1 Corintios 8:9 - Tüpä Ñe'ëngagwer

⁹ Peü ni'ä avɨyeño ite pe'u va'erä viña; peikwa katura rumo, avɨyeteramo Jesús reroyasar ndoikatu tuprɨ vɨtei va'e pemboangaipa ukara.

Tũpa Ñehengagüer

⁹ Pẽu niha avɨyeño pehu viña; peicua catura rumo, avɨyeteramo que Jesús reroyasar ndoicatu tuprɨ vɨtei vahe pemboangaipa ucara.

1 Corintios 8:9 Iomraidhean Croise

San Mateo 18:10

“Peroɨröi rene katu ñepëi chi'ïvä'emi. Supiete aipo a'e ɨvave mbigwai ɨva pendar osepiaño ite che Ru pirätäsa yuvɨreko yepi.

Romanos 15:1

Yande yayemovɨräkwä katu va'e Cristo rese yande yeroyasa pɨpe, iyakatu yande teiete yañemosañora ava Tüpä rese ndipɨ'añemoñeta tuprɨ vɨtei va'e rese, nda'ei chira rumo yande ae tëi yayembovɨ'a.

1 Corintios 10:24

Ndapesekai chira mba'e avɨye va'e peyeupe narä tëi, pesekara rumo ambuae ava upe mba'e avɨye va'e.

1 Corintios 10:28

Akoi ava aipo e'ise peü: “Ko mba'e ro'o ikwave'ëprɨ mba'e ra'anga upe tëi”, evokoiyase ndape'ui chira a'e mba'e ro'o, egwë peyera peü imombe'usar rereko megwä e'ɨ̇ agwä ava pɨ'a ñemoñeta momarä e'ɨ̇ agwä avei.

1 Corintios 10:29

Supiete che añe'ë ko ambuae ava pɨ'a ñemoñetasa rese, nda'ei pe pɨ'a ñemoñetasa rese. Che namondoi chietera che rekokwer ambuae ava mba'e tëi pɨpe vɨreko va'erä yuvɨreko.

1 Corintios 10:32

Supiete ndapemboyekwai chira pe rekokwerai; judío eta upe, ava nda'ei va'e judío yuvɨrekoi va'e upe, anise Jesús reroyasar yuvɨrekoi va'e upe avei.

1 Corintios 8:10

Esepia pe ko mba'e peikwa va'e, pe'use ko tembi'u mba'e ra'anga upendar karusave a'e Jesús reroyasar rembiepiave, avɨyeteramo pemongere'ɨ̇ aveira i'u uka agwä chupe.

1 Corintios 8:12

Esepia pemomaräse Tüpä rese ipɨ'a ñemoñetasa, a'ese pe ae peyemboangaipa uka Cristo amotare'ɨ̇sa pɨpe peiko.

1 Corintios 9:22

Iyavei no aikose ava yande Yar ndovɨroya tuprɨ vɨtei va'e pa'üve sekokwer nungar tuprɨ avei aiko Yar upe imongere'ɨ̇ katu agwä. Egwë a'e opakatu ava upe toñepɨsɨrö katu a'e avei yuvɨreko viya.

2 Corintios 11:21

Yepe achïai imombe'u peü viña, ¡ore reko mbegwe eteprɨ evokoi nungar apo agwä peü! Akoi oñe'ëse ambuae ava oyeupendar mba'e rese oyemboɨvate aisa pɨpe, che avei evokoiyase egwë a'era, yepe ndayarakwai va'e nungar aikora.

2 Corintios 11:29

Oimese oiporara va'e mba'erasɨkwer, che avei ayandu ko mba'erasɨsa; akoi oimese oyavɨ uka va'e mba'e, che avei añemoɨrö egwë e'ise.

2 Corintios 6:3

Ore ni'ä ndoromboyekwai ore rekoai ava pa'üve, esepia ndoroipotai ava Tüpä upe ore poravɨkɨsa rese iñe'ërai agwä yuvɨreko.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Colosenses 2:8

Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

1 San Pedro 2:16

Peiko tuprɨ ava rovake mbigwai tëi nungar sui senoseprɨ pe rekosa pɨpe, ndiyai rumo ipɨpe peyapo iri mba'e tëi. Peiko tuprɨra Tüpä rembigwai pe rekosa pɨpe.

2 San Pedro 2:19

Opakatu mba'e apo yaikatu yande reko pɨpe e'i tëi yuvɨreko, a'e ae rumo mbigwai tëi nungar yuvɨrekoi gwekokwerai apo pɨpe, esepia ndoyuvɨnose katui ete ichui, supiete yayapoño itese mba'e tëi, a'e evokoiyase mbigwai nungar ite yande rereko uka.

Apocalipsis 2:14

Che rumo aikwa mba'e pe resendar: eipeve amove ava ndoyepepɨ potai ete Balaam porombo'esa sui yuvɨreko. A'e omboarakwa Balac Israel pendar mboangaipa uka agwä, toyuvɨro'uño mba'e ro'o seropove'ëprɨ mba'e ra'anga upendar tëi oya, toyemboagwasaño yuvɨreko oyapave avei.