1 Corintios 6:15 - Tüpä Ñe'ëngagwer

¹⁵ ¿Ndapeikwai vo pe retekwer Cristo retekwer rese sekoise? ¿Ndiyai ete evokoiyase Cristo upendar yande rete mondo agwä kuña gwetekwer omondo-mondo tëi va'e upe? ¡Ani nda'ei ete supi!

Tũpa Ñehengagüer

¹⁵ Peicua niha yande rete Jesucristo upendar ité. Ndiyai eté evocoiyase Jesucristo upendar yande rete mondo ãgua cuña güetecuer omondo-mondo tẽi vahe upe.

1 Corintios 6:15 Iomraidhean Croise

San Lucas 20:16

Osora oyukapa tuprɨra evokoi oporavɨkɨ va'e, omondora ɨvɨ ambuae eta upe.” Ko renduse, aipo e'i yuvɨreko: –¡Aipo nungar egwë nde'i chietera!

Romanos 12:5

egwë ya'e avei yande, yepe yande retara viña, Cristo rese yayemboyase rumo, ñepëi va'e nungar yaiko, evokoiyase yande ñepëi-pëi opakatu upendar yaiko.

Romanos 3:31

Evokoiyase, ¿Jesús reroyasa pɨpe pi'ä yaseko reroyɨ porokwaita yaiko? ¡Ani nda'ei ete supi! Ipɨpe yamboyekwa ite porokwaita rekokwer sereko.

Romanos 3:6

¡Ani nda'ei ete supi! Esepia Tüpä nda'eise supi tuprɨ va'e viña, ¿marä e'ira oporandu tekokwer rese ko ɨvɨ pɨpendar upe viña?

Romanos 6:15

¿Evokoiyase marä e'ira pi'ä? ¿Yayemboangaipa vɨtera pi'ä ndayaikoise porokwaita rupi anise Tüpä porovasasa pɨpe yaikose? ¡Ani nda'ei ete supi!

Romanos 6:2

¡Ani nda'ei ete supi! Esepia yande ni'ä senoseprɨ angaipa pɨpe sui; ¿marä vo, evokoiyase yaiko vɨtera angaipa pɨpe viña?

Romanos 7:13

Evokoiyase, ¿ko porokwaita avɨye va'e pi'ä che rereko manosa tëi? ¡Ani nda'ei ete supi! Angaipa tëi rumo egwë e'i che rereko, evokoiyase ko porokwaita kwasa sui oipota katu uka mba'e tëi apo agwä cheu. Ipɨpe aikwa angaipa oime va'e che rese, egwë e'i avei a'e porokwaita omboyekwa tuprɨ ite angaipa mba'e tëi va'e yandeu.

Romanos 7:7

¿Ko sui pi'ä porokwaita angaipa tëi ya'era? ¡Ani ete nda'ei ete supi! Ko rumo ndaikwai chietera che angaipa porokwaita ndipoise viña. Supiete che ndaikwaise, “Ndapeipotarai chira ambuae ava mba'e.” e'i va'e mborokwaita pɨpe, a'ese ndaikwai chira che mba'e pota raisa viña.

1 Corintios 11:3

Che rumo aikwa uka tuprɨ pota peü, Cristo ni'ä sekoi ñepëi-pëi kuimba'e kwaisar, kuimba'e evokoiyase gwembireko kwaisar sekoi. Egwë e'i avei Tüpä Gwa'ɨrɨ Cristo upe.

1 Corintios 12:27

Supiete pe inungar Cristo rete peiko, egwë peye ite ñepëi-pëi chupendar peiko.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

1 Corintios 6:17

Akoi ava sekoi va'e rumo yande Yar rese, a'e sekokwer evokoiyase ñepëiño ite.

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

1 Corintios 6:3

¿Ndapeikwai vo yande avei yaporandura mbigwai ɨva pendar rekokwer rese kuri? ¡Evokoiyase peporandu katu itera ko ɨvɨ pɨpendar tekokwer rese peyeupe yepi!

Gálatas 2:17

Yasekase yande reko katuprɨ agwä Cristo rese yande yeroyasa pɨpe, yaikwa avei angaipa viyar yande rekose, ¿Cristo pi'ä evokoiyase yande mboangaipa? ¡Ani nda'ei ete supi!

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Efesios 4:12

Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Efesios 5:23

Esepia imer gwembireko kwai agwä sekoi, egwë e'i avei ni'ä Cristo vɨroyasar kwai agwä oiko, vɨroyasar pɨsɨrösar avei sekoi, inungar gwetekwer sereko.

Efesios 5:30

esepia a'e ni'ä setekwer sekoi. Yande evokoiyase yaiko setekwer rese ite.

Colosenses 2:19

Esepia a'e ndoyuvɨrekoi yande kwaisar Cristo rese, a'e omovɨräkwä va'e opakatu vɨroyasar yepi, evokoiyase a'e omboyemboya tuprɨ oyese, ñepëi va'e nungar vɨreko oyeupe Tüpä remimbotar rupi.