1 Corintios 7:35 - Tüpä Ñe'ëngagwer

³⁵ Che aipo a'e peü, mba'e tuprɨ pɨpe toyuvɨrekoi viya, nda'ei mba'e yavai va'e pɨpe pe reko agwä, che aipota ite pe reko katuprɨsa pɨpe yande Yar upeño ite mba'e peyapo va'erä pe rekoete pɨpe peiko.

Tũpa Ñehengagüer

³⁵ Che aipo ahe pẽu ‘mbahe tuprɨ pɨpe toyuvɨrecoi’ viya, ndahei mbahe yavai vahe pɨpe pe reco ãgua. Che aipota ité pe reco catuprɨsa pɨpe yande Yar upeño ité mbahe peyapo vaherã pe recoeté pɨpe peico.

1 Corintios 7:35 Iomraidhean Croise

San Mateo 19:12

Esepia oime pɨ'a ñemoñetasa ava menda e'ɨ̇ agwä: amove o'asa suive ndata'ɨi va'e, ambuae nombo'aɨ ukai ava yuvɨreko, ambuae evokoiyase nimendasei esepia oporavɨkɨ pota Tüpä mborerekwasa reseño ite. Akoi oikatu va'e ko ñe'ësa reroya agwä, tovɨroyaño.

San Mateo 22:15

Ko ipare, fariseo eta yuvɨraso ichui opa oñemoñeta oyavɨ uka va'erä Jesús ñe'ë yuvɨreko viña.

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

San Lucas 8:14

Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

1 Corintios 7:2

pe agwasa-gwasa tëi e'ɨ̇ agwä rumo, iyakatu perekoño itera pe rembireko ñepëi-pëi, kuña avei evokoiyase tovɨreko oyakatu omer yuvɨreko.

1 Corintios 7:28

Akoi eremendase, ndereyemboangaipai ete; iyavei kuñatäi nomenda vɨtei va'e, ndoyemboangaipai ete. Akoi omenda va'e upe rumo yavai katura ko ɨvɨ pɨpe yuvɨreko. Sese che ndaipotai evokoi nungar mba'e pɨpe yuvɨrekoi va'erä.

1 Corintios 7:36

Akoi ava ipɨ'añemoñeta va'e gwembirekovɨ rese omenda agwä, esepia ni'ä osupitɨ ite i'aravɨter imenda agwä, iyavei a'e ipɨ'añemoñetase oiko omenda agwä, toyapoño gwemimbotar, tomendaño ite gwembirekovɨ rese, esepia mendasa ni'ä nda'ei angaipa.

Efesios 5:3

Pe ni'ä Tüpä upendar ite peiko: sese ndapeyemboagwasai chietera iyavei ndapeikoi chira ambuae mba'e naporäi va'e pɨpe, yemombotasa opakatu mba'e rese.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

1 Timoteo 1:10

akoi oyemboagwasa tëi va'e, iyavei kuimba'e ambuae kuimba'e rese oyapo va'e mba'e, iyavei akoi vɨrokwa tëi va'e mbigwai ambuae ava sui, semiräñeteai va'e; iyavei akoi che amombe'u mba'e supiete va'e e'i tëi anga'u va'e, chupe narä ite ko porokwaita, imondosa avei opakatu porombo'esa nimaräi va'e amotare'ɨ̇sar upe narä.

Tito 2:3

Egwë e'i tuprɨ aveira, kuña otɨ̇arö va'e vɨrekora gweko katuprɨsa, ndosavaɨpoi chiaveira. Omboyekwara gwekokwer avɨye va'e