1 Corintios 6:11 - Tüpä Ñe'ëngagwer

¹¹ Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Tũpa Ñehengagüer

¹¹ Oime avei niha acoi pe pãhu pendar yɨpɨndar ẽgüe ehi vahe yuvɨreco viña, cũritei rumo opa pe angaipa imocañɨsa pe sui iyavei pe ipehaprɨ peico Tũpa upe nara ité. Ahe, “Peyavɨ mbahe” ndehi iri pẽu yande Yar Jesucristo rer pɨpe iyavei yande Ru Tũpa Espíritu pĩratasa pɨpe avei no.

1 Corintios 6:11 Iomraidhean Croise

San Mateo 20:4

Aipo e'i chupe: ‘Peso, pe avei tapeporavɨkɨ che uvatɨve, amboepɨ tuprɨra ni'ä peü’ Ichui opa yuvɨraso.

San Lucas 18:14

Sese aipo a'e peü ko gwarepochi rerokwasar oyevɨ tuprɨ gwëtäve oso, fariseo rumo ani ete. Esepia ni'ä, opakatu akoi oyemboɨvateai va'e, opara seko reroyɨsa; akoi seko mbegwe va'e, a'e rumo seko mboɨvate katusara.”

San Juan 13:10

Jesús omboyevɨ chupe: –Akoi oyasupa ramo va'e, a'e ipɨño tëi yoseisara, esepia opakatu ite imoatɨröprɨ sekoi. Iyavei pe ndapekɨ'ai ete peiko, yepe nda'ei opakatu tuprɨ egwë peye.

San Juan 13:8

Pedro aipo e'i chupe: –¡Che rumo ndaipotai chietera che pɨsei agwä eve! Jesús omboyevɨ chupe: –Ndayoseise rumo nde pɨ, evokoiyase nda'ei chietera che rupindar ereiko.

San Juan 5:4

Esepia amove tëi mbigwai ɨva pendar ogweyɨ ɨvɨkwarve ɨ movɨi agwä, akoi a'e rane okui va'e ɨ ñemovɨi seve okwera voi ete omba'erasɨsa sui.

Los Hechos 22:16

Evokoiyase, kurïtëi ndiya iri eresärö. Epü'a, toroapirämo eporandu yande Yar upe nde reko moatɨrö agwä nde angaipa sui.’ ”

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Romanos 3:24

Tüpä rumo oporoaɨsusa pɨpe ovɨ'asa pɨpe avei, omoigätu yande rekokwer mba'e tuprɨ pɨpe narä, Cristo Jesús mano agwer sui yaiko pɨsɨrösa pɨpe kurïtëi.

Romanos 4:5

Oime rumo, Tüpä vɨroya va'e, a'e akoi angaipa rerekosar rekokwer moigätusar sekoi, Tüpä evokoiyase iporeroyasa pɨpe oseko mbokatuprɨra, yepe ndoyapoi chira mba'e avɨye va'e chupe viña.

Romanos 5:1

Sese Tüpä yande reko mo'ɨ̇vi tuprɨ yande rereko avɨye yande yeroyasa pɨpe, ichui yaiko mba'e tuprɨ pɨpe Tüpä rese yande Yar Jesucristo rembiapo sui.

Romanos 5:9

Kurïtëi rumo, Tüpä yande reko mo'ɨ̇vi ete oiko Cristo mano agwer sui, ipɨpe sui yañepɨsɨröra angaipa ipa va'e sui kuri.

Romanos 8:30

Iyavei Tüpä yɨpɨsuive yuvɨrekoi va'e oiporavo, chupe oñe'ë oyeupe narä seko agwä, ipare oseko mo'ɨ̇vi tuprɨ; oseko mo'ɨ̇vi pare omondo teko porañetesa chupe.

Romanos 8:33

¿Uma pi'ä oikatura mba'e tëi pɨpe mondo agwä Tüpä rembiporavo? Esepia Tüpä oseko mo'ɨ̇vi opakatu vɨroyasar.

1 Corintios 1:30

Tüpä ite ni'ä opa pe mboyemboya Cristo Jesús rese, iyavei Cristo vɨreko uka yande mba'ekwa agwä, yande reko tuprɨ agwä, yande rekokwer rovasa agwä iyavei ndayaiko iri va'erä mba'e-mba'e tëi pɨpe.

