1 San Juan 2:18 - Tüpä Ñe'ëngagwer

¹⁸ Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.

Tũpa Ñehengagüer

¹⁸ Che rahɨreta, co arɨ ipa vahe ité yandeu. Iyavei acoi pesendu “oura Jesucristo amotarẽhɨmbar” ehi vahe, ahe cũritei setá oyemboyecua yamotarẽhɨmbar yuvɨreco. Sese yaicua arɨ ipa vahe yepota ãgua.

1 San Juan 2:18 Iomraidhean Croise

San Mateo 24:11

Seta aveira Tüpä ñe'ë mombe'usar anga'u tëi va'e, iyavei seta ombopa ava yuvɨreko no.

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

San Mateo 24:5

Esepia ni'ä seta ava yugwerura che rer pɨpe. Aipo e'ira yuvɨreko: ‘Che aiko Poropɨsɨrösar’, iyavei ombopa atɨra ava yuvɨreko.

San Marcos 13:6

Esepia seta ava yugwerura cherer pɨpe. Aipo e'ira yuvɨreko: ‘Che ni'ä Poropɨsɨrösar aiko’, iyavei seta ombopara ava yuvɨreko kuri.”

San Juan 21:5

Jesús oporandu aipo e'i gwemimbo'e upe: –Mbɨa chi'ïvä'e, ¿ndapembo'aimi ete vo pira? A'e omboyevɨ yuvɨreko chupe: –Ani ete.

Romanos 13:11

Iyavei peikwa tuprɨ ko mba'e oime va'e yandeu, kurïtëi arɨ osupitɨ ite yande yemopoäse agwä. Esepia yande ñepɨsɨrösa köimi ete sekoi yɨpɨndar va'e sui, yaroyase iñe'ëngagwer sereko.

Romanos 13:12

Supiete osupitɨ senimi arɨ yandeu, sese iyakatu yapoi pɨ̇tümimbi va'e nungar mba'e-mba'e tëi aposa sui mba'e ikatuprɨ va'e pɨpe yande reko agwä; evokoiyase tayaiko sundao oyoepɨsa omonde va'e nungar pɨpe.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.

1 San Pedro 1:5

Poreroyasa pereko va'e Tüpä rese, ipɨpe sui a'e pe repɨ opirätäsa pɨpe mba'e tëi sui peiko va'erä poropɨsɨrösa imoigätuprɨ pɨpe, iyavei a'e oikwa ukara peü arɨ ipa va'e pɨpe kuri.

1 San Pedro 4:7

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

2 San Pedro 3:3

Peikwa ranera ko arɨ imombe'uprɨ ipa va'e vɨrovɨse: oimerä ava vɨroɨrö va'e ko tekokwer avɨye va'e Tüpä suindar gwemimbotarai pɨpe yuvɨreko,

1 San Juan 2:22

¿Uma pi'ä semiräñeteai va'e? A'e akoi Jesús nda'ei Poropɨsɨrösar e'i va'e. A'e Cristo amotare'ɨ̇mbar yuvɨrekoi, esepia ndovɨroyai yande Ru Tüpä Ta'ɨrɨ avei yuvɨreko.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

1 San Juan 4:3

Akoi aipo nde'i va'e rumo, ndovɨrekoi ete Espíritu Tüpä suindar oyese; a'e rumo vɨreko espíritu Cristo amotare'ɨ̇mbar tëi. Pesendu ni'ä ñe'ësa akoi yamotare'ɨ̇sar espíritu ou va'erä resendar, a'e kurïtëi sekoi ko ɨvɨ pɨpe.

2 San Juan 1:7

Setavai ogwata ɨvɨ yakatu rupi oporombopa tëi va'e yuvɨreko, ndoikwai ete Jesucristo ouse ko ɨvɨ pɨpe ava supiete va'e nungar yuvɨreko. Akoi egwë e'i va'e, a'e oporombopa tëi va'e Jesucristo amotare'ɨ̇mbar yuvɨrekoi.

San Judas 1:18

aipo e'i chupe: “Kuri arɨ kañɨ renonde oimerä ava vɨroɨröai va'e, yuvɨrekoira gwemimbotarai gwembiapoai rupi.”