1 San Juan 3:24 - Tüpä Ñe'ëngagwer

²⁴ Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

Tũpa Ñehengagüer

²⁴ Acoi yaroyase iporocuaita, ahese yaicora Tũpa rese; ahe avei secoira yande rese. Iyavei ahe ombou Espíritu yandeu. Ichui yaicua Tũpa secoi yande rese.

1 San Juan 3:24 Iomraidhean Croise

San Juan 10:38

Akoi ayapose mba'e, yepe ndache reroyai chira peye viña, peroya katu mba'e ayapo va'e, peikwa va'erä ñepëi reseve opakatu mba'e esepia che Ru sekoi ete che rese yepi che avei aiko che Ru rese.

San Juan 17:21

Aporandu ndeu ko opakatu rese yuvɨrekoi tuprɨ va'erä; inungar nde, che Ru, ereiko che rese iyavei che aiko nde rese, egwë tëi avei a'e yande rese yuvɨreko, iyavei vɨroya va'erä ko ɨvɨ pɨpendar nde che mbousa rese eve yuvɨreko.

1 Corintios 3:16

¿Ndapeikwai vo Tüpä rëtä peikose, iyavei Tüpä Espíritu sekoise pe rese?

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

1 Tesalonicenses 4:8

Sese akoi ndosendu potai va'e ko yembo'esa, nda'ei ete ava tëi vɨroɨrö, a'e rumo Tüpä ite vɨroɨrö yuvɨreko akoi ombou va'e oyesuindar Espíritu Maräne'ɨ̇ peü.

2 Timoteo 1:14

Esärö avei ko ñe'ësa avɨye va'e Tüpä ombou va'e ndeu, Espíritu Maräne'ɨ̇ reko pirätäsa pɨpe yareko va'e yandeyese.

1 San Juan 2:24

Sese, yɨpɨsuive pesendu va'e ñe'ësa peyapokatu pe pɨ'a pɨpe; egwë peyese peiko tuprɨra Jesucristo rese, yande Ru Tüpä rese avei.

1 San Juan 2:3

Akoi yamboyeroyase Tüpä porokwaita, a'ese yaikwa tuprɨ katura sekokwer avɨyesa.

1 San Juan 2:5

Akoi yamboavɨyese iñe'ëngagwer, a'ese supiete yasaɨsu Tüpä, ipɨpe sui yaikwa yande reko tuprɨ Jesucristo rese.

1 San Juan 2:6

akoi aiko tuprɨ Tüpä rese e'i va'e, a'e sekoira inungar Jesucristo.

1 San Juan 3:22

a'e avei ni'ä ombou opakatu mba'e yandeu yaporanduse chupe, esepia yamboyeroya iporokwaita iyavei yayapo semimbotar yaiko.

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.