1 San Juan 2:5 - Tüpä Ñe'ëngagwer

⁵ Akoi yamboavɨyese iñe'ëngagwer, a'ese supiete yasaɨsu Tüpä, ipɨpe sui yaikwa yande reko tuprɨ Jesucristo rese.

Tũpa Ñehengagüer

⁵ Acoi yamboavɨyese iñehengagüer, ahese supi eté yasaɨsu Tũpa. Ipɨpe sui yaicua yande reco tuprɨ Jesucristo rese.

1 San Juan 2:5 Iomraidhean Croise

San Lucas 11:28

A'e omboyevɨ chupe: –¡Sovasaprɨra akoi osendu va'e che Ru Tüpä ñe'ëngagwer iyavei vɨroya va'e sereko!

San Juan 14:21

Akoi oɨpɨsɨ va'e che porokwaita iyavei omboyeroya va'e, a'e omboyekwa ite che raɨsusa oiko. Che Ru osaɨsu aveira a'e che raɨsusar, che avei asaɨsura, ayemboyekwa aveira yuvɨreko chupe.”

San Juan 14:23

Jesús omboyevɨ chupe: –Akoi che raɨsusar, omboyeroya va'e che ñe'ë; a'e che Ru avei osaɨsura, che iyavei che Ru oroyura oroiko va'erä sese.

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

San Juan 6:56

Akoi o'u va'e che retekwer iyavei oɨ'u va'e che ruvɨ, a'e sekoi che rese ite, iyavei che aikove a'e sese.

Romanos 8:1

Egwë e'i ete, kurïtëi rumo ndipo iri ñemoɨrösa yandeu Cristo Jesús rese yaikose,

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

2 Corintios 5:17

Akoi ava Cristo rese sekoi va'e, a'e sekokwer ipɨasu va'e ite. Ndipo iri ete sekokwerai yɨpɨndar va'e sese; evokoiyase opakatu oyembopɨasu iri ete sekokwer.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Santiago 2:22

Iyavei Abraham yeroyasa oyekwa ite mba'e sembiapokwer avɨye va'e rese, evokoiyase egwë e'i a'e gwembiapokwer avɨye va'e pɨpe, omboavɨye tuprɨ oyeroyasa oiko araka'e.

1 San Juan 3:24

Akoi vɨroya va'e Tüpä porokwaita, a'ese Tüpä sekoira opakatu rese. Ipɨpe sui yaikwara sekoise yande rese: ombou avei Espíritu yandeu.

1 San Juan 4:17

Supiete yasaɨsuse yande rɨvrɨ eta, iyavei yarekose yande rekokwer inungar Jesucristo sekoi ko ɨvɨ pɨpe, ndayasɨkɨyei chietera yande Yar Jesús oyevɨse ou kuri opakatu mba'e rese porandu agwä ava upe ko ɨvɨ pɨpe.

1 San Juan 4:18

Akoi yarekose poroaɨsusa ndipoi sɨkɨyesa yandeu. Poraɨsusa supi tuprɨ va'e oimese ndipoi chira sɨkɨyesa yandeu, egwë ya'ese opara sɨkɨyesa yandesui. Esepia kañɨsa sui oime sɨkɨyesa yandeu, sese akoi ava osɨkɨyeai va'e, ndoporoaɨsu tuprɨi ete.

1 San Juan 5:2

Akoi yande yasaɨsuse Tüpä yayapose avei iporokwaita, yaikwa avei yasaɨsuse Tüpä ra'ɨrɨ yuvɨrekoi va'e.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

2 San Juan 1:6

Ko yande yeaɨsusa, yande gwata tuprɨ agwä Tüpä porokwaita rupi, ko Tüpä porokwaita yɨpɨsuive pesendu va'e, a'e omombe'u yande yeaɨsu tuprɨ agwä yandeu.

Apocalipsis 12:17

Evokoiyase mba'e ɨpɨ, oñemoɨrö iteanga kuña upe, ipare oso ovava ambuae ichuindar re'ɨi rese, a'e omboyeroya va'e ite Tüpä porokwaita yuvɨreko iyavei yuvɨrekoi tuprɨ va'e Jesús remimombe'u rupi.

Apocalipsis 14:12

¡Ko pɨpe oyekwa Tüpä rese yeroyasa iyavei ipirätäsa ava rese yuvɨreko, Jesús reroyasar rese avei!