1 Corintios 7:23 - Tüpä Ñe'ëngagwer

²³ Tüpä opa ite perekokwa oyeupe narä, sese ndiyai ete ambuae ava povrɨve tëi peiko.

Tũpa Ñehengagüer

²³ Tũpa upe rumo perepɨ́ iteanga, sese ndiyai eté ambuae ava povrɨve tẽi peico.

1 Corintios 7:23 Iomraidhean Croise

San Mateo 6:24

“Ndipoi chietera ava ñuvɨrïo gwerekwar omboyeroya va'e, esepia ñepëi oyamotare'ɨ̇ra, ambuae evokoiyase osaɨsu katura, osaɨsu katura ñepëi iyavei ambuae oyamotare'ɨ̇ra. Ndayaikatui ete Tüpä mboyeroya gwarepochi pota raisa pɨpe.”

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

1 Corintios 6:20

esepia Tüpä yande rerokwa oyeupe narä. Sese peyapo mba'e avɨye va'e pe retekwer pɨpe Tüpä mboetei agwä.

Gálatas 2:4

Oime rumo amove yande rɨvrɨ anga'u tëi, a'e yuvɨroike mbegwe va'e ore pa'üve yasekoepia rane, supiete ndovɨroyai Moisés porokwaita Cristo Jesús reroyasa pɨpe yuvɨreko oyapave.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.