1 San Juan 2:29 - Tüpä Ñe'ëngagwer

²⁹ Pe ni'ä peikwa Jesucristo seko ɨ̇vi va'e, peikwa avei opakatu oyapo va'e mba'e i'ɨ̇vi va'e, a'e Tüpä ra'ɨrɨ ite yuvɨrekoi.

Tũpa Ñehengagüer

²⁹ Pe niha peicua Jesucristo seco ɨ̃vi vahe. Iya peicua avei opacatu oyapo vahe mbahe ihɨ̃vi vahe, ahe Tũpa rahɨr ité yuvɨrecoi.

1 San Juan 2:29 Iomraidhean Croise

San Juan 1:13

A'e Tüpä ra'ɨrɨ ite yuvɨrekoi, nda'ei rumo ava yesusa pɨpe oyesu, esepia ni'ä Tüpä ite ombo'u Gwa'ɨrɨgwä.

San Juan 7:18

Akoi oñe'ë va'e oyesui tëi, a'e oseka mboeteisa oyeupe narä tëi; oseka va'e rumo che mbousar sui mboeteisa gwasu, a'e supiete mba'e omombe'u; ndipoi ete porombopasa iporombo'esa rese.

Los Hechos 10:35

sese opakatu ambuae ɨvɨ pɨpendar omboetei va'e, oyapo va'e avei mba'e tuprɨ yuvɨreko, a'e oipɨsɨra Tüpä.

Los Hechos 22:14

Ipare aipo e'i: ‘Yande ramosi araka'endar Tüpä a'e nde poravo ereikwa va'erä iporokwaita, iyavei nde seko maräne'ɨ̇ kwa agwä eresendu aveira iñe'ë.

Los Hechos 3:14

Pe ndapeporandui ete evokoi seko maräne'ɨ̇ katuprɨ va'e rese, pe rumo peporandu ava oporapichi va'e rekokwer rese tëi imose uka agwä.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Hebreos 7:2

a'ese Abraham omondo oporerekosa vavasa sui mba'e gweru va'e imboopayandepo yovaivesa sui ñepëi-pëi chupe, opakatu rovai ikwa agwä ko Melquisedec rer “mborerekwar gwasu seko ɨ̇vi va'e” oyapave aipo e'i, iyavei a'e mborerekwar ɨvate katu va'e Salem pendar sekoi, “mborerekwar ɨvate katu va'e mba'e tuprɨ resendar ” oyapave aipo e'i.

Hebreos 7:26

Supiete Jesús pa'i ɨvate katu va'e sekoi, evokoi nungar ipane ite yandeu yɨpɨndar. A'e ndaseko maräi va'e, ndoyapoi va'e mba'e tëi gweko maräne'ɨ̇sa pɨpe, nda'oyoyai avei ava angaipa viyar rese, iyavei a'e ɨvate katu va'e ɨva pendar sui.

Santiago 1:18

A'e rumo ombou tekovesa yandeu ko ñe'ësa supiete va'e pɨpe, toyuvɨrekoi inungar yɨpɨndar mba'e mitɨ̇ a seropove'ëprɨ cheu opakatu che rembiapo sui o'esave yandeu.

1 San Pedro 1:23

Pe ni'ä pereko tekovesa pɨasu, nda'ei pe yesupa omano tëi va'e suindar, a'e rumo Tüpä ñe'ëngagwer supi tuprɨ apɨre'ɨ̇ va'e reroya pɨpe.

1 San Pedro 1:3

Yamboetei yande Yar Jesucristo Yesupa Tüpä sereko, a'e ni'ä oporoparaɨsu rekosa pɨpe yande rekokwer mbopɨasu yande Yar Jesucristo kwerayevɨsa pɨpe. Ipɨpe sui yaikwaño ite oimerä mba'e avɨye va'e yandeu,

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

2 San Pedro 1:4

Ipɨpe avei oseya oñe'ë imboavɨyepɨrä yandeu, a'e iñe'ë egwë nde'i tëi va'e, avɨye katu va'e ite, ko iñe'ësa pɨpe sui perekora Tüpä reko avɨye va'e peyese, pe yepepɨ agwä mba'e napörai va'e sui, a'e akoi oime va'e ko ɨvɨ pɨpe ava remimbotar tëi sui.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 3:5

Pe rumo peikwa Jesucristo ou ko ɨvɨ pɨpe yande angaipagwer mokañɨ agwä, a'e ni'ä ndovɨrekoi ete angaipa oyese.

1 San Juan 3:7

Che ra'ɨreta, peyembopa uka eme ambuae ava upe, akoi oyapo va'e mba'e avɨye va'e yepi, a'e sekokwer avɨye va'e ite inungar Jesucristo;

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.

1 San Juan 5:1

Opakatu vɨroya va'e Jesús Poropɨsɨrösar seko rese, a'e Tüpä ra'ɨrɨ ite yuvɨrekoi; iyavei osaɨsu va'e ava, osaɨsu avei ta'ɨrɨ yuvɨreko.

1 San Juan 5:18

Yaikwa ni'ä vɨreko va'e Tüpä opɨ'a pɨpe, a'e ndoyapo iri angaipa, esepia Tüpä Ta'ɨrɨ osärö evokoi nungar, ichui karugwar ndopokoi ete sese.

1 San Juan 5:4

esepia opakatu Tüpä ra'ɨrɨ yuvɨrekoi va'e osekopɨ mba'e-mba'e tëi ɨvɨ pɨpendar. Iyavei Cristo rese yeroyasa pɨpe yasekopɨpa mba'e naporäi va'e ko ɨvɨ pɨpe.

3 San Juan 1:11

Che rɨvrɨ che rembiaɨsu, ereikoi rene evokoi ava rekokwer nungar, ereikora rumo ava avɨye va'e rekokwer rupi. Esepia oyapo va'e mba'e avɨye va'e, a'e Tüpä suindar, akoi oyapo va'e rumo mba'e naporäi va'e, a'e ndoikwai va'e Tüpä.