1 Corintios 8:12 - Tüpä Ñe'ëngagwer

¹² Esepia pemomaräse Tüpä rese ipɨ'a ñemoñetasa, a'ese pe ae peyemboangaipa uka Cristo amotare'ɨ̇sa pɨpe peiko.

Tũpa Ñehengagüer

¹² Esepia, pemomarase Tũpa rese ipɨhañemoñetasa, ahese pe ae peyemboangaipa uca Cristo amotarẽhɨsa pɨpe peico.

1 Corintios 8:12 Iomraidhean Croise

San Mateo 18:10

“Peroɨröi rene katu ñepëi chi'ïvä'emi. Supiete aipo a'e ɨvave mbigwai ɨva pendar osepiaño ite che Ru pirätäsa yuvɨreko yepi.

San Mateo 18:21

Evokoiyase Pedro oso oporandu Jesús upe: –Che Yar, ¿mbovɨ yupagwer rupi vo che ñeröira che rɨvrɨ upe, oyapose mba'e naporäi va'e cheu? ¿Ñuvɨrïo ova rupivera pi'ä?

San Mateo 18:6

“Akoi omboangaipa uka va'e ko chi'ïvä'emi che reroyasar, iyakatu ite imombosara paragwasu pɨpe ñapɨ̇chisara ita gwasu mba'e mboku'isa iyesɨ'o rese.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Mateo 25:45

Mborerekwar ɨvate katu va'e rumo omboyevɨra chupe: ‘Supiete akoi amove mba'e ndapeyapoise mba'e avɨye va'e seko mbegwemi va'e upe, ipɨpe rumo cheu avei mba'e ndapeyapoi ete.’

San Marcos 9:42

“Akoi ava omboangaipa uka va'e ko chi'ïvä'emi nungar che reroyasar, iyakatu evokoi nungar ñapɨ̇chisa ita mba'e mboku'isa iyesɨ'o rese paragwasu pɨpe imombo agwä.

San Lucas 17:2

Iyakatu evokoi nungar imombosa voi paragwasu pɨpe ñepëi ita mba'e mboku'isa pɨpe ñapɨ̇chisara iyesɨ'o rese, omoangaipa uka tëi va'e ñepëi ipa'ü pendar chi'ïvä'emi nungar.

Romanos 14:20

Ani pemokañɨ uka tëi ava rekokwer Tüpä remipɨsɨrö tembi'u sui tëi. Opakatu tembi'u avɨye va'e ite; ndiyai ete rumo ya'u tembi'u ambuae ava Cristo reroyasar pɨ'añemoñetasa momarä agwä.

1 Corintios 12:12

Inungar yande retekwer resendar seta mba'e oime viña, a'e rumo ñepëiño ite. Egwë e'i avei Cristo.