1 Corintios 9:16 - Tüpä Ñe'ëngagwer

¹⁶ Che rumo amombe'use ko ñe'ësa pɨsɨrösa resendar ava upe, ndiyai ayeeko mboɨvateai ipɨpe, esepia ni'ä che kwaita ite yapo agwä iyavei, ¡che paraɨsu itera ndamombe'uise ava upe ko ñe'ësa viña!

Tũpa Ñehengagüer

¹⁶ Che rumo amombehuse co ñehesa pɨ̃sɨrosa resendar ava upe, ndiyai ayeecomboɨvate ai ipɨpe. Esepia niha, che cuaita ité yapo ãgua iyavei, ¡cheparaɨsu itera ndamombehuise ava upe co ñehesa viña!

1 Corintios 9:16 Iomraidhean Croise

San Mateo 25:16

Evokoiyase mbigwai oipɨsɨ va'e cinco mil gwarepochi a'e oporavɨkɨ ko gwarepochi rese ipɨpe sui koiye oipɨsɨ katu iri ambuae cinco mil gwarepochi.

San Lucas 9:62

Jesús omboyevɨ chupe: –Akoi oporavɨkɨ va'e ɨvɨ mboyereprɨ rese ndoikatui rumo imo'ɨ̇vi tuprɨ agwä, esepia ni'ä oma'e tuprɨño gwakɨkwei kotɨ o'ä, evokoi nungar naporäi ete Tüpä mborerekwasave yuvɨroike va'erä.

Los Hechos 4:20

¡Ndiyai rumo mba'e ore rembiepia, mba'e orosendu va'e avei mombe'u e'ɨ̇ agwä oreu!

Los Hechos 9:15

Yande Yar rumo aipo e'i chupe: “Eso, esepia aiporavo evokoi mbɨa che rekokwer rese oñe'ë va'erä ambuae tekwa pendar upe, iyavei serekwar ɨvate katu yuvɨrekoi va'e upe, Israel pendar upe avei.

Los Hechos 9:6

Epü'a, ipare eike eso tekwa ve; a'eve omombe'ura mba'e ereyapo va'erä yuvɨreko ndeu.”

Romanos 1:14

Che kwaita ni'ä opakatu ava upe che ñe'ë agwä, tekwa pɨpendar yuvɨrekoi va'e upe iyavei ndayarakwa vɨtei va'e upe, imba'ekwa va'e upe anise nimba'ekwai va'e upe avei.

Romanos 15:17

Supiete che Cristo Jesús reroyasar che rekosa pɨpe avɨ'arete Tüpä che kwaita rese,

Romanos 4:2

Akoi Abraham mba'e gwembiapo pɨpe sui tëi oipɨsɨse gweko tuprɨ agwä, a'e oyemboɨvateaira oiko ipɨpe viña, ndiyai ete rumo egwë e'i Tüpä rovake.

1 Corintios 4:15

Esepia, yepe pereko atɨ pe pɨtɨ̇vɨïsar Cristo rese pe reko agwä viña, ndaperekoi rumo seta pe yesupa, esepia che amombe'use ni'ä ñe'ësa pɨsɨrösa resendar peü, a'ese ramo peroya Cristo Jesús. Seroyasa pɨpe evokoiyase che inungar pe yesupa ite aiko peü.

1 Corintios 9:12

Esepia ambuae oikatu mba'e pɨsɨ agwä oyeupe narä yuvɨreko pe sui, evokoiyase ore avei ni'ä oroikatu mba'e pɨsɨ agwä pe sui ore poravɨkɨsa pɨpe viña. Ore rumo egwë ndoro'ei ete, esepia ore oroñemosaño ite tiñe'ë marä eme ko ñe'ësa Cristo rese yuvɨreko ore yapave.

1 Corintios 9:14

Egwë e'i avei yande Yar orekwai toipɨsɨ mba'e ipane va'e ko ñe'ësa mombe'usa pɨpe sui yuvɨreko oyeupe narä oyapave.

2 Corintios 2:12

Ayepotase tekwa Tróade ve Cristo rekokwer mombe'u agwä, oime ite yande Yar upe narä a'eve che poravɨkɨ agwä.

Colosenses 4:17

Pemombe'u ko Arquipo upe: “Emboavɨye tuprɨ yande Yar nde kwaisa peyera.”