1 Corintios 8:3 - Tüpä Ñe'ëngagwer

³ Iyavei oimese ava osaɨsu va'e Tüpä, a'e ava oikwa ite Tüpä oyeupe narä sekoise.

Tũpa Ñehengagüer

³ Yande rumo yasaɨsuse Tũpa, ahese Tũpa, “Co ava cheundar ité secoi” ehira yandeu.

1 Corintios 8:3 Iomraidhean Croise

San Mateo 7:23

Evokoiyase amboyevɨra chupe: ‘Ndopokwai va'e ite; ¡peyepepɨ che sui, mba'e-mba'e tëi aposar!’ ”

San Juan 10:14

“Che ava rärösar avɨye va'e aiko. Inungar che Ru chekwa ite oiko che avei aikwa che Ru, egwë a'e avei che aikwa che reimba ovesa eta, a'e avei chekwa yuvɨreko. Che amondo che rekokwer sepɨrä yuvɨreko.

San Juan 21:17

Imombosapɨsa rupi oporandu iri chupe: –Simón, Juan ra'ɨrɨ, ¿che raɨsu vo eve? Pedro, ndoyembovɨ'ai tëi esepia oporandu mbosapɨ yupagwer rupi cheraɨsu ite pi'ä oyapave, a'e omboyevɨ chupe: –Che Yar, nde ni'ä opakatu ereikwa mba'e: nde avei ereikwa che oroaɨsuse nderereko. Jesús aipo e'i chupe: –Esärö tuprɨ ava che reroyasar sereko.

Romanos 11:2

Yɨpɨsuive ite, Tüpä oikwa Israel gwekwa nungar sereko; sese kurïtëi ndasesarai ete ichui. ¿Ndapeikwai vo Ikwachiaprɨ pɨpe aipo e'i Tüpä ñe'ë mombe'usar Elías resendar aipo e'i oyeruresa pɨpe oñe'ërai ava Israel pendar rese Tüpä upe? Aipo e'i:

1 Corintios 13:12

Kurïtëi yande ndayasendukwa tuprɨi Tüpä resendar mba'e, inungar akoi yepiasa pɨpe yasepia ävomi tëi mba'e; osupitɨra rumo arɨ yayeepia va'erä ñepëi-pëi ete kuri. Kurïtëi rumo che mba'ekwasa nda'ei supi tuprɨ va'e, koiye rumo aikwa tuprɨ katu itera Tüpä, inungar a'e oikwa tuprɨ che rekokwer oiko.

1 Corintios 2:9

Inungar Ikwachiaprɨ pɨpe aipo e'i: “Tüpä omoigätu mba'e ava gwaɨsupar upe a'e rumo mba'e ndosepiai va'e ite ava yuvɨreko yepi, iyavei ndipɨ'a ñemoñetai ete sese yuvɨreko.”

Gálatas 4:9

Kurïtëi rumo peikwa ite Tüpä, egwë e'i kurïtëi Tüpä ite oikwa pe rekokwer, sese ni'ä aipo a'e che yeupe, “¿marä e'i pi'ä oyevɨ iri mborokwaita tëi pɨpe mbigwai tëi gweko iri agwä yuvɨreko?”

2 Timoteo 2:19

Tüpä rumo omondo mba'e movɨräkwä tuprɨ agwä, sese ikwachiasa va'e pɨpe aipo e'i: “Yande Yar oikwa ite oyeupendar ava”, iyavei “Opakatu yande Yar rer vɨreko va'e, toyepepɨ mba'e naporäi va'e sui yuvɨreko yepi.”

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

1 San Juan 4:19

Yɨpɨndar Tüpä yande raɨsu, sese kurïtëi yande avei yasaɨsu Tüpä.

1 San Juan 4:7

Che rɨvrɨ eta, che rembiaɨsu, yayeaɨsu ñepëi-pëi, esepia yeaɨsusa Tüpä suindar. Opakatu osaɨsu va'e ava, a'e Tüpä ra'ɨrɨ, oikwa avei Tüpä yuvɨreko.

Apocalipsis 2:13

Che aikwa pe rekosa, a'eve akoi Karugwar ogwapɨ öi; mborerekwar gwasu nungar imboyeroyaprɨ sekoi. Pe rumo peyemovɨräkwäño ite chupe che rekokwer rese peiko, ndapeseyai ete che rese pe yeroyasa yepe oyuka tëi che rekokwer mombe'u tuprɨsar Antipas evokoi tekwa Karugwar rekosave.

Apocalipsis 2:19

Che aikwa mba'e opakatu pe rembiapo; aikwa pe poroaɨsusa, che rese pe yeroyasa, mba'e rese pe'añekosa iyavei pe yemovɨräkwäsa, aikwa avei kurïtëi mba'e perembiapo avɨye katu yɨpɨndar va'e sui.

Apocalipsis 2:9

Che aikwa pe yemombaraɨsusa, pe paraɨsusa avei; pe rumo mba'e yar nungar ite peiko ɨva pendar mba'e rese. Aikwa avei pe rese ava semirä tëi va'e, ore Tüpä rembiporavo judío oroiko e'i tëi va'e, a'e yuvɨrekoi Karugwar reroyasar tëi.