1 Corintios 6:1 - Tüpä Ñe'ëngagwer

¹ Akoi oimese pe pa'ü pendar vɨreko va'e vavasa ambuae ava rese, ¿ma'erä evokoiyase peporandura mborerekwar ndiporeroyai va'e upe mba'e moigätu agwä, iya rumo peporandura mborerekwar Tüpä reroyasar upe?

Tũpa Ñehengagüer

¹ Ambuae mbahe no: Oime pe pãhu pendar “co mbɨa oyapo mbahe tẽi cheu” ehi vahe ambuae Jesús reroyasar upe. ¡Mahera peraso mborerecuar Tũpa reroyasarẽhɨ upe tẽi evocoi mbɨa rembiapo ai rese porandu ãgua! Iyacatu rumo Tũpa reroyasareta upe perasora secocuer moingatu ãgua yuvɨreco viña.

1 Corintios 6:1 Iomraidhean Croise

San Mateo 5:45

Egwë peyese peikora pe Ru ɨva pendar ra'ɨrɨ; a'e ni'ä osesape uka arɨ ava naporäi va'e upe avɨye va'e upe avei, ombou avei amar seko katuprɨ va'e upe ndasekoporäi va'e upe avei.

Los Hechos 19:38

Sese Demetrio iyavei oporavɨkɨ va'e supi oñemoɨröse ava upe, toyuvɨraso rane ava rekokwer moigätusar upe yuvɨreko; a'eve tomoigätu gwekokwer yuvɨreko.

1 Corintios 14:33

esepia Tüpä sekoi Tüpä mba'e avɨye va'e aposar ite, nda'ei mba'e naporäi va'e aposar. Iya ite rumo yayapora mba'e avɨye va'e Jesús reroyasar yande rekosa pɨpe,

1 Corintios 16:1

Iyavei ko gwarepochi monu'ä agwä iparaɨsu va'e Jesús reroyasar upe narä, pe avei katu peyapo mba'e inungar che amombe'u Jesús reroyasar ɨvɨ Galacia rupindar upe.

1 Corintios 16:15

Che rɨvrɨ eta, peikwa Estéfanas opakatu gwëtä pendar reseve, a'e ranei yɨpɨndar ɨvɨ Acaya rupi vɨroya va'e ñe'ësa yande Yar resendar yuvɨreko, oyemondo avei ambuae Jesús reroyasar rese añeko tuprɨ agwä yuvɨreko no.

1 Corintios 5:12

Cheu ndiyai ete ava ndoyuvɨrekoi va'e Tüpä rese rekokwer rese porandu agwä; Tüpä a'e ava yuvɨrekoi va'e rekokwer opara oikwa koiye. Pe rumo pe kwaita ite Tüpä rese yuvɨrekoi va'e upe pe porandu agwä sekokwer rese. Sese pemboyepepɨño ite osɨ rekoyar rese sekoi va'e pe pa'ü sui.

1 Corintios 6:5

Che aipo a'e ite peü pechï agwä: ¿Ndipoimi ete vo pe pa'üve ñepëi yarakwa va'e oikatu va'e, mba'e tëi peyeupendar moigätu agwä?