1 Corintios 9:23 - Tüpä Ñe'ëngagwer

²³ Che ayapo ko opakatu mba'e ñe'ësa avɨye va'e pɨsɨrösa resendar, aipɨsɨ va'erä avei mba'e avɨye va'e ichui.

Tũpa Ñehengagüer

²³ Che ayapo co opacatu mbahe ‘taseta catu co ñehesa pɨ̃sɨrosa reroyasar yuvɨreco’ che hesa pɨpe, ‘taipɨsɨ avei co porovasasa oime vahe co ñehesa reroyasa pɨpe’ che yapave avei.

1 Corintios 9:23 Iomraidhean Croise

San Marcos 8:35

Esepia akoi ava gwetekwer tëi raɨsupar, okañɨ tëietera; akoi ava omokañɨ tëi va'e rumo gwetekwer che rekokwer rese ñe'ësa ñepɨsɨrösa sui avei, a'e oñepɨsɨröra.

Romanos 11:17

Judío eta inungar olivo räkä yasɨaprɨ tëi, pe evokoiyase nda'ei va'e judío ɨvɨra ka'a pɨpendar räkä nungar peiko va'e, peso yasɨaprɨ rendagwerve. Ipɨpe sui peipɨsɨ vɨrawäsa pe rekove agwä.

1 Corintios 9:12

Esepia ambuae oikatu mba'e pɨsɨ agwä oyeupe narä yuvɨreko pe sui, evokoiyase ore avei ni'ä oroikatu mba'e pɨsɨ agwä pe sui ore poravɨkɨsa pɨpe viña. Ore rumo egwë ndoro'ei ete, esepia ore oroñemosaño ite tiñe'ë marä eme ko ñe'ësa Cristo rese yuvɨreko ore yapave.

1 Corintios 9:22

Iyavei no aikose ava yande Yar ndovɨroya tuprɨ vɨtei va'e pa'üve sekokwer nungar tuprɨ avei aiko Yar upe imongere'ɨ̇ katu agwä. Egwë a'e opakatu ava upe toñepɨsɨrö katu a'e avei yuvɨreko viya.

1 Corintios 9:24

Peikwa ni'ä gwayɨsa oimese, ava opakatu gwasu yuvɨnoñase yuvɨreko, ivava katu va'e gweraño rumo oipɨsɨ porerekosa yepi. Evokoiyase inungar ko ivava katu va'e, egwë peye avei pe rekokwer pɨpe Tüpä porerekosa pɨsɨ agwä peiko.

2 Corintios 2:4

akoi aikwachia va'e evokoi ñe'ësa peü, che ae ayepɨ'amboasɨ ite, ayase'o avei. Esepia aikwachia va'e peü nda'ei pe mbovɨ'a e'ɨ̇ agwä, che rumo aikwachia toikwa che gwaɨsu eteprɨsa yuvɨreko che yapave peü.

Gálatas 2:5

Ore rumo ndoroipotai ete semimbotar apo agwä yuvɨreko chupe, esepia tovɨreko vɨteño oyese ko ñe'ësa pɨsɨrösa resendar supi tuprɨ va'e yuvɨreko ore yapave peü.

2 Timoteo 2:10

Sese che añemosaño opakatu mba'e-mba'e tëi upe opakatu Tüpä rembiporavo rekokwer avɨye agwä rese, tovɨreko katu pɨsɨrösa porañete apɨre'ɨ̇ va'e Jesucristo rese yuvɨreko che yapave.

2 Timoteo 2:6

Iyavei oporavɨkɨ va'e mba'e tɨ̇sa rese, a'e rane omonu'ära gwemitɨ̇ yavɨyese oyeupe narä.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

1 San Pedro 5:1

Che amboarakwa pota pe pa'ü pendar Jesús ñe'ë rärösar yuvɨrekoi va'e, inungar avei ni'ä che aiko asepia va'e ite yande Yar mombaraɨsu agwer, inungar a'e vɨreko teko orɨsa, egwë a'e aveira akoi yande Yar oyevɨse kuri.

1 San Juan 1:3

Oromombe'u ñe'ësa orosepia va'e orosendu va'e avei peü, ipɨpe sui peiko va'erä orerese, inungar ore oroiko yande Ru Tüpä rese, Ta'ɨrɨ Jesucristo rese avei.