1 Corintios 7:25 - Tüpä Ñe'ëngagwer

²⁵ Akoi kuña nomenda vɨtei va'e yuvɨreko, a'e chupe narä ndarekoi Yar suindar che ñe'ë agwä; che rumo amondora che pɨ'a ñemoñetasa yuvɨreko chupe, esepia yande Yar che paraɨsuerekosa pɨpe ite imboyeroyaprɨ aiko.

Tũpa Ñehengagüer

²⁵ Cuñatai ndomenda vɨtei vahe resendar rese rumo ndarecoi Yar suindar che ñehe ãgua. Che rumo amondora che pɨhañemoñetasa yuvɨreco chupe. Esepia, yande Yar che paraɨsuerecosa pɨpe imboyeroyaprɨ aico.

1 Corintios 7:25 Iomraidhean Croise

1 Corintios 15:10

Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

1 Corintios 4:2

Supiete kurïtëi, akoi vɨreko va'e okwaitära iya ite omboyekwa okwaita mboavɨye tuprɨsa.

1 Corintios 7:10

Che aipo amombe'u omenda va'e upe, topoi eme kuña omer sui viya, nda'ei cheyesui tëi aipo a'e: a'e rumo yande Yar porokwaita ite.

1 Corintios 7:12

Ambuae ava opakatu upe rumo che yesui ete aipo a'e, esepia nda'ei ete yande Yar suindar ñe'ësa, akoi Jesús reroyasar vɨrekose gwembireko nda'ei va'e Jesús reroyasar, a'e kuña sekoi potaño itese sese, evokoiyase a'e topoi eme ite gwembireko sui.

1 Corintios 7:28

Akoi eremendase, ndereyemboangaipai ete; iyavei kuñatäi nomenda vɨtei va'e, ndoyemboangaipai ete. Akoi omenda va'e upe rumo yavai katura ko ɨvɨ pɨpe yuvɨreko. Sese che ndaipotai evokoi nungar mba'e pɨpe yuvɨrekoi va'erä.

1 Corintios 7:34

iyavei ipɨ'a ñemoñeta nda'oyoyai ete yuvɨreko. Egwë e'i avei kuña ndovɨrekoi va'e omer kuñatäi nomenda vɨtei va'e ipɨ'a ñemoñeta avei yande Yar upendar mba'e rese yuvɨreko, esepia sekoi pota ite gwetekwer espíritu reseve teko maräne'ɨ̇sa pɨpe; kuña omenda va'e rumo ipɨ'añemoñeta ko ɨvɨ pɨpendar rekokwer rese tëi omer mbovɨ'a agwä oiko.

1 Corintios 7:40

Nomenda irise rumo, avɨye katuño itera. A'e che pɨ'a ñemoñetasa, iyavei revo a'e che pɨ'a ñemoñetasa Tüpä Espíritu suindar ite.

1 Corintios 7:6

Nda'ei che opokwai tomenda yuvɨreko viya peü.

2 Corintios 11:17

nda'ei rumo yande Yar che kwaisa pɨpe aipo a'e, che arakwa e'ɨ̇sa nungar pɨpe rumo aipo a'e che yemboɨvateaisa pɨpe avei.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.