1 San Juan 3:12 - Tüpä Ñe'ëngagwer

¹² Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.

Tũpa Ñehengagüer

¹² Ndayaicoi chira inungar Caín, ahe Caruguar remimbohe oyuca vɨvrɨ. ¿Mahera pĩha oyuca? Esepia, tɨvrɨ oyapo mbahe avɨye vahe; Caín rumo oyapo mbahe naporai vahe.

1 San Juan 3:12 Iomraidhean Croise

San Mateo 13:19

Osendu va'e Tüpä ñe'ëngagwer imborerekwasa resendar ipare rumo ndosendukwai yuvɨreko, a'e inungar mba'e rä'ɨi ovɨapi va'e perɨ rupi; ipare karugwar ou chupe vɨrokwa Tüpä ñe'ëngagwer ipɨ'a pɨpe sui.

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Mateo 23:35

Sese peüño ite oura Tüpä ñemoɨrösa opakatu ava avɨye va'e yuka agwer rese ko ɨvɨ pɨpe; Abel seko ɨ̇vi tuprɨ va'e yuka agwer sui, ipare opakatu ambuae sakɨkwerindar ava yuka agwer sui, ipa Berequías ra'ɨrɨ Zacarías sui avei, a'e peyuka va'e tüpäro pɨpe mba'e seropove'ëprɨ renda rovai.

San Mateo 27:23

Pilato aipo e'i ava re'ɨi upe: –Pemombe'u ¿mba'e ite vo oyapo ko mbɨa mba'e naporäi va'e? Ava re'ɨi rumo säse atɨño yuvɨreko chupe. –¡Tayatɨkasa ite kurusu rese!

San Mateo 5:37

Sese ni'ä peñe'ëse ñepëi reseve, ‘avɨye peyera’ anise ‘ani peye aveira’. Akoi oyepepɨ va'e ko sui, a'e mba'e tëiete sekoi.”

San Lucas 11:51

Abel yuka agwer suive oyepotara Zacarías yuka agwerve oso, a'e oyuka va'e mba'e reropove'ësa rovai yuvɨreko tüpäro pɨpe. Supiete, aipo a'era peü Tüpä oporandura evokoi imano agwer rese ava kurïtëindar upe.”

San Juan 10:32

Jesús rumo aipo e'i chupe: –Che Ru pirätäsa pɨpe seta ite mba'e ayapo avɨye va'e pe rovake; ¿Uma che rembiapo sui vo che api-api pota ita pɨpe peye?

San Juan 8:40

Evokoiyase, amombe'u mba'e supiete va'e Tüpä che mbo'e va'e rese, pe rumo che yuka potaño ite peye. ¡Abraham rumo ndoyapoi ete ko nungar mba'e!

San Juan 8:41

Pe avei peyapo mba'e inungar tuprɨ oyapo peyesupa yuvɨreko. A'e aipo e'i yuvɨreko chupe: –¡Ore rumo nda'ei imboyesuprɨ tëi oroiko; orovɨreko ñepëiño ite ore Yesupa, a'e Tüpä!

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

1 Tesalonicenses 2:14

Che rɨvrɨ eta akoi peiporara va'e, mba'e-mba'e tëi pemu eta pa'üve peikose, egwë e'i tuprɨ avei Tüpä reroyasar Judea pendar yuvɨrekoi va'e Cristo Jesús rekokwer rese. Imu judío ae oseka-seka yamotare'ɨ̇save yuvɨreko.

Hebreos 11:4

Tüpä reroyasa pɨpe Abel vɨropove'ë oporerekosa Tüpä upe avɨye katu va'e Caín porerekosa sui, sese Tüpä vɨreko ava seko katuprɨ va'e nungar ipɨpe sui oipɨsɨ iporerekosa. Yepe Abel omano va'e sekoi viña, a'e rumo oñe'ë vɨteño Tüpä rese oyeroyasa pɨpe oiko.

Hebreos 12:24

peyemboya avei Jesús rese, a'e omoime yandeu Tüpä remimbotar ipɨasu va'e, a'e suvɨ yande moatɨrö va'e, avɨye katu Abel ruvɨ sui.

1 San Pedro 4:4

Kurïtëi rumo pe mborɨparer, ndoyembovɨ'ai tëi pe rese, ndapeiko irise supi semimbotarai apo agwä, a'e oñe'ë-ñe'ë tëi yuvɨreko pe rekokwer pɨasu rese.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

San Judas 1:11

¡Iparaɨsu yuvɨreko!, Caín rekokwer rupi tuprɨ avei oyapo mba'e yuvɨreko. Inungar Balaam gwarepochi pota raisave pɨpe tëi oyavɨ gwekokwer, inungar avei Coré, omano oporeroya e'ɨ̇sa pɨpe.

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.