1 Corintios 12:2

Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

Gálatas 2:16

Kurïtëi rumo yaikwa, ndipoi ete ava seko katuprɨ va'e Moisés porokwaita mboavɨyesa pɨpe Jesucristo rese yeroyasa pɨpe ñoite rumo yande reko katuprɨ. Sese yande avei yayeroya Jesucristo rese, a'ese Tüpä oikwara yande yeroyasa, avɨye yande yeroyasa upe nda'ei porokwaita reroyasa pɨpe. Esepia ndipoi chietera ñepëi ava seko katuprɨ va'e porokwaita mboavɨyesa pɨpe tëi.

Gálatas 3:11

Ko Moisés porokwaita pɨpe ndipoi ete ava Tüpä rovai seko ɨ̇vi tuprɨ va'e; esepia Ikwachiaprɨ pɨpe apo e'i: “Ava seko katuprɨ va'e oikovera Tüpä rese oyeroyasa pɨpe sui.”

Gálatas 3:24

Inungar chi'ïvä'emi tëi, egwë ya'e porokwaitavrɨve yaiko yɨpɨndar, a'e porokwaita rumo yande mbo'e Cristo yu agwä toyeroya sese gweko katuprɨ agwä kuri oya yandeu.

Gálatas 3:8

Iyavei Ikwachiaprɨ pɨpe omombe'u ite senondeve Tüpä oipɨsɨ aveira opakatu oyese oyeroya va'e nda'ei va'e judío ko ɨvɨ pɨpendar oyeupe narä. Iyavei omombe'u ko ñe'ësa ikatuprɨ va'e Abraham upe: “Opakatu ava ɨvɨ pɨpendar sovasaprɨra yuvɨreko ndesui.”

Efesios 5:26

Egwë e'i yande rekokwer moatɨrö yande angaipa sui ɨ pɨpe Tüpä ñe'ëngagwer reroyasave

Efesios 5:8

Peikwa ni'ä yɨpɨndar peiko pɨ̇tümimbisa nungar mba'e-mba'e tëi pɨpe, kurïtëi rumo peiko tesapesa nungar pɨpe yande Yar rese. Sese peiko tuprɨño ite Tüpä suindar poroesapesa pɨpe,

2 Tesalonicenses 2:13

Ore rumo, avɨye ndeu oro'eño ite Tüpä upe pe rekokwer rese yepi, che rɨvrɨ eta, yande Yar rembiaɨsu peiko va'e, esepia Tüpä ni'ä pe poravo yɨpɨsuive pe pɨsɨrö agwä pe reko maräne'ɨ̇ agwä rese Espíritu pɨpe iyavei porombo'esa supiete va'e reroya agwä.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 10:29

Ndapeikwai vo ¿akoi Tüpä Ra'ɨrɨ marä-marä tëi rerekosar suvɨ reroɨrösar avei a'e oipɨsɨra ñemoɨrösa tuvicha katu va'e yuvɨreko, Tüpä Espíritu raɨsusar reroɨrösar avei? Evokoi tuvɨ pɨpe ni'ä imboavɨyesa ñe'ësa yepi, ipɨpe avei ni'ä a'e ava Tüpä rembipe'a yuvɨrekoi.

Hebreos 2:11

Esepia opakatu vɨreko ñepëi Vu yuvɨreko ko seko katuprɨ va'e, seko mbokatuprɨsar avei. Sese Tüpä Ra'ɨrɨ nochi ete, che rɨvrɨ eta peiko o'e agwä vɨroyasar upe.

1 San Pedro 1:2

supiete pe yande Ru Tüpä rembiporavo yɨpɨsuive ite peiko semimbotar rupi. Iyavei Espíritu Maräne'ɨ̇ pɨpe perovasa pe rereko oyeupe narä imoatɨröprɨ toyuvɨrekoi Jesucristo ruvɨ pɨpe oangaipagwer sui oyapave. Peipɨsɨ katu Tüpä porovasasa pe reko tuprɨ agwä.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,

1 San Juan 2:12

Che ra'ɨreta, ko aikwachia peü narä, esepia Tüpä iñeröi pe angaipa rese peü Jesucristo rekokwer pɨpe.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,

Apocalipsis 7:14

“Nde rumo ereikwa” a'e imboyevɨ chupe. A'e evokoiyase aipo e'i cheu: “Ko akoi yuvɨnosë tuprɨ va'e ite teko asɨsa sui yuvɨreko, inungar oyosei omomorochi va'e oturukwar, egwë e'i avei gwekokwer imomorochi Ovesami a'e Cristo sekoi va'e ruvɨ pɨpe yuvɨreko.”