1 Corintios 9:5 - Tüpä Ñe'ëngagwer

⁵ iyavei inungar ambuae Jesús ñe'ë mombe'usar vɨraso ite gwembireko oyeupi yuvɨreko yepi, Jesús rɨvrɨ eta avei egwë e'i yuvɨreko, egwë e'i avei Pedro.

Tũpa Ñehengagüer

⁵ Iyavei inungar ambuae apóstol vɨraso ité güembireco oyeupi yuvɨreco yepi, Jesús rɨvɨreta avei ẽgüe ehi yuvɨreco, ẽgüe ehi avei Pedro, ẽgüe ahe aveira niha che viña.

1 Corintios 9:5 Iomraidhean Croise

San Mateo 13:55

¿Nda'ei vo akoi ko mba'e aposar ɨvɨra rese oporavɨkɨ va'e iyavei nda'ei vo María ichɨ? ¿Nda'ei vo ko Santiago, José, Simón iyavei Judas rɨvrɨ,

San Mateo 8:14

Jesús oso Pedro rëtäve, a'eve osepia sovayar so'ɨ iteangase vupave ou.

San Marcos 1:30

A'eve Simón rembireko sɨ so'ɨ iteanga vupave ou. Evokoiyase omombe'u Jesús upe imba'erasɨsa yuvɨreko,

San Marcos 6:3

¿Nda'ei vo akoi ko mba'e aposar ɨvɨra rese oporavɨkɨ va'e, María membrɨ Santiago, José, Judas iyavei Simón rɨke'ɨrɨ? ¿Nda'ei vo seindrɨ avei yuvɨrekove yande pa'üve? Sese ndovɨroyai ete yuvɨreko.

San Lucas 6:15

Mateo, Tomás, Santiago, Alfeo ra'ɨrɨ; Simón, ava gwekwa rese sekate'ɨ̇ va'e pa'ü pendarer,

San Lucas 8:20

Oime ñepëi imombe'usar Jesús upe: –Nde sɨ, iyavei nde rɨvrɨ eta yuvɨrekoi ko'ave okarve, a'e nderepia pota yuvɨreko.

San Juan 1:42

Ipare Andrés vɨraso Simón Jesús rekosave; osepiase rumo Jesús, aipo e'i chupe: –Nde Simón, Juan ra'ɨrɨ, nderer gwarä rumo Cefas (a'e Pedro: oyapave).

San Juan 2:12

Ipare koiye oso tekwa Cafarnaúm ve, ichɨ avei, tɨvrɨ reseve supive, iyavei semimbo'e eta yuvɨraso supi. A'eve yuvɨrekoi movɨrö arɨ tëi.

Los Hechos 1:14

Ko opakatu arɨ yakatu rupi oñemonu'ä oyoya gwasu oyerure agwä yuvɨreko yepi Jesús rɨvrɨ eta, ichɨ María, ambuae kuña reseve avei.

Romanos 16:1

Ko yande reindrɨ Febe serer va'e, a'e oipɨtɨ̇vɨï tekwa Cencrea pendar Cristo reroyasar oiko.

1 Corintios 1:12

Supiete aipo a'e, oime pe pa'üpendar aipo e'i va'e yuvɨreko: “Che aiko Pablo rupindar”; ambuae aipo e'i: “Che aiko Apolo rupindar”; aipo e'i avei ambuae: “Che aiko Pedro rupindar”; iyavei ambuae aipo e'i, “Che Cristo rupindar aiko.”

1 Corintios 7:15

Supiete kurïtëi, pemenda va'e nda'ei va'e Jesús reroyasar rese, pepoi eme katu ichui. Evokoiyase Jesús reroyasar kuña anise kuimba'e yuvɨrekoira mba'e tuprɨ pɨpe, esepia Tüpä oñe'ë ite peü peiko va'erä teko tuprɨsa pɨpe.

1 Corintios 7:39

Iyavei akoi kuña omenda va'e, a'e ndiyai ete iyepepɨ agwä omer sui imano e'ɨ̇ vɨteseve; omanose rumo ichui, a'ese ramo a'e kuña upe avɨyeño imenda iri agwä gwemimbotar rupi, yande Yar reroyasar rese avei rumo omendara.

1 Corintios 7:7

Che aipota, peiko va'erä viña inungar che ndaikoi mendasa pɨpe; Tüpä rumo ombou ñepëi-pëi tekokwer yande yakatu yande rekorä.

1 Corintios 7:8

Iyavei nomenda vɨtei va'e upe, kuña imer mano va'ekwer upe avei amombe'u pota mba'e, iyakatu revo ndapemendai chietera, inungar che aiko.

Gálatas 1:19

Ndasepiai ete rumo ambuae Jesús ñe'ë mombe'usar yuvɨreko, yande Yar rɨvrɨ Santiago gweraño asepia.

1 Timoteo 3:2

Sese akoi vɨreko va'e okwaita Tüpä reroyasar rärö agwä, a'e sekoi tuprɨra mba'e avɨye va'e pɨpe yepi. Ipɨpe ava noñe'ëi chira yamotare'ɨ̇save, iyavei omendara ñepëi kuña reseño ite. Toñearö tuprɨ avei yuvɨreko toyapo mba'e supiete va'e, tiporomboetei tuprɨ, iyavei omoingera oyepɨri ava oyepota va'e gwëtäve; oikwa aveira ava mbo'e tuprɨ agwä;

1 Timoteo 4:3

Ko ava ni'ä, anichira yamenda, e'i tëi ava upe yuvɨreko; anichira ya'u opakatu mba'e, e'i avei chupe, Tüpä rembiapo rumo ko tembi'u poromovɨräkwäsa, sese Jesús reroyasar iyavei oikwa tuprɨ va'e mba'e supiete va'e yuvɨro'ura avɨye ndeu o'esa pɨpe Tüpä upe yuvɨreko.

1 Timoteo 5:2

Kuña kwakwami upe avei ereñe'ë tuprɨra, inungar nde sɨ ite sereko; kuñatäi avei eremboarakwa tuprɨra inungar nde reindrɨ sereko, opakatu nde reko katuprɨsa pɨpe.

Tito 1:6

Ñepëi ava kwakwa otɨ̇arö va'e vɨrasora gwekokwer mba'e avɨye va'e rupi. Ñepëiño ite sekoira imer gwembireko rese, ta'ɨrɨ avei yuvɨrekoira mba'e avɨye va'e rupi anichira yuvɨrekoira mba'e-mba'e tëi pɨpe tiporeroya avei yuvɨreko.

Hebreos 13:4

Pe opakatu pemboetei avei mendasa, iyavei peiko pe reko maräne'ɨ̇sa pɨpe mendasa rese; esepia Tüpä oikwara oyemboagwasa tëi va'e upe.