1 San Juan 3:20 - Tüpä Ñe'ëngagwer

²⁰ akoi yarekose yande pɨ'a ñemoñetasa kokotɨ tëi, Tüpä pɨ'a ñemoñetasa rumo ɨvate katu va'e ite yepi, iyavei oikwa ite opakatu mba'e.

1 San Juan 3:20 Iomraidhean Croise

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

San Juan 8:9

Osenduse aipo nungar yuvɨreko, omboɨpɨ ñepëi-pëi oyeakɨkwei yuvɨnosë yuvɨnoi, ava kwakwa rane gätu oyapo yɨpɨndar evokoi nungar. A'ese Jesús opɨta a'e ae kuña rese a'eve yuvɨreko,

Los Hechos 5:33

Osenduse mborerekwar aipo ñe'ësa, oñemoɨrö iteanga yuvɨreko, oyukapa pota opakatu Jesús ñe'ë mombe'usar yuvɨreko viña.

Romanos 8:34

¿Uma pi'ä oikatura imokañɨ? Esepia Cristo Jesús omano yande angaipa repɨrä; iyavei okwerayevɨ kurïtëi Tüpä akato kotɨ chini, oyerure yande rekokwer rese oiko.

1 Corintios 4:4

Yepe, ndaikwai mba'e che rembiavɨ che kwaita sui viña, ndiyai chira rumo amboavɨye tuprɨ che kwaita a'e va'erä. Esepia yande Yar ñoite oikwa opakatu mba'e che rembiapo.

Tito 3:11

peikwa itera evokoi ava oyavɨ va'e gwekokwer yepi a'e ae oyemokañɨ va'e oangaipa pɨpe oiko.

Hebreos 4:13

Ndipoi ete ni'ä mba'e Tüpä rembiapo ñomiprɨ ichui; opakatu ite oikwa, osepia avei opakatu mba'e, a'e ni'ä oporandura opakatu yande rekokwer rese yandeu kuri.

Hebreos 6:13

Tüpä omboavɨye ite oñe'ëngagwer Abraham upe, esepia ndipoi ete ambuae ɨvate katu va'e ichui egwë e'i va'erä, sese a'e gwerer ite osenoi;

1 San Juan 3:19

Egwë ya'ese, yaikwa yande rekokwer supiete va'e pɨpe yaikose, a'ese yaikwa itera Tüpä rese yande ñemovɨräkwäsa;

1 San Juan 3:21

Supiete che rɨvrɨ eta, yaikwa itese yande pɨ'a pɨpe yande reko tuprɨ agwä Tüpä rese, a'ese yayeroyaño itera sovai;

1 San Juan 4:4

Che ra'ɨreta, pe rumo Tüpä suindar peiko. Iyavei pesekopɨ ite akoi semirä tëi va'e, esepia Espíritu sekoi va'e pe rese, a'e ipirätä katu karugwar sui.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.