1 Corintios 7:21 - Tüpä Ñe'ëngagwer

²¹ Akoi Tüpä oñe'ëse ndeu a'ese nde ereiko mbigwai tëiete, sese ani nde pɨ'a ñemoñeta iri; yepe erereko tëira nde rekokwer mba'e avɨye va'e pɨpe viña, iyakatu rumo nde ereyapo tuprɨ ite mba'e ipɨpe.

Tũpa Ñehengagüer

²¹ Pe mbiguai tẽi peico vahe pe renoise Tũpa, pepɨhañemoñeta eteprɨ eme evocoiya pe recosa sui pesẽ vaherã rese. Peicatuse rumo, peyepepɨño itera ichui.

1 Corintios 7:21 Iomraidhean Croise

San Lucas 12:29

Sese pe pɨ'a ñemoñeta gwasuai rene, pekaru agwä rese peɨ'u tëi agwä rese aveino.

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

1 Corintios 12:13

Egwë ya'e avei opakatu, yepe yande pa'üve oime judío, nda'ei va'e judío, mbigwai nda'ei va'e avei mbigwai, yande rumo opakatu ñapirämombrɨ yaiko ñepëi va'e nungar yande reko agwä Espíritu ñepëi va'e pɨpe; a'e ñepëi Espíritu avei opa yaipɨsɨ.

1 Corintios 7:20

Ñepëi-pëi peiko va'e perekora perekokwer ɨ̇vɨisa inungar yɨpɨndar Tüpä oñe'ëse peü.

1 Corintios 7:22

Esepia pe mbigwai tëi peiko viña, peroyase rumo yande Yar, a'ese inungar nda'e iri va'e mbigwai peiko chupe; iyavei pe no, nda'ei va'e mbigwai tëi peiko va'e, yepe egwë peye viña, peroyase rumo Cristo, a'ese sembigwai peiko.

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Filipenses 4:11

Ipane mba'e cheu nda'ei chira peü, esepia ayembo'e che vɨ'arete agwä mba'e areko va'e rese.

Filipenses 4:6

Ani ndapeyembovɨ'ai chira mba'e ipanese peü, iyakatu rumo peyerurera opakatu evokoi nungar mba'e rese Tüpä upe; peporandura mba'e rese, iyavei avɨye ndeu peyera chupe.

Colosenses 3:11

Nda'ei mba'e avɨye va'e peikose griego, anise judío, iyavei imbocircuncidaprɨ anise nimbocircuncidaiprɨi, iyavei yaikose ambuae tekwa pendar, iyavei ava ndovɨrekoi va'e arakwasa oyese, ava rembigwai tëi sekoi va'e, anise nda'ei va'e mbigwai, esepia Cristo ɨvate katu va'e opakatu sui iyavei oyoya gwasu opakatu yande pɨ'a pɨpe yareko.

Hebreos 13:5

Ndape gwarepochi potarai chira; iya peyembovɨ'año mba'e pereko va'e rese, esepia Tüpä aipo e'i: “Ndoroeyai chietera, iyavei ndapoi chietera ndesui.”

1 San Pedro 5:7

Opakatu mba'e rese pe pɨ'añemoñeta atɨsa pemombe'ura Tüpä upe, esepia a'e pe rärösar ite sekoi.