1 Corintios 9:15 - Tüpä Ñe'ëngagwer

¹⁵ Che rumo ndaporandui ete mba'e pe rembiereko rese vichiko peü yepi, nda'ei tombou mba'e yuvɨreko cheu che yapave aipo aikwachia imondo peü. Che rumo evokoi nungar mba'e rese ayembovɨ'año ite. Yepe che yukaprɨ tëira tɨepore'ɨ̇ viña, ndaporandui chietera rumo mba'e rese peü ¡Esepia namokañɨ potai ete ko che yembovɨ'asa cheyesui!

Tũpa Ñehengagüer

¹⁵ Che rumo ndaporandui eté mbahe pe rembiereco rese vichico pẽu yepi. Ndahei ‘tombou mbahe yuvɨreco cheu’ che yapave aipo aicuachía imondo pẽu. Che rumo evocoi nungar mbahe rese ayembovɨhaño ité. ¡Yepe che yucaprɨ tẽira tɨeporẽhɨ viña, ndaporandui chietera rumo mbahe rese pẽu! Esepia, namocañɨ potai eté co che yembovɨhasa cheyesui.

1 Corintios 9:15 Iomraidhean Croise

San Mateo 18:6

“Akoi omboangaipa uka va'e ko chi'ïvä'emi che reroyasar, iyakatu ite imombosara paragwasu pɨpe ñapɨ̇chisara ita gwasu mba'e mboku'isa iyesɨ'o rese.

Los Hechos 18:3

iyavei iporavɨkɨsa oyoya tuprɨ ite yuvɨreko, mba'e pirer apoprɨ mbovɨvɨsa rese, opɨta ipɨri oporavɨkɨ va'erä.

Los Hechos 20:24

Ndacherekate'ɨ̇i rumo cheyese, che mano agwä, che amboavɨye rane itera yande Yar Jesús porokwaita ñe'ësa avɨye va'e mombe'u Tüpä poroaɨsusa resendar vichiko.”

Los Hechos 20:33

Nda'ei gwarepochi iyavei pe turukwar potasave egwë a'e vichiko;

Los Hechos 20:34

supiete peikwa, aporavɨkɨse che rekove agwä, che rupindar rekove agwä avei.

Los Hechos 8:3

A'e pɨpeve avei aipo Saulo omombaraɨsu ava Jesús reroyasar yuvɨrekoi va'e seroya uka e'ɨ̇ agwä viña, yuvɨroike-ikeño tëi aipo oɨ yakatu rupi kuimba'e iyavei kuña mbotɨrɨrɨ senose sokenda agwä yuvɨreko.

1 Corintios 4:12

ore oroporavɨkɨño ite oroyembogwerai tëi ipɨpe. Ava rumo iñe'ë marä-marä tëiete yuvɨreko oreu; ore evokoiyase oromboyevɨño iñe'ë mba'e tuprɨ pɨpe chupe; ore reka-reka katuño ite ore momarä agwä yuvɨreko; ore rumo oroñemosaño ite yuvɨreko chupe.

1 Corintios 9:12

Esepia ambuae oikatu mba'e pɨsɨ agwä oyeupe narä yuvɨreko pe sui, evokoiyase ore avei ni'ä oroikatu mba'e pɨsɨ agwä pe sui ore poravɨkɨsa pɨpe viña. Ore rumo egwë ndoro'ei ete, esepia ore oroñemosaño ite tiñe'ë marä eme ko ñe'ësa Cristo rese yuvɨreko ore yapave.

1 Corintios 9:18

Ndaporanduise mba'e rese peü amombe'use ko ñe'ësa pɨsɨrösa resendar, ipɨpe ayembovɨ'a a'e che vɨ'asa porerekosa nungar cheu; yepe aikatu mba'e rese che porandu agwä viña, che rumo egwë nda'ei ete.

1 Tesalonicenses 2:9

Che rɨvrɨ eta, peyemoma'endu'a akoi ore paraɨsu agwer rese, ore poravɨkɨ agwer rese arɨ pɨ̇tü reseve avei, nda'ei pe mañeko tëi agwä mba'e oromombe'u Tüpä ñe'ëngagwer oroiko peü.

2 Tesalonicenses 3:8

ndoro'u tëi avei ambuae ava rembi'u imboepɨre'ɨ̇prɨ. Ore rumo oroporavɨkɨ iyavei orekwerai arɨ pɨ̇tü reseve ambuae ava mañeko tëi e'ɨ̇ agwä.