1 Corintios 7:22 - Tüpä Ñe'ëngagwer

²² Esepia pe mbigwai tëi peiko viña, peroyase rumo yande Yar, a'ese inungar nda'e iri va'e mbigwai peiko chupe; iyavei pe no, nda'ei va'e mbigwai tëi peiko va'e, yepe egwë peye viña, peroyase rumo Cristo, a'ese sembigwai peiko.

Tũpa Ñehengagüer

²² Esepia, yepe pe mbiguai tẽi peico viña, peroyase rumo yande Yar, ahese inungar ndahe iri vahe mbiguai peico chupe. Iyavei pe no, ndahei vahe mbiguai tẽi peico vahe, yepe ẽgüe peye viña, peroyase rumo Cristo, ahese sembiguai peico.

1 Corintios 7:22 Iomraidhean Croise

Romanos 1:1

Che Pablo, Jesucristo rembigwai aikwachia ko che ñe'ë peü. Tüpä che poravo Jesús ñe'ë mombe'usar che reko agwä, ñe'ësa poropɨsɨrösa resendar mombe'u agwä.

1 Corintios 7:21

Akoi Tüpä oñe'ëse ndeu a'ese nde ereiko mbigwai tëiete, sese ani nde pɨ'a ñemoñeta iri; yepe erereko tëira nde rekokwer mba'e avɨye va'e pɨpe viña, iyakatu rumo nde ereyapo tuprɨ ite mba'e ipɨpe.

1 Corintios 9:19

Yepe che nda'ei ava povrɨve tëi aiko viña, che rumo che remimbotar rupi opakatu ava rembigwai nungar ayeereko, taseta katu ava ikere'ɨ̇ va'e Cristo reroya agwä che yapave.

1 Corintios 9:21

Iyavei ava ndoyuvɨrekoi va'e Moisés porokwaita povrɨve, che avei aiko inungar a'e yuvɨrekoi, egwë a'e tuprɨ avei imongere'ɨ̇ agwä yande Yar Tüpä upe vichiko, esepia ni'ä che rekokwer Cristo porokwaitavrɨve ite sekoi.

Gálatas 1:10

Che ndasekai ava tëi cherekoa'ä agwä, che rumo aseka Tüpä ite cherekoa'ä agwä. Ndasekai che ava rese aiko tuprɨ va'erä. ¡Akoi che tëi asekase aiko tuprɨ va'erä ava rese, evokoiyase nda'ei chietera Cristo rembigwai aiko viña!

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

Filemón 1:16

nda'e iri chira mbigwai tëi, a'e rumo avɨye katu itera mbigwai gweko agwer sui: inungar yande rɨvrɨ yande rembiaisu. Che asaɨsu eteprɨ, nde rumo eresaɨsu katura itera, anichira rumo inungar ava tëi iyavei inungar yande rɨvrɨ yande Yar upe narä.

1 San Pedro 2:16

Peiko tuprɨ ava rovake mbigwai tëi nungar sui senoseprɨ pe rekosa pɨpe, ndiyai rumo ipɨpe peyapo iri mba'e tëi. Peiko tuprɨra Tüpä rembigwai pe rekosa pɨpe.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

San Judas 1:1

Che Judas, aiko Jesucristo rembigwai, Santiago rɨvrɨ. Che aikwachia ko che ñe'ë peü. Pe ni'ä yande Ru Tüpä rembiaɨsu semienoi peiko. Jesucristo ni'ä perärö opakatu mba'e-mba'e tëi sui.