1 San Juan 2:4 - Tüpä Ñe'ëngagwer

⁴ Oime aipo e'i va'e amove: “Che aikwa Tüpä”, nomboavɨyei rumo iporokwaita, a'e semiräñeteai va'e, ndovɨrekoi mba'e supi tuprɨ va'e oyese.

Tũpa Ñehengagüer

⁴ Oime amove ava “che aicua Tũpa” ehi vahe; nomboavɨyei rumo iporocuaita. Ahe semirañete ai vahe, ndovɨrecoi mbahe supi tuprɨ vahe oyese.

1 San Juan 2:4 Iomraidhean Croise

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Tito 1:10

Esepia oime seta nimba'e reroyai va'e, ko vɨreko va'e pɨ'añemoñetasa judío yuvɨreko, a'e omondo-mondo tëi va'e oñe'ë ombopa tëi va'e avei ava yuvɨreko.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

1 San Juan 1:10

Iyavei che ndacheangaipai ete ya'e tuprɨ tëise yaiko, evokoiyase Tüpä semirañeteai va'e nungar yareko, ipɨpe ndayaroyai iñe'ëngagwer.

1 San Juan 1:6

Che aiko tuprɨ Tüpä rese ya'ese, yaikoño rumo angaipa pɨpe, a'e inungar pɨ̇tümimbi va'e, a'ese yande remirä tëi iyavei ndayayapoi mba'e supi tuprɨ va'e.

1 San Juan 1:8

Iyavei, ndarekoi angaipa che pɨ'a pɨpe ya'e tëise, yande ae yayembopa ipɨpe, evokoiyase mba'e supiete va'e ndayarekoi yandeyese;

1 San Juan 2:3

Akoi yamboyeroyase Tüpä porokwaita, a'ese yaikwa tuprɨ katura sekokwer avɨyesa.

1 San Juan 2:9

Oime amove ava che aiko tesapesave e'i tëi va'e; a'e rumo oyamotare'ɨ̇ño ambuae omboetasa Tüpä reroyasar, evokoi nungar rekokwer pɨ̇tümimbisave tëi vɨte sekoi.

1 San Juan 3:6

Opakatu ava yuvɨrekoi va'e Jesucristo rese, a'e ndiya iri oyemboangaipa va'erä yuvɨreko; iyavei opakatu oyemoangaipa va'e, ndosepiai ete ndoikwai avei sekokwer yuvɨreko.

1 San Juan 4:20

Amove ava aipo e'i tëi: “Che asaɨsu Tüpä”, a'e ramoseve rumo vɨroɨrö omboetasa Tüpä reroyasar, evokoiyase a'e semirä tëi va'e. Esepia akoi ndosaɨsui va'e omboetasa Tüpä reroyasar sepiase, ndoikatui Tüpä ndayasepiai va'e raɨsu agwä.

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.