1 Corintios 5:7 - Tüpä Ñe'ëngagwer

⁷ Sese pepoi evokoi nungar mboyape mboapeposa naporäi va'e sui, a'ese peikora inungar mboyape yapoprɨ ipɨasu ramo va'e. Iyavei peiko inungar mboyape ndovɨrekoi va'e omboapeposa i'usa va'e Pascua pieta pɨpe yepi. Esepia yande Yar Cristo iparaɨsu omano yande repɨrä, inungar ovesa yukaprɨ angaipa mokañɨ agwä Pascua pɨpe.

Tũpa Ñehengagüer

⁷ Evocoi ava rembiapo ai inungar pan mboapeposa pe pãhuve. Sese pemombopa pe pãhu sui peicoẽhɨ ãgua angaipa pɨpe peico vaherã inungar panguã ipɨasu vahe ndovɨrecoi vahe omboapeposa oyese. Ẽgüe peye ité niha. Esepia, yande Yar Jesucristo iparaɨsu omano yande repɨrã. Ẽgüe ehi ahe inungar ovesa yucaprɨ angaipa mocañɨ ãgua judío pieta Pascua pɨpe yepi.

1 Corintios 5:7 Iomraidhean Croise

San Mateo 13:33

Omombe'u avei ambuae ko porombo'esa: “Tüpä mborerekwasa inungar mboyape mboapeposa ñepëi kuña omboyese'ase mbosapɨ sa'ämbrɨ trigo ku'i rese opakatu imboapepo agwä yepi.”

San Marcos 14:12

Yɨpɨndar arɨ pieta mboyape ndayapepoi va'e usa pɨpe, a'ese avei ovesa Pascua resendar yukaprɨ seropove'ësa yepi, a'e arɨ pɨpe semimbo'e oporandu Jesús upe yuvɨreko: –¿Kevo ereipota oromoigätura karusa Pascua resendar yandeu?

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

San Juan 1:36

Jesús oñokwase, Juan osepia aipo e'i chupe: –¡Pesepia, evokoi inungar Ovesa Tüpä remimbou seropove'ëpɨra!

San Juan 19:14

Ipane vɨtese ñepëi arɨ Pascua pieta agwä, vɨrovɨse aipo mbɨter arɨ. A'ese Pilato aipo e'i judío eta upe: –¡Ndo ko pe rerekwar sekoi!

Romanos 3:25

Tüpä rumo ombou Gwa'ɨrɨ Cristo oipɨyere va'erä vuvɨ yande angaipa rese ñerö agwä. Ko poropɨsɨrösa yareko yande yeroyasa pɨpe. Na e'i pota Tüpä yande rekokwer moigätu agwä: ipɨpe sui iñeröira yande angaipa yayavɨ va'ekwer upe,

1 Corintios 10:17

Yepe yandereta iteanga yaiko viña, opakatu ite ni'ä ya'u mboyape ñepëi ava sui, ipɨpe sui avei yaiko ñepëi ava nungar yepi.

Efesios 4:22

Sese, pesekuñaröra perekokwerai yɨpɨndar pereko va'e iyavei pepoira yɨpɨndar perekokwerai sui, esepia opa pe pɨ'a ñemoñeta rerova pe mba'e potaraisa.

Apocalipsis 5:12

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”