1 San Juan 3:10 - Tüpä Ñe'ëngagwer

¹⁰ Ikwaprɨ ite Tüpä ra'ɨrɨ, ikwaprɨ avei karugwar ra'ɨrɨ yuvɨrekoi va'e, esepia akoi ndoyapoi va'e mba'e tuprɨ iyavei ndosaɨsui va'e Tüpä reroyasar, a'e nda'ei ete Tüpä ra'ɨrɨ yuvɨrekoi.

Tũpa Ñehengagüer

¹⁰ Icuaprɨ ité Tũpa rahɨr yuvɨreco, icuaprɨ avei Caruguar rahɨr yuvɨrecoi vahe. Esepia, acoi ndoyapoi vahe mbahe tuprɨ iyavei ndosaɨsui vahe Tũpa reroyasar, ahe ndahei eté Tũpa rahɨr yuvɨrecoi.

1 San Juan 3:10 Iomraidhean Croise

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

San Juan 1:12

Opakatu rumo akoi oipɨsɨ va'e seroyasave, a'e chupe omondo ñekuñarösa Tüpä Ra'ɨrɨ seko agwä yuvɨreko.

San Juan 11:52

iyavei nda'ei chira ko tekwa ɨvɨ rese gweraño, omonu'ära opakatu Tüpä Ra'ɨrɨ oñemosaï tëi va'e.

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

San Juan 8:47

Akoi ava Tüpä suindar, a'e osendu Tüpä ñe'ë; pe rumo nda'ei ete Tüpä suindar peiko, ndapesendu potai ete iñe'ë.

Los Hechos 13:10

ipare aipo e'i chupe: –¡Nde iporombopa serai va'e ereiko ndipɨ'ai va'e, karugwar ra'ɨrɨ tëi opakatu mba'e avɨye va'e amotare'ɨ̇sar tëi avei ereiko! ¿Ma'erä vo nderepoi potai yande Yar porombo'esa supiete va'e reroɨrösa sui?

Romanos 13:8

Anichira ereñamotare'ɨ̇ ava nde mba'e potaraisa pɨpe, nde poroamotare'ɨ̇sa pɨpe sui rumo eresaɨsura ambuae ava nde yeaɨsu nungar sereko, a'ese eremboavɨyera opakatu porokwaita remimombe'ugwer.

Efesios 5:1

Pe ni'ä Tüpä ra'ɨrɨ sembiaɨsu peiko, sese peyemongere'ɨ̇ katu sekokwer moña agwä.

Colosenses 3:14

Iyavei peyeaɨsu katura, esepia a'e yande mboyemboya tuprɨ oyese yepi.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 San Juan 2:29

Pe ni'ä peikwa Jesucristo seko ɨ̇vi va'e, peikwa avei opakatu oyapo va'e mba'e i'ɨ̇vi va'e, a'e Tüpä ra'ɨrɨ ite yuvɨrekoi.

1 San Juan 3:1

Esepia marä e'i rutei yande Ru Tüpä yande raɨsu, sese ava Tüpä ra'ɨrɨ e'i yuvɨreko yandeu, a'e ite ni'ä yaiko. Sese ko ɨvɨ pɨpendar ndayandekwai yuvɨreko, esepia ndoikwai avei Tüpä rekokwer yuvɨreko.

1 San Juan 3:2

Che rɨvrɨ eta kurïtëi yaiko ite Tüpä ra'ɨrɨ. Yande rumo ndayaikwa tuprɨ vɨtei yande reko agwä, yaikwa rumo akoi oyemboyekwase Jesucristo, a'ese yaikora inungar, a'ese avei yasepiara opakatu seko reseve.

1 San Juan 4:21

Jesucristo ombou ko porokwaita yandeu: akoi osaɨsu va'e Tüpä, tosaɨsu avei omboetasa yuvɨreko.

1 San Juan 4:6

Yande rumo Tüpä suindar yaiko. Akoi oikwa va'e Tüpä oyapɨsaka yande ñe'ë rese yuvɨreko, akoi nda'ei va'e Tüpä ra'ɨrɨ, a'e yande ñe'ë ndosendu potai yuvɨreko. Sese yande yaikwara vɨreko va'e Espíritu supiete va'e, yaikwa aveira vɨreko va'e espíritu oporombopa tëi va'e.

1 San Juan 4:8

Akoi ndosaɨsui va'e ava, a'e ndoikwai Tüpä yuvɨreko. Esepia Tüpä yeaɨsusa sekoi.

1 San Juan 5:19

Yaikwa ni'ä yande Tüpä ra'ɨrɨ yaikose, iyavei opakatu ava ndovɨroyai va'e Tüpä, a'e karugwar povrɨ pendar tëi yuvɨrekoi.

1 San Juan 5:2

Akoi yande yasaɨsuse Tüpä yayapose avei iporokwaita, yaikwa avei yasaɨsuse Tüpä ra'ɨrɨ yuvɨrekoi va'e.

3 San Juan 1:11

Che rɨvrɨ che rembiaɨsu, ereikoi rene evokoi ava rekokwer nungar, ereikora rumo ava avɨye va'e rekokwer rupi. Esepia oyapo va'e mba'e avɨye va'e, a'e Tüpä suindar, akoi oyapo va'e rumo mba'e naporäi va'e, a'e ndoikwai va'e Tüpä.