1 Corintios 7:26 - Tüpä Ñe'ëngagwer

²⁶ Cheu avɨye katuño ite nomendai va'e egwë e'iño tëise yuvɨreko viña. Esepia ni'ä tekokwer yavai eteanga kurïtëi.

Tũpa Ñehengagüer

²⁶ Cheu avɨye catuño ité ndomendai vahe ẽgüe ehiño tẽise yuvɨreco viña. Esepia niha, tecocuer yavaí eteanga cũritei.

1 Corintios 7:26 Iomraidhean Croise

San Mateo 24:19

¡Iparaɨsu itera kuña ipuru'a va'e yuvɨreko, a'e arɨ pɨpe imembɨ pitani va'e avei!

San Lucas 21:23

¡Iparaɨsu itera a'e arɨ pɨpe kuña ipuru'a va'e, imembɨ pitani va'e aveino! Esepia oimerä tekoasɨsa ko ɨvɨ pɨpendar upe, iyavei ñemoɨrösa tuvicha va'e tekwa uve narä.

1 Corintios 7:1

Kurïtëi amboyevɨra peü akoi pe porandusa mendasa resendar peikwachia va'e imbou cheu. Avɨyeño ite ni'ä ava nomendaise viña;

1 Corintios 7:27

Akoi pemendase, pepoi eme ite oyesui; akoi ndapemendaise, ndapeseka iri chietera peyeupe.

1 Corintios 7:28

Akoi eremendase, ndereyemboangaipai ete; iyavei kuñatäi nomenda vɨtei va'e, ndoyemboangaipai ete. Akoi omenda va'e upe rumo yavai katura ko ɨvɨ pɨpe yuvɨreko. Sese che ndaipotai evokoi nungar mba'e pɨpe yuvɨrekoi va'erä.

1 Corintios 7:8

Iyavei nomenda vɨtei va'e upe, kuña imer mano va'ekwer upe avei amombe'u pota mba'e, iyakatu revo ndapemendai chietera, inungar che aiko.

2 Tesalonicenses 2:2

peikwa katu, tapepɨ'añemoñeta rerova eme iyavei peyembosɨkɨyei rene akoi ava che añe'ë Espíritu pɨpe e'i va'e sui, anise ikwachiaprɨ sui, ñe'ësa pesendu va'e sui inungar-ra ore ñe'ësa ite viña oyepota arɨ Jesús yevɨsa e'i tëi va'e yuvɨreko peü.

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?