1 San Juan 2:13 - Tüpä Ñe'ëngagwer

¹³ Ko aikwachia peü, iyesupa eta peiko va'e, esepia peikwa yɨpɨsuive ite oikove va'e, aikwachia avei peü mbɨa chi'ïvä'e, esepia pesekopɨ ite karugwar.

Tũpa Ñehengagüer

¹³ Pe, yesupa peico vahe upe co aicuachía. Esepia, peicua yɨpɨsuive oicove vahe. Aicuachía avei pẽu, mbɨa chĩhivahe. Esepia, pesecopɨ Caruguar.

1 San Juan 2:13 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 13:19

Osendu va'e Tüpä ñe'ëngagwer imborerekwasa resendar ipare rumo ndosendukwai yuvɨreko, a'e inungar mba'e rä'ɨi ovɨapi va'e perɨ rupi; ipare karugwar ou chupe vɨrokwa Tüpä ñe'ëngagwer ipɨ'a pɨpe sui.

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Mateo 5:37

Sese ni'ä peñe'ëse ñepëi reseve, ‘avɨye peyera’ anise ‘ani peye aveira’. Akoi oyepepɨ va'e ko sui, a'e mba'e tëiete sekoi.”

San Lucas 10:22

“Che Ru opakatu ite mba'e ombou cheu. Iyavei ndipoi ete oikwa va'e yuvɨreko che Ta'ɨrɨ aikose; che Ru gweraño ite oikwa; ndipoi avei oikwa va'e che Ru yuvɨreko, che gweraño ite aikwa iyavei che Ta'ɨrɨ aikwa uka potase ambuae upe aikwa uka ñoitera.”

San Juan 14:7

Supiete akoi pe chekwase peye, egwë peye aveira che Ru kwa agwä koiye; kurïtëi suive rumo peikwa ite sereko, iyavei pesepia ni'ä ko'ave sereko yepi no.

San Juan 14:9

Jesús omboyevɨ chupe: –Felipe, che aiko kurïtëi ko'ave seta arɨ pepa'üve, ¿ndachekwa vɨtei ete vo peye? Akoi che repiasar rumo, a'e osepia avei che Ru; ¿ma'erä vo ereporandu torosepia nde Ru ere cheu?

San Juan 16:3

Ko oyapora yuvɨreko, esepia ni'ä ndoikwai ete che Ru che avei ndachekwai ete yuvɨreko no.

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

San Juan 17:21

Aporandu ndeu ko opakatu rese yuvɨrekoi tuprɨ va'erä; inungar nde, che Ru, ereiko che rese iyavei che aiko nde rese, egwë tëi avei a'e yande rese yuvɨreko, iyavei vɨroya va'erä ko ɨvɨ pɨpendar nde che mbousa rese eve yuvɨreko.

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

San Juan 8:19

Oporandu yuvɨreko chupe: –¿Ke vo nde yesupa sekoi? Jesús omboyevɨ chupe: –Pe ndache kwai ete peye, ndapeikwai avei che Yesupa; chekwase rumo peye viña, che Yesupa avei peikwara viña.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

1 Timoteo 5:1

Ereñe'ëgätai rene ava kwakwami upe; iyakatu rumo, eremboarakwara inungar nde yesupa sereko; iyavei mbɨa chi'ïvä'e upe ereñe'ë tuprɨra sekokwerä rese inungar nde rɨvrɨ upe.

Tito 2:6

Emongere'ɨ̇ avei chi'ïvä'e kwer mba'e apo tuprɨ agwä

1 San Juan 1:1

Ko kwachiar pɨpe oromombe'u peü yɨpɨsuive sekoi va'e, a'e orosendu orosepia avei ore resa pɨpe. Esepia orosepia iyavei oropoko sese. A'e ni'ä Tüpä Ñe'ë tekovesa resendar.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 2:12

Che ra'ɨreta, ko aikwachia peü narä, esepia Tüpä iñeröi pe angaipa rese peü Jesucristo rekokwer pɨpe.

1 San Juan 2:14

Iyavei pe che ra'ɨreta aikwachia opakatu peü, esepia peikwa ni'ä yande Ru Tüpä. Aikwachia avei peü, pe iyesupa, esepia peikwa yɨpɨsuive ite oikove va'e. Aikwachia avei peü mbɨa chi'ïvä'e, esepia peyemovɨräkwä eteprɨ, peipɨsɨ avei Tüpä ñe'ëngagwer pe pɨ'a pɨpe, esepia ni'ä pesekopɨ avei karugwar.

1 San Juan 3:12

Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.

1 San Juan 4:4

Che ra'ɨreta, pe rumo Tüpä suindar peiko. Iyavei pesekopɨ ite akoi semirä tëi va'e, esepia Espíritu sekoi va'e pe rese, a'e ipirätä katu karugwar sui.

1 San Juan 5:18

Yaikwa ni'ä vɨreko va'e Tüpä opɨ'a pɨpe, a'e ndoyapo iri angaipa, esepia Tüpä Ta'ɨrɨ osärö evokoi nungar, ichui karugwar ndopokoi ete sese.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

Apocalipsis 12:11

Yande rɨvrɨ osekoreroyɨ yuvɨreko Ovesami a'e Cristo sekoi va'e ruvɨ pɨyere pɨpe sui akoi sekokwer mombe'u tuprɨsa pɨpe sui aveino; esepia ni'ä ndosɨkɨyei ete gwetekwer mokañɨ agwä, a'e rumo oyemoigätu voi ete omano agwä yuvɨreko.

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”