1 Corintios 6:20 - Tüpä Ñe'ëngagwer

²⁰ esepia Tüpä yande rerokwa oyeupe narä. Sese peyapo mba'e avɨye va'e pe retekwer pɨpe Tüpä mboetei agwä.

Tũpa Ñehengagüer

²⁰ Esepia, Tũpa yande rerocua oyeupe nara. Yande rumo yande repɨ chupe. Sese peyapo mbahe avɨye vahe pe retecuer pɨpe Tũpa mboetei ãgua.

1 Corintios 6:20 Iomraidhean Croise

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

Romanos 6:19

(Che amboyoya tekokwer mba'e ko ɨvɨ pɨpendar rese imombe'u peü, esepia yavai vɨte ite peü ko ñe'ësa rendukwa tuprɨ agwä.) Yɨpɨndar pe retekwer pereko mba'e tëi pɨpe mba'e naporäi va'e apo agwä, egwë peye avei kurïtëi pe rekokwer mondo mba'e tuprɨ apo agwä, ipɨpe sui peikora tekovesa maräne'ɨ̇ pɨpe.

1 Corintios 10:31

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

1 Corintios 7:23

Tüpä opa ite perekokwa oyeupe narä, sese ndiyai ete ambuae ava povrɨve tëi peiko.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Filipenses 1:20

Supiete asäro che ñemovɨräkwäsa pɨpe Tüpä, ndache mondoi e'ɨ̇ agwä ñemochisa pɨpe, a'e rumo oyemboyekwara opakatu ava rovake che rese Cristo pirätäsa, aikove vɨtese anise amanose avei.

Hebreos 9:12

Cristo rumo oike imaräne'ɨ̇ katu va'esave ɨvave, nda'ei rumo ovesa iyavei gwaka ra'ɨrɨ ruvɨ reropove'ë agwä, a'e rumo vɨropove'ë vuvɨ ite opakatu rese; egwë e'i a'e ñepëi reseve oike apɨre'ɨ̇ va'e ñepɨsɨrösa reime agwä yandeu.

1 San Pedro 1:18

Esepia Tüpä pe pɨsɨrö araka'endar pe ramoi suindar arakwasa egwë e'i tëi va'e sui, peikwa tuprɨ ite ni'ä ko poropɨsɨrösa reprɨ nimboepɨsai ete mba'e okañɨ tëi va'erä pɨpe inungar oro, anise gwarepochi,

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.