1 San Juan 2:1 - Tüpä Ñe'ëngagwer

¹ Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

Tũpa Ñehengagüer

¹ Che rahɨreta, co aicuachía pẽu pe angaipaẽhɨ ãgua. Que revo ava oime oyemboangaipa vahe pe pãhuve, yareco rumo yande Pɨ̃tɨvɨisar yande Ru rovai. Ahe Jesucristo, seco ɨ̃vi vahe.

1 San Juan 2:1 Iomraidhean Croise

San Lucas 10:22

“Che Ru opakatu ite mba'e ombou cheu. Iyavei ndipoi ete oikwa va'e yuvɨreko che Ta'ɨrɨ aikose; che Ru gweraño ite oikwa; ndipoi avei oikwa va'e che Ru yuvɨreko, che gweraño ite aikwa iyavei che Ta'ɨrɨ aikwa uka potase ambuae upe aikwa uka ñoitera.”

San Juan 13:33

Che ra'ɨreta che rembiaɨsu, ndaiko puku iri chira rumo pe rese. Pe rumo che reka tëira peye; inungar akoi amombe'u va'e judío eta upe a'e tuprɨ avei aipo amombe'u kurïtëi peü: Ndapei katui chietera peso va'erä che asosave.

San Juan 14:16

Iyavei che aporandura che Ru upe ombou va'erä ambuae Pepɨtɨ̇vɨï agwä, a'e Espíritu sekoi supiete va'e, a'e sekoi va'erä ite perese yepi. Akoi yuvɨrekoi va'e ko ɨvɨ pɨpe a'e ndoikatui chietera ipɨsɨ yuvɨreko, esepia ndosepiai iyavei ndoikwai ete yuvɨreko; pe rumo peikwa ite, esepia a'e sekoi ete pe rese iyavei a'e sekoi ñoitera pereseve yepi.”

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 21:5

Jesús oporandu aipo e'i gwemimbo'e upe: –Mbɨa chi'ïvä'e, ¿ndapembo'aimi ete vo pira? A'e omboyevɨ yuvɨreko chupe: –Ani ete.

San Juan 5:14

Koiye Jesús osepia tüpäro pɨpe, aipo e'i chupe: –Ereikwa ko nde kwerasa kurïtëi, ani ereyemboangaipa iri, mba'e tëi pɨpe nde vɨapi e'ɨ̇ iri agwä.

San Juan 5:36

Che rumo areko che yekwa ukasar avɨye katu va'e Juan sui. A'e ni'ä ko mba'e ayapo va'e yepi. A'e sese che Ru chekwai yapo agwä. Ko mba'e ayapo va'e omboyekwa ite che Ru Tüpä che mbousar.

San Juan 6:27

Peporavɨkɨi rene katu tembi'u ndasekosei va'e rese, iyakatu rumo peporavɨkɨ tembi'u sekose va'e rese omondo va'e tekovesa apɨre'ɨ̇. Ko tembi'u che ava ɨvate katu va'e Ra'ɨrɨ amondora peü, esepia Tüpä, a'e che Ru omboyekwa ite che ichuindar aikose.

San Juan 8:11

A'e kuña omboyevɨ chupe: –Ndipoi ete che Yar. Jesús aipo e'i chupe: –Che avei ndoromokañɨ chira; sese kurïtëi eso iyavei ereyemboangaipa iri eme.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

Romanos 5:10

Esepia yamotare'ɨ̇mbar yaiko vɨtese, a'ese Tüpä Gwa'ɨrɨ manosa pɨpe sui yande reroyevɨ iri oyeupe mba'e tuprɨ pɨpe, okwerayevɨsa pɨpe evokoiyase oikatu ite yande pɨsɨrö.

Romanos 6:15

¿Evokoiyase marä e'ira pi'ä? ¿Yayemboangaipa vɨtera pi'ä ndayaikoise porokwaita rupi anise Tüpä porovasasa pɨpe yaikose? ¡Ani nda'ei ete supi!

Romanos 8:34

¿Uma pi'ä oikatura imokañɨ? Esepia Cristo Jesús omano yande angaipa repɨrä; iyavei okwerayevɨ kurïtëi Tüpä akato kotɨ chini, oyerure yande rekokwer rese oiko.

1 Corintios 15:34

Pe pɨ'añemoñeta tuprɨ iri katu, peyemboangaipa uka iri eme avei, esepia amove pe pa'ü pendar oime ndoikwai va'e ite Tüpä yuvɨreko. Che aipo a'e peü toyuvɨnochi che ñe'ë osenduse yuvɨreko viya.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 4:19

Che ra'ɨreta, che paraɨsu iri ete vichiko, inungar kuña imembɨrasɨ va'e, Cristo sekoi va'erä pe rese.

Efesios 2:18

Esepia Cristo rembiapo pɨpe sui ni'ä oyoya yande judío iyavei nda'ei va'e judío yaiko va'e yayemboya va'erä Tüpä rese Espíritu ñepëi va'e pɨpe.

Efesios 4:26

Peyemboangaipai rene peñemoɨröse, iyavei ndiyai peñemoɨrö arɨ momba tuprɨ peiko.

1 Timoteo 2:5

Esepia ñepëiño ite Tüpä, ñepëiño avei ava oikatu va'e yande reraso Tüpä upe; a'e Cristo Jesús sekoi.

1 Timoteo 3:14

Che aso pɨ'aivi pota nde repia; aikwachia rumo ko che ñe'ë ndeu

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

Santiago 1:27

Yarekose rumo yande rembieroya nimaräi va'e yande Ru Tüpä rovai: a'ese yaipɨtɨ̇vɨïra ndiyesupai va'e iyavei kuña imer mano va'ekwer iparaɨsusa rese, ndayayapoi chiaveira mba'e ɨvɨ pɨpendar ñaporäi va'e rembiapo nungar.

Santiago 3:9

Ko yande apëku pɨpe yamboetei yande Yar Tüpä, ipɨpe avei rumo yamomarä ava, a'e ava rumo Tüpä oyapo onungar tuprɨ ite.

1 San Pedro 2:22

Esepia Cristo ndoyapoi ete angaipa ndoporombopai va'e avei.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

1 San Juan 3:18

Che ra'ɨreta, yande poroaɨsusa rumo nda'ei chira yande ñe'ë pɨpe tëi, iyakatu rumo yamboyekwara yande poropɨtɨ̇vɨïsa pɨpe.

1 San Juan 3:5

Pe rumo peikwa Jesucristo ou ko ɨvɨ pɨpe yande angaipagwer mokañɨ agwä, a'e ni'ä ndovɨrekoi ete angaipa oyese.

1 San Juan 3:7

Che ra'ɨreta, peyembopa uka eme ambuae ava upe, akoi oyapo va'e mba'e avɨye va'e yepi, a'e sekokwer avɨye va'e ite inungar Jesucristo;

1 San Juan 4:4

Che ra'ɨreta, pe rumo Tüpä suindar peiko. Iyavei pesekopɨ ite akoi semirä tëi va'e, esepia Espíritu sekoi va'e pe rese, a'e ipirätä katu karugwar sui.

1 San Juan 5:17

Opakatu mba'e-mba'e tëi a'e angaipa; oime rumo angaipa ndayande rerasoi va'e manosave.

1 San Juan 5:21

Che ra'ɨreta, peñearö tuprɨ katu akoi tüpä oroiko e'i tëi va'e sui.

3 San Juan 1:4

Ndipoi ete ni'ä ambuae ñe'ësa asendu va'e che mbovɨ'arete katu va'e che ra'ɨreta ogwatase ko porombo'esa supiete va'e rupi yuvɨreko.