi mba'e rese porandu agwä, porokwaita rupi cheu, ¿ma'erä vo ereporokwai che rese yuvɨrokwa va'erä mborokwaita mboyeroya e'ɨ̇sa pɨpe?

Romanos 3:20

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

Romanos 4:15

Esepia ko porokwaita mboavɨye e'ɨ̇sa pɨpe ñemoɨrösa oime ava upe, ndipoise rumo mborokwaita, ndipoi chietera a'e porokwaita mboyeroya e'ɨ̇sa.

2 Corintios 12:21

Asɨkɨye avei aso irise pe repia, esepia omboura Tüpä che chï agwä pe sui, che mboyase'o uka tiëtera peye yɨpɨsuive angaipa pereko va'e pɨpe, iyavei ndapemboasɨi etese mba'e tëi, yemboagwasa-gwasa tëisa iyavei mba'e pe remimbotarai peyapo va'ekwer.

Santiago 5:15

Akoi peyerurese peyeroyasa pɨpe, a'ese imba'easɨ va'e okwerara, yande Yar avei omopü'ara; akoi angaipa vɨrekose, oime aveira ñeröisa chupe.

1 San Juan 5:17

Opakatu mba'e-mba'e tëi a'e angaipa; oime rumo angaipa ndayande rerasoi va'e manosave